【著數慳家王】銅鑼灣全新2層大零食體驗館開幕！30部夾公仔機$5局、5千款零食最平咖啡$4/罐
全新「四洲食品體驗館」於去年（2024年底）正式開幕，舖位前身是日本生活雜貨品牌MonoMono，該品牌結業後，由四洲集團承租其銅鑼灣Fashion Walk內佔地超過25,000平方呎的位置。場地分上下兩層，下層是零食超市，上層是2025年新開的夾公仔機區，雲集超過5,000款零食，來自30多個國家，包括日本零食、歐美糖果和本地小食。記者實地探訪發現，一罐咖啡僅HK$4，可說是平絕全銅鑼灣！
即刻去片
上層夾公仔區 一局只需HK$5
位於一樓的夾公仔專區是體驗館的新亮點！合共30台夾公仔機提供多款獎品，包括Pocky百力滋、小熊餅乾、多款愉快動物及小熊餅乾主題公仔和紀念品，一局只需HK$5，極具吸引力。
下層超市 最平罐咖啡HK$4
體驗館下層超市雲集超過5,000款零食，設有品牌展示區、薯片區、百力滋區、朱古力區、餅乾及糖果區等，而且價格亦相當實惠！記者現場所見，一罐咖啡賣HK$4，在銅鑼灣來說實屬罕見。今期優惠還有樂天夾心蛋糕（雞蛋布丁/朱古力吉士味）買一送一，原價HK$25，現每盒HK$12.5；日本栗駒卵雞蛋10隻一盒HK$10。
優惠推介
大家的童年回憶金必氏愉快動物餅只需HK$8/盒，8包家庭裝（紫菜味）更只需HK$20；童年最愛欣欣杯（朱古力/草莓味）每杯HK$8、四洲甘大滋小包裝也是HK$5而已，非常抵買！
特色零食同樣吸睛，例如卡巴也玩具抽獎機連彩色波波糖（HK$30）、SEBON STAR頸鏈朱古力（HK$20），以及一系列港式風味薯片，包括蝦子拌麵味、鮑魚味、脆皮燒鵝味等均能一次過在此找得到，融合香港地道風味與香脆口感，每款約為HK$14。而被受矚目的日本熱賣「Creme Brulee焦糖布丁雪糕」（HK$35），以北海道牛奶製成，綿滑雪糕搭配焦脆表面，無需遠赴日本即可品嚐！
此外，館內增設經典「掟階磚」遊戲，購物滿HK$50即可獲贈10個代幣，只要將代幣掟中階磚內，即能獲贈口香糖。有興趣的話，不妨帶小朋友來買零食，再玩番局啦！
INFO
地址：Fashion Walk京士頓街9號地下及一樓C號舖
營業時間：10:00 - 22:00（星期一至星期日）
-
打卡熱點
四洲食品體驗館
四洲食品體驗館（銅鑼灣）
原來銅鑼灣都有四洲食品體驗館,仲要有勁多夾公仔機及零食買😍 今次好幸運$5就夾到愉快動物餅既獅子🦁正呀😍 #UCreator#打卡美食#好去處#全新景點#chill#隱世打卡點#打卡#愉快動物餅#四洲食品體驗館
閱讀更多
-
打卡熱點
四洲食品體驗館
銅鑼灣全新2萬平方呎零食館
零食控好消息! 超級大型零食旗艦店 於銅鑼灣佔地超過25,000平方呎 有超過5000款零食 包括卡樂B､固力果､樂天､四洲等多個知名品牌,還有其他期間限定產品 還有遊戲天地區有掟階磚遊戲､夾公仔區,夾公仔區有些$5一局,除咗品牌公仔,最值得夾牛奶妹公仔,連雪糕都可以夾,夏天值得一夾｡ 由即日起購物滿$50,即可獲贈掟階磚代幣x10個,購物滿$100,即可獲贈代幣20個,如此類推｡ 📍四洲食品體驗館 📍銅鑼灣Fashion Walk京士頓街9號Shop C 地下 #UCreator#好去處#全新景點#隱世打卡點#chill嘆酒店旅人祭#香港好去處#香港探店#銅鑼灣#銅鑼灣好去處#零食#零食推介
閱讀更多
-
著數報料
四洲食品體驗館
零食界遊戲新體驗
銅鑼灣新開四洲食品體驗館,全場約兩萬呎,分兩層~ 樓下係零食~ 樓上係遊戲體驗館,但樓上體驗館暫時只得半層使用,擺滿晒夾公仔機~ 公仔主要係熊仔餅､動物餅嘅毛公仔､咕𠱸､精品~ 鍾意熊仔餅動物餅嘅朋友,千祈唔好錯過啦 零食款式真係好多,睇到眼花撩亂~ 一啲好難搵嘅香港特別版,例如美少女戰士x 明治朱古力,都可以喺呢度搵到~ 只要買零食滿$50就送10個代幣可以玩玩掟階磚遊戲~ 最後送咗我50個,但遊戲都幾難玩~ 只中咗七個,贏咗七支xylitol香口珠😆 好玩又開心~ 應該唔同時間,會有唔同主題~ 大家有時間都嚟玩吓啦~ #嗚啦吔哈#遊戲#零食#ucreatorhk#ucreator#momentswithucreator#好去處#打卡#打卡熱點#港玩港食#假期推介#假日好去處
閱讀更多
港生活人氣本地熱話
《U GO》請您睇《末日聖母號》！
史詩科幻電影🌌Project Hail Mary🚀
【影迷盛事🏆】U Community 社群 請您睇第44屆金像獎提名電影！
假日好去處