壽司郎新店進駐北角目前已有圍板！港島東區開設第二間分店
壽司郎Sushiro全新分店即將登陸北角匯2期！繼鰂魚涌栢蕙苑店之後再於港島東區開設第二間分店，目前已有圍板。預期將會在2025年秋季開幕並且店舖占據共三個舖位。各位東區朋友又有多一個地點選擇喇！
壽司郎北角匯已有圍板
日式連鎖壽司店壽司郎Sushiro宣布即將及登陸北角匯2期，為同區第二間分店，同時亦是港島第五間分店。壽司郎店鋪面積佔1樓的110-112號舖，預計將會在2025年秋季開幕，各位北角及炮台山的街坊以後在附近就食到喇！
北角匯分店打通三舖位
北角匯壽司郎分店地址為110-112號舖，意味著餐廳會占據三個舖位。目前112號舖已有「壽司郎即將開業」的圍板，該舖位前身為川菜餐館「漁舍酸菜魚」。同時位於110-111號舖的牛牛日式火鍋放題亦宣布將於2025年3月9日結業，或許會在不久的將來再與大家見面。
壽司郎 北角匯2期店
- 地址：香港北角渣華道123號北角匯2期1樓110-112號舖
- 開幕日期：預計2025年秋季開幕
同場加映：【香港周圍遊】最新影片
壽司郎x水怪SANRIO聯乘活動｜特別主題店
旺角店
- 日期：2025年3月10日至4月11日
- 地點：九龍旺角彌敦道 628 號瓊華中心地庫
樂富店
- 日期：2025年3月10日至4月11日
- 地點：九龍聯合道 198 號樂富廣場 UG1 樓 L109 號舖
上環店
- 日期：2025年3月10日至4月11日
- 地點：上環德輔道中 199 號無限極廣場 2 樓 201 號舖
荃灣廣場店
- 日期：2025年3月10日至4月11日
- 地點：新界荃灣大壩街 4-30 號荃灣廣場第 3 層 301-302 號
壽司郎x水怪SANRIO聯乘活動｜3款限定甜品＋小食
除了主題店外，壽司郎還聯同了水怪推出了3款限定甜品、小食。分別是「HANGYODON 的浪漫芭菲」（港幣$38）、「給薄荷 fans 的浪漫雪糕蛋糕」」（港幣$28）及「食炸雞都可以很浪漫」（港幣$28）。由3月10日起，聯乘商品將會於香港壽司郎全線分店販售。
壽司郎x水怪SANRIO聯乘活動｜限定周邊精品
此外，壽司郎更特別設計了多款水怪HANGYODON獨家聯乘周邊精品。推廣期內凡於壽司郎全線分店堂食惠顧聯乘限定商品，即隨餐附送指定周邊精品乙個（款式隨機），包括公仔擺件（款式隨機，共兩款並另設有隱藏版）、橡筋頭飾（款式隨機，共兩款）及害羞公仔。
最備受關注還有水怪HANGYODON的大頭外賣保溫袋！壽司郎推出限定外賣盛合「HANGYODON 一個人都可以很浪漫盛合」（港幣$97）。於推廣期內購買限定外賣盛合，即隨餐贈送保溫袋乙個，可用於保溫保冷、重複使用。水怪粉絲們切勿錯過！！
壽司郎x水怪SANRIO聯乘活動｜同場加映必搶周邊
為滿足一眾粉絲的收藏欲望，壽司郎更推出四款香港限定聯乘精品！推廣期內凡於壽司郎堂食或外賣自取*消費淨額滿港幣$200，即可以加購價購買各項聯乘精品，加購數量不限，粉絲們一定要入手收藏，將心愛的HANGYODON 帶回家！
＊外賣平台不適用
^即扣除每張收據折扣後、使用優惠券後或信用卡折扣後，並包含加一服務費之實際付款金額。
資料來源：壽司郎、Ufood
壽司郎3月新Menu
3月4日起壽司郎將推出「壽司郎滿滿旨味祭」，特別推薦雙色三文魚花盛，$27就可以一次過嘆生三文魚和炙燒三文魚腩，非常抵食！同時推出2大新品蒜香白酒汁滿滿蜆肉拌烏冬和伊達卷和風甜點拼盤，即按圖看商品詳情！
壽司郎限定外賣盛合
壽司郎亦推出限定外賣盛合，只要$48就可嘆6款壽司！包括︰北海道產芝麻醬油漬寒鰤魚、大切鰹魚、櫻鯛、大切赤烏賊、爆盛三文魚蓉軍艦和漆黑螢光魷魚軍艦。
壽司郎限定商品發售
由3月9日起，壽司郎將於指定日子開售不同限定商品，爆盛炙燒帝王蟹會於3月9日至14日為期6日限定發售！炙燒太刀魚亦會於3月12日開售，所有期間限定商品數量有限，售完即止。
條款及細則：
- 限定商品於3月4日（二）正式開售
- 限定商品於壽司郎全線分店有售
- 軟煮鮑魚為10店鋪限定（旺角店、青衣城1期店、屯門市廣場店、屯門華都店、馬鞍山店、天水圍T Town店、鰂魚涌店、新蒲崗Mikiki店、觀塘店、荃灣綠楊店）
- 外賣自取款式有可能因進貨情況而有所更改
- 外賣不參與印花卡活動
- 外賣盛合只限壽司郎外賣自取，Deliveroo不設販售
- 期間限定商品和外賣自取商品數量有限，售完即止
- 詳情請向店員查詢
▼分店地址▼
<< 提醒大家，圖片只供參考，實際款式視乎分店存貨！購買前留意訂購平台的使用條款及細則，一切以訂購平台及餐廳公佈的價錢為準。數量有限，售完即止；所有優惠細則更新至文章發佈日期，訂購平台及餐廳保留更改優惠權利，U Lifestyle 概不負責。>>
-
日式料理
壽司郎 (荃灣廣場)
壽司郎粉絲表示失望啊🥹每月期間限定🍣
每月放假都會me time/同朋友仔去食壽司郎~ 作為忠實粉絲 今個月新品真係大跌眼鏡🫨 見到餐牌有黑漆漆螢光軍艦同大阪燒壽司 佢哋其實想研發新品 但個配搭有啲夾硬嚟😂 |檸檬鹽味炙燒櫻鯛🍋 魚肉基本上新鮮 口感香滑 係比較正常嘅新品😬 |蒜香白酒汁滿滿蜆肉拌烏冬 蒜香味非常濃 充滿粒粒蜆肉 烏冬滑嘟嘟 但賣相實在太有密集恐懼症┑(¯Д ¯)┍ |爆盛三文魚蓉軍艦 三文魚蓉味道太淡 仲有少少雪藏嘅味道😭 |吞拿魚與生海膽海苔天婦羅🍤 送到過嚟好似蚵仔煎嘅外形😺天婦羅香脆 海膽同吞拿魚就海水味偏濃💦 |伊達卷和風甜點拼盤 蛋糕蛋香味濃 會想encore 抹茶雪糕有回甘味其他材料配搭有啲格格不入 單點會更好😳 #壽司#日本#壽司郎#壽司郎期間限定
閱讀更多
-
節日限定
壽司郎 (銅鑼灣廣場2期)
壽司郎新年新Menu！蒸鮑魚海膽松葉蟹👍🏼樣樣都有
剛剛農曆新年去咗壽司郎, 發現原來佢哋有最新的新年Menu, 有好多全新款式的壽司, 試咗以下幾款新壽司: -黃金組合海苔包 -長鰭吞拿魚醬油漬赤身雙味 -炙燒天然金目鯛 -水煮松葉蟹腳配三文魚子 由幾有新鮮感喎! 價錢亦都一如以往的親民, 有機會試試! 首選長鰭吞拿魚醬油漬赤身雙味👍🏼 黃金組合海苔包係清蒸鮑魚同海膽的配合, 可以一試啊! #浪漫星空約會#香港美食#壽司#壽司郎
閱讀更多
-
節日限定
北角匯一期
🐶阿塵阿爬北角匯見面！🥰
當阿塵與阿爬相遇在北角匯💕 自從成為爬媽之後,每次外出後最期待嘅事就係返屋企,因為無論發生咩事,佢都會飛機耳瞇瞇眼,咬住一個玩具🧸歡迎我返屋企🥹佢真係我生命最有愛最治癒嘅存在🥹💝 今日同Jasper嚟到北角匯｢寵愛動物文句展｣嘅展覽,Popup store 有好多治療系文字嘅周邊商品,真係好有共鳴!一入場就見到5呎高嘅｢聖誕巨塵｣,仲有現場首次登場嘅｢塵寵角色｣,大家可以邊打卡邊享受來自呀塵嘅溫暖🥰 活動期間仲有｢塵聖誕 Pawty｣､｢塵式寵物甜點DIY工作坊｣,可以同寵物一齊過一個塵式美味聖誕!仲點可以錯過｢塵限定Pop Up店｣,店內有多款限量主題精品,快d一齊帶曬佢地返屋企啦 🎄✨ 北角匯 × Dustykid【寵愛動物文句展】 🗓️ 日期:2024年11月21日至2025年1月1日 🕛 時間:中午12時至晚上10時 📍 地點: - 北角匯二期214號舖 (近燒肉Like餐廳) - 北角匯一期105號舖 (近The Tokyo Trend) #節日推介#節日優惠#UCreator#打卡美食#假期推介#倒數聖誕#快閃打卡賞#寵物#柴犬
閱讀更多
港生活人氣本地熱話
【《U GO》食·評·賞】🌟用1分鐘為您心水餐廳打氣‼️
完成簡單3步曲📣贏走指定獎品🎁
【家長必睇👀】全港最受歡迎親子室內遊樂場！🛝
1000+港媽港爸票選🗳️ 即睇完整排名✨
假日好去處