【著數慳家王】銅鑼灣全新2層大零食體驗館開幕！30部夾公仔機$5局、5千款零食最平咖啡$4/罐
全新「四洲食品體驗館」於去年（2024年底）正式開幕，舖位前身是日本生活雜貨品牌MonoMono，該品牌結業後，由四洲集團承租其銅鑼灣Fashion Walk內佔地超過25,000平方呎的位置。場地分上下兩層，下層是零食超市，上層是2025年新開的夾公仔機區，雲集超過5,000款零食，來自30多個國家，包括日本零食、歐美糖果和本地小食。記者實地探訪發現，一罐咖啡僅HK$4，可說是平絕全銅鑼灣！
即刻去片
上層夾公仔區 一局只需HK$5
位於一樓的夾公仔專區是體驗館的新亮點！合共30台夾公仔機提供多款獎品，包括Pocky百力滋、小熊餅乾、多款愉快動物及小熊餅乾主題公仔和紀念品，一局只需HK$5，極具吸引力。
下層超市 最平罐咖啡HK$4
體驗館下層超市雲集超過5,000款零食，設有品牌展示區、薯片區、百力滋區、朱古力區、餅乾及糖果區等，而且價格亦相當實惠！記者現場所見，一罐咖啡賣HK$4，在銅鑼灣來說實屬罕見。今期優惠還有樂天夾心蛋糕（雞蛋布丁/朱古力吉士味）買一送一，原價HK$25，現每盒HK$12.5；日本栗駒卵雞蛋10隻一盒HK$10。
優惠推介
大家的童年回憶金必氏愉快動物餅只需HK$8/盒，8包家庭裝（紫菜味）更只需HK$20；童年最愛欣欣杯（朱古力/草莓味）每杯HK$8、四洲甘大滋小包裝也是HK$5而已，非常抵買！
特色零食同樣吸睛，例如卡巴也玩具抽獎機連彩色波波糖（HK$30）、SEBON STAR頸鏈朱古力（HK$20），以及一系列港式風味薯片，包括蝦子拌麵味、鮑魚味、脆皮燒鵝味等均能一次過在此找得到，融合香港地道風味與香脆口感，每款約為HK$14。而被受矚目的日本熱賣「Creme Brulee焦糖布丁雪糕」（HK$35），以北海道牛奶製成，綿滑雪糕搭配焦脆表面，無需遠赴日本即可品嚐！
此外，館內增設經典「掟階磚」遊戲，購物滿HK$50即可獲贈10個代幣，只要將代幣掟中階磚內，即能獲贈口香糖。有興趣的話，不妨帶小朋友來買零食，再玩番局啦！
INFO
地址：Fashion Walk京士頓街9號地下及一樓C號舖
營業時間：10:00 - 22:00（星期一至星期日）
-
打卡熱點
四洲食品體驗館
四洲食品體驗館（銅鑼灣）
原來銅鑼灣都有四洲食品體驗館,仲要有勁多夾公仔機及零食買😍 今次好幸運$5就夾到愉快動物餅既獅子🦁正呀😍 #UCreator#打卡美食#好去處#全新景點#chill#隱世打卡點#打卡#愉快動物餅#四洲食品體驗館
閱讀更多
-
親子
四洲食品體驗館
25,000尺零食天地 獨家零食卡通夾公仔機 大人細路都啱
#親子好去處#夾公仔機#金妹牌公仔#銅鑼灣零食店 銅鑼灣Fashion Walk開咗間特色零食體驗館25,000尺兩層嘅空間,當然有好多零食賣, 仲有好多香港特色嘅零食, 遊客嚟買手信就最啱 仲有好多零食品牌吉祥物嘅擺設可以打卡 最特別係二樓! 2樓有好多部夾公仔機 特別在夾嘅公仔全部都係唔同嘅零食品牌卡通人物嘅公仔, 我上淘寶搵過,真係多數都冇 有樂天熊仔餅､Haribo熊仔､愉快動物餅嘅動物､卡樂B薯仔､不二家牛奶妹牛奶仔 最最最最吸引到我嘅就係金妹牌火腿廣告入面嗰隻豬妹嘜!🐷🐽 (因為我係一個豬迷) 呢個廣告簡直係童年回憶 估唔到佢哋竟然出咗公仔(中同細size)同埋咕𠱸!😍 因為誤中保夾,幸運地用咗$10就夾到隻中豬! 愉快動物餅大笨象都係$20憑實力夾到😎 不過金妹豬咕𠱸就用咗成舊水都夾唔到😩😩 飲恨! 另外購物滿幾十蚊,就可以有10個金幣玩掉階磚 原來唔係咁易㗎! 一個都冇中😢
閱讀更多
-
香港攻略
四洲食品體驗館
👶🏻👧🏻親子好去處 🛍️銅鑼灣 四州食品體驗館
分類:#花木子hk#花木子銅鑼灣 🙀無意中發現銅鑼灣有呢個地方❗️ 館內過千款來自世界各地零食,包括朱古力餅､糖果､曲奇､飲品等 海量人氣爆燈｢尋秦記｣甘大滋黑朱古力味餅乾條🔥味道唔錯👍🏻 抽電影角色珍藏卡嗰下好興奮😂 仲有呢期買爆嘅日本朱古力🍫雖然價錢冇759咁抵😈同一品牌奶茶､咖啡冇朱古力咁出色,但將朱古力🍫溝埋咖啡☕️Mocha 味道都唔錯,又冇咁單調☺️ 飲咗2年,雖然好飲..但唔知點解要買爆🤷🏻♀️聽相熟sales哥哥講宜家係幾箱咁賣🫣 除咗行零食超市,買滿$100 仲可以玩懷舊擲彩虹,用代幣挑戰中獎🌈聽聞2樓有其他抵玩夾公仔🧸遊戲🧛🏻♀️二小姐太攰冇上去 去過既朋友仔可以留言分享2樓係咪真係咁抵玩👻 四州食品體驗館 營業時間10-10PM 地址:銅鑼灣Fashion Walk 京士頓街9 號Shop C #香港好去處 #親子好去處#親子活動#銅鑼灣 #零食#零食控#世界各地零食#四州食品體驗館#銅鑼灣零食店#擲彩虹#夾公仔
閱讀更多
港生活人氣本地熱話
↓ 登記免費送Sudio藍牙降噪耳機！ ↓
超美限量版！沉浸式聽覺體驗～🎧
↓【限時搶⚡】置富Malls送Capybara PIMOO CAPY豚長春日禮品↓
↓冷靜應變變色杯｜豚長呆萌旅行收納袋套裝↓
假日好去處