新裝兩餸飯油麻地開第2間新店！營業至凌晨3時／$18起食小菜／$5白飯任裝

U Lifestyle

香港攻略

滿滿食堂

【糧尾必睇】全港8間平價餐廳推介 日式火鍋/牛丼/米線/西餐$32起！

捱咗差唔多一個月，身邊總會有一個接近「糧尾」成日話冇錢食飯嘅朋友仔！小編都唔例外，每食一餐飯都折損緊荷包壽命！所以今次小編整理咗港九新界8間平民價餐廳清單分享俾大家，各位月光族記得save低睇下邊間喺附近啦！ ----------------- 【Foodie必睇👅】港人必收藏搵食指南！ 每糧尾仲煩緊食咩好，又想平住食好啲！《社群》收錄超過100,000+篇由各U Creator分享嘅貼地食評及多個美食主題，涵蓋本地至全球打卡美食🍢、高級餐廳🍽️、隱世小店、日本餐廳等等，告別選擇困難，吃貨千祈唔好錯過！ 美食指南傳送門 ----------------- 九龍區｜尖沙咀平價餐廳推介｜1️⃣ 兩草 喺尖沙咀居然可以用HK$40內就墳飽個肚！「兩草」主打港式懷舊美食及馬來西亞料理，昔日係大坑一間人氣馬拉小店，結業後轉戰尖沙咀，人氣依然不減！餐廳故名思義就係「兩草」嘅價錢可以食到溫飽一餐，大部分食物都係HK$20起，連大大份滑蛋叉燒飯都係只需HK$40，而且北角、旺角都有分店，月光族衝呀！ 地址：香港尖沙咀棉登徑7號地舖 > “yukie_kiekie” 帶您用最平價錢喺尖沙咀食到一餐< ----------------- 九龍區｜深水埗平價餐廳推介｜2️⃣ Bistro 1868 以為喺香港搵間高質嘅西餐廳起碼都要HK$100起，您就錯啦！深水埗呢間「Bistro 1868」絕對係平價西餐廳代表，性價比都十分高！由前任五星級酒店大廚主理，採用歐陸式裝潢，夠晒有格調，適合情侶撐枱腳！食物價格都十分親民，只需HK$138就食到香燒紐西蘭西冷牛扒伴紅酒汁，重點係全日免加一服務費，糧尾又想對自己好啲必食！ 地址：深水埗汝州街200號地舖 > “Cuttlefishfamily” 分享深水埗高性價比西餐廳< ----------------- 九龍區｜油麻地平價餐廳推介｜3️⃣ 千鳥 Shabu Shabu 估唔到HK$68起就可以喺油麻地食到日式火鍋！講緊就係呢間長期排長龍嘅「千鳥 Shabu Shabu」，主打日式一人火鍋，最平HK$68就食到美國安格斯牛五花火鍋套餐，可以另加錢轉炊飯，價錢親民但食物質素依然高質。用餐時間無限時，而且開到凌晨2點，深宵聚餐首選！ 地址：油麻地彌敦道552號  > “Joanne的療癒星球” 介紹油麻地超實惠一人日式火鍋< ----------------- 新界區｜荃灣平價餐廳推介｜4️⃣ 臻味豬扒米線  相信觀塘打工仔對「臻味豬扒米線」唔陌生，呢間「九龍區最強豬扒米線」餐廳開到嚟荃灣啦，至今已經有4間分店！最平HK$40就食到一碗大大舊豬扒米線，酸辣湯底可以揀辣度，小編唔太食得辣，食BB辣都食到湯底嘅酸爽。米線控一定要幫襯下！ 地址：荃灣大壩街43號安康大廈地下7號舖 > “cincin_piggy” 拍片分享荃灣臻味米線必食之選< ----------------- 新界區｜荃灣平價餐廳推介｜5️⃣ 岩盤牛扒 (荃灣西) 岩盤牛扒主打日式牛扒，以熱石烹調牛扒為主。現場仲有牛肉櫃，店員會即叫即切再即場烹製，輕鬆食到高CP值牛扒。除咗牛扒之外，餐廳都有售賣牛丼或牛肉烏冬，12至7pm時段特價餐最平只需HK$32就食到，係區內平民親廳首選！ 地址：荃灣西樓角路1-17號新領域廣場1樓102號舖 > “Fabrice 嚐味” 同您介紹岩盤牛扒超平價糧尾餐< ----------------- 港島區｜銅鑼灣平價餐廳推介｜6️⃣ 忠記粥品  如果想喺銅鑼灣食得清淡啲，「忠記粥品」絕對係必食之選！餐廳主打港式粥麵，共有7間分店，而且全部都位於交通便利位置，放工或者早餐去幫襯都容易啲搵！儘管如此，「忠記粥品」食物單價都唔貴，晚市平均唔使HK$45就食到，仲要免加一服務費！社群U Creator就推薦招牌生滾粥，大大份連生菜只需HK$39，另配炸油條食更加美味，清淡之餘又夠飽足！ 地址：銅鑼灣軒尼詩道432-436號人和悅大廈地下7號舖 > “wanyin000024” 分享忠記粥品推薦美食及價錢< ----------------- 港島區｜北角平價餐廳推介｜7️⃣ 祥發茶餐小廚 大受北角街坊同打工仔歡迎嘅「祥發茶餐小廚」一定稱得上係平價餐廳首選！餐廳食物種類多，招牌菜包括瑞士雞髀、沙嗲牛肉包、豬扒包等等，特製瑞士汁香濃帶點甜，醃製時十分入味。重點係性價比十分高，一餐人均HK$50左右就可以食到飽！ 地址：北角七姊妹道27D號地舖 > “TheBigEatSister” 點評祥發茶餐小廚招牌美食< ----------------- 港島區｜中環平價餐廳推介｜8️⃣ 滿滿食堂 喺中環黃金地段，原來都可以用平民價錢食到日式燒肉！「滿滿食堂」位於皇后大道中，主打石燒套餐，款式選擇多！約HK$50就食到頂級牛肩扒，仲有HK$98厚切牛柳，連4塊薩摩牛和牛都係HK$98，每塊和牛脂肪分佈均勻，仲會跟碗白飯！咁抵食，難怪成為唔少中環打工仔心目中嘅愛店！ 地址：中環皇后大道中58-60號振邦大廈地庫 > “Cherrie Yip Ha” 分享滿滿食堂必點石燒套餐< 🍽️招募Foodie | 分享食評賺額外收入📸！ 立即登記➡️https://ulapp.hk/mp25i 🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。 ----------------- 圖片來源：社群U Creator {{hket:tag-user display="Joanne的療癒星球"}}881628{{/hket:tag-user}} 、 {{hket:tag-user display="cincin_piggy"}}682884{{/hket:tag-user}} 、  {{hket:tag-user display="Fabrice 嚐味"}}272870{{/hket:tag-user}} 、 {{hket:tag-user display="wanyin000024"}}897541{{/hket:tag-user}} 、 {{hket:tag-user display="TheBigEatSister"}}423350{{/hket:tag-user}} 、 {{hket:tag-user display="kelvincheung247"}}813665{{/hket:tag-user}} 、 {{hket:tag-user display="Cherrie Yip Ha"}}852184{{/hket:tag-user}}  #ULifestyle應用程式 #ULifestyleApp #社群 #UCreatorHK  #MOMENTSwithUCreator #pizza #我的打卡地圖 #美食攻略 #中環 #平價餐廳 #月光族 #餐廳 #香港美食 #平價美食 #高性價比 #米線 #日式火鍋 #美食推介 #餐廳推介 #foodie

U Lifestyle

打卡熱點

【宵夜好去處2026】香港8大深夜美食熱點🍢正宗泰國菜/居酒屋/小炒  開到凌晨5點！

夜貓子一到深夜個肚就自動打鼓，想搵食但連鎖店又閂晒門！其實香港地有大把深宵蒲點選擇，今日小編精選出香港8大深夜美食熱點，由日式居酒屋、鑊氣小炒、火鍋到正宗泰國菜，全部都勁邪惡！即刻分享俾夜貓子朋友，深夜肚餓都唔驚冇啖好食啦！😋 ----------------- 【最新社群活動】請您去主題樂園/食Starò星空傳情晚餐！ 🌹臨近白色情人節， 社群請您免費去人氣星空主題餐廳Starò，同另一半或者好姊妹歎「星空傳情晚餐」，即日起至2026年3月22日，簡單登記就有機會免費打卡星空主題餐廳▶️登記請您打卡兼試食 🐼另外再送您主題樂園門票，週末去坐纜車、探望大熊貓、玩機動遊戲！即日起至2026年3月18日，簡單登記即有機會贏走主題樂園門票兩張～▶️我想去主題樂園放電 ----------------- 宵夜好去處｜日式串燒店 1️⃣ 鳥鑫 位於尖沙咀厚福街嘅「鳥鑫」係唔少串燒控心目中嘅愛店，主打日式鳥燒，環境採用日系裝潢，令人感覺真係置身於日式居酒屋，聚餐氛圍滿分！餐廳亦提供蔬菜、海鮮、和牛等其它串燒，選擇豐富，唔怕食濟。社群U Creator推介必食「煙燻鹿兒島豬腩」、「雞蠔肉」，燒到金黃色，小編睇相都覺得胃口大開～ 📍地址：厚福街12-12A號藍馬商業大廈21樓 ⏰營業時間：18: 00 ~ 00: 00 >按此睇 “msfoodloverr” 食評分享< 2️⃣ 心燒食堂 「心燒食堂」絕對係銅鑼灣返工嘅人或者街坊宵夜名店，亦都係小編私心大推嘅日式居酒屋！共有2層，環境都好適合成班朋友坐低傾偈飲酒！必點「燒白鱔」勁厚肉又燒得好香，另外仲有「燒豚肉葡萄卷」、「燒豚肉廣島蠔」、「燒菠蘿」、「心燒炒麵」都係網民推介之選！而且餐廳距離地鐵站只隔咗一條馬路，收工直落去食都超方便！ 📍地址：銅鑼灣駱克道487-489號駱克駅22-23樓 ⏰營業時間：18: 00 ~ 01: 00 > “wanyin000024” 分享心燒食堂必點推介及價錢< 3️⃣ 燒烤堂 相信串燒控一定有食過「燒烤堂」，基本上係每位想食串燒嘅人嘅頭號之選！全港共有6間分店，提供100多款串燒同燒烤食物，集結日、韓、泰、港風味，所有串燒都係即叫即燒，不定時都會推岀新菜式，每次去食都會有新鮮感！社群U Creator就點咗「鹽燒原塊雞皮」、「蒜蓉燒生蠔」等14款燒烤美食，大讚質素穩定而且夠晒有氣氛，超適合一大班朋友聚餐！ 📍地址：詳細地址見官方社交平台  ⏰營業時間：銅鑼灣、旺角、尖沙咀：18:00 ~ 02:30 中環/荃灣：18:00 ~ 24:00 (星期一至四)；18:00 ~ 02:00 (五及六)；17:30 ~ 00:00 (公眾假期及日) 筲箕灣：18: 00 ~ 00: 00 > “Foodstalkers HK” 分享燒烤堂必食推介< 4️⃣ 大門橫丁 如果您想食串燒同時，都想品嚐高質日式料理，咁就唔好錯過呢間「大門橫丁」啦！佢除咗可以食串燒，仲有自選燒肉丼組合、鰻魚炒飯、手打烏冬等，自選燒肉丼可以挑選2至3款燒肉款式同部位，社群U Creator大讚肉質脂肪均勻，口感層次豐富，係深宵必食之選！ 📍地址：尖沙咀厚福街9號豪華閣地舖 ⏰營業時間：12: 00 ~ 00:00 (星期五六及公眾假期前夕到01:00) > “Chan Zoey” 分享大門橫丁美食體驗< 5️⃣ AOAO居酒屋 中環有間好高質嘅日式居酒屋，採用摩登風格裝潢配上昏暗燈光，唔講仲以為去食西餐！餐廳分為室內及戶外大露台，環境開揚雅緻，約會聚餐都夠浪漫！社群U Creator點咗「炭烤鰻魚」，上桌後仲有店員即場壓上燒紅備長炭，增添炭香風味～另外仲有「油甘魚刺身」、「炸和牛扒三文治」都係必點之選！ 📍地址：中環皇后大道中38號萬年大廈14樓 ⏰營業時間：12: 00 ~ 02: 00 (星期一至四)；12: 00 ~ 03: 00 (星期五)；18: 00 ~ 03: 00 (星期六)；星期日休息 > “foodiez.la” 分享中環高質日式酒吧體驗< ----------------- 宵夜好去處｜泰國菜餐廳 6️⃣ 泰發泰國餐廳 啟德睇完演唱會想食宵夜，一於去九龍城歎正宗泰國菜！呢間「泰發泰國餐廳」開到凌晨2點，係區內極具人氣嘅泰菜餐廳！社群U Creator推介必試「招牌泰式燒豬頸肉」、「黃咖喱軟殼蟹」、「蝦醬炒飯」，每碟都大大份又香噴噴，味道絕對正宗！ 📍地址：九龍城城南道8號東昇閣地舖 ⏰營業時間：15: 00 ~ 02: 00 (星期一至五)；12: 00 ~ 02: 00 (星期六至日) > “ChubbyBowtie” 詳細分享九龍城泰國餐廳食評< ----------------- 宵夜好去處｜鑊氣小炒店 7️⃣ 品記鮮粉人家私房菜館 喺土瓜灣想食本土小炒就大把選擇，但收工收得晏想搵間落腳食宵夜，不妨去呢間「品記鮮粉人家私房菜館」！開到凌晨3點，店面有室內大排檔特色，根本為聚餐而設！主打雞煲、打邊爐及特色小炒，打邊爐落手切本地肥牛十分出色，單點美食「麻辣小龍蝦」、「椒鹽粟米」等都大受好評！ 📍地址：土瓜灣浙江街18號利·港灣18 1/F ⏰營業時間：16: 00 ~ 03: 00 > “foodierox” 推介土瓜灣宵夜小店心得< ----------------- 宵夜好去處｜韓國菜餐廳 8️⃣李家 宵夜突然想食韓式炸雞，咁就要去香港第一間韓式元祖炸雞店「李家」啦，仲要開到凌晨5點！餐廳由韓國人主理，店內會播放K-pop歌曲，好似置身於韓國一樣！韓式炸雞可以自選半份或者一份，社群U Creator就形容半份份量都好夠，而且炸雞外皮夠脆，肉質都夠滑夠多汁，值得深宵去感受呢份「罪惡感」！ 📍地址：尖沙咀山林道54-56號利雅商業大廈地下2號舖 ⏰營業時間：17: 00 ~ 05: 00 >即睇 “eilidh lifestyle” 喺李家食咗咩< *營業時間及餐牌僅供參考，應視官方最新資訊為準。 ----------------- 招募U Creator l 出Post賺額外收入！ 立即登記➡️ https://ulapp.hk/nsq06  🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。 ----------------- 圖片來源：IG帳戶@skewer.kitchen、@daimonyokocho、社群U Creator {{hket:tag-user display="Abbieabbie"}}234354{{/hket:tag-user}} 、 {{hket:tag-user display="msfoodloverr"}}674617{{/hket:tag-user}} 、 {{hket:tag-user display="wanyin000024"}}897541{{/hket:tag-user}} 、 {{hket:tag-user display="Foodstalkers HK"}}682735{{/hket:tag-user}} 、 {{hket:tag-user display="Chan Zoey"}}959340{{/hket:tag-user}} 、 {{hket:tag-user display="eilidh lifestyle"}}791587{{/hket:tag-user}} 、 {{hket:tag-user display="foodierox"}}862704{{/hket:tag-user}} 、 {{hket:tag-user display="ChubbyBowtie"}}693613{{/hket:tag-user}} 、 {{hket:tag-user display="foodiez.la"}}932848{{/hket:tag-user}}  #ULifestyleApp #UCommunity社群 #UCreatorHK #香港宵夜推介2026 #宵夜 #深宵 #宵夜好去處 #九龍城 #泰國菜 #銅鑼灣 #居酒屋 #韓式炸雞 #尖沙咀 #中環 #美食 #香港美食

U Lifestyle

香港攻略

【🇹🇭泰滋味】尖沙咀五間正宗🍽️泰菜推介

沙話Dee卡！除了九龍城，🍽️尖沙咀都有不少泰菜選擇，同樣出色！泰國菜調料酸辣有層次，好好味啊！即睇有咩泰滋味選擇！《社群》網民推介香港好食處😍查看私藏餐廳！ 📍泰休閒裝修度假風 📍靚海景打卡餐廳 📍超簡約泰正宗 📍泰北風味船麵冬陰湯麵 📍泰有情調正宗風味 圖片來源：Summer、Melody EatHard、Pigwest_hkfoodi、啫喱、Bigmouthjai