北角新開即撈海鮮重慶火鍋放題！$268任食120分鐘 免收加一！任食海鮮+過百款火鍋料／配菜／甜品！

Asura Queen

著數報料

北角宮廷風火鍋！任食生猛海鮮🦀🦐！ 😋

位於北角地鐵站附近工廈嘅火鍋放題店，地點確實方便，一出地鐵行幾步就到。餐廳以中國宮廷風格設計，紅木傢俬、仿古燈籠同雕花屏風營造出古色古香嘅氛圍，坐位寬敞，環境舒適，仲帶點四川風情。 任撈生猛海鮮區 最吸引絕對係120分鐘任食即撈海鮮！餐廳設有一個魚缸，入面有生猛大頭蝦、蟹、鮑魚、蜆同東風螺，全部識郁兼活躍。尤其大頭蝦隨時會跳彈逃走，隔離枱嘅客人就嚇到尖叫。大頭蝦肉質彈牙，鮑魚爽口有嚼勁，蜆同蟹都鮮甜冇沙，簡單淥一淥就已經足夠鮮味。 招牌湯底花膠雞鍋 湯底選擇唔算太多，不過有齊經典麻辣、番茄、大骨湯同菌菇鍋等。今次試咗招牌花膠雞鍋，湯色金黃，雞肉的鮮味與花膠的滑潤完全融入湯中，仲加咗蟲草花同紅棗，飲落滋補順喉。極力推薦加份竹笙，吸滿湯汁之後超級正！ 多款肉類+罕見內臟任點 掃碼點餐有大量選擇，除咗自助區海鮮，仲有原條紅衫魚、鯧魚、生蠔同海參等，呢啲喺其他火鍋店較少見。生蠔肥美鮮甜，海參爽滑。肉類方面有美國安格斯肩胛肥牛、新西蘭小肥羊同荷蘭五花腩片等，切得薄身，油花均勻，涮幾秒就食得。仲有鮮鵝腸、豬黃喉、豬腦、雞子等內臟款式，適合鍾意試特別配料嘅朋友。 熟食+蔬菜丸類應有盡有 自助區有熟食如麻辣羊肉串、豬手、辣魚肉同炸物，甚至烤榴槤都有！蔬菜區提供多款新鮮蔬菜如生菜、娃娃菜、白蘿蔔，仲有丸類、烏冬、響鈴等，選擇豐富。菌類同海藻類款式也多，健康又清爽。 甜品飲品任食任飲 飲品櫃有汽水、涼茶、冷泡茶同啤酒，最驚喜係椰青水任飲！甜品方面有少量選擇，但以火鍋放題來說已經合格。 免加一兼有時段折扣 中小學生同長者有9折，5歲以下小童免費。生日訂餐可享88折，晚上10點後入座同樣有88折，營業至凌晨3點，最重要係免加一，確實抵食。 大西洋海鮮火鍋：香港北角英皇道395號僑冠大廈地下28-31號舖 #香港美食#北角美食#大西洋海鮮火鍋#大西洋火鍋#火鍋放題#海鮮火鍋#重慶火鍋#任食任飲#請您食月餅

Cyril

打卡熱點

北角碼頭海鮮市場

隱世💰抵食🦀海鮮🦐火鍋🥢放題

北角其實隱藏咗一間😋激抵食嘅海鮮火鍋放題餐廳🍲，係朋友仔住北角帶我來嘅。呢間北角碼頭海鮮火鍋放題，💪以即撈活海鮮同埋重慶火鍋作招徠，每位$298💰就可以肆意享受2小時任食新鮮海鮮，十分之抵食😍，而且佢哋仲開到零晨三點🕒添。 一踏入餐廳，迎面係中國🏯宮廷風格嘅古色古香設計，店內空間相當寬敞，👍座位舒適，完全唔會感到擁擠，非常適合公司聚會🎉、朋友聚餐或者家庭團聚。最特別係💁‍♀️店員嘅貼心服務😊，佢哋着重有感情又有溫度嘅招呼，唔單止勤快收碟🍽️，仲會主動加湯🫖。 火鍋湯底我哋點咗🥰招牌花膠雞湯鍋底🍲，湯底金黃甘香💛，花膠嘅鮮香結合雞湯嘅濃郁，再加上蟲草花同埋精選枸杞⭐、大棗嘅配襯，簡直係完美組合✨。 自撈海鮮區💪擺滿咗鮮活嘅海鮮🌊，唔少係老闆親自每日喺北角碼頭👨‍⚖️親身挑選嚟嘅靚貨💎。 大頭蝦紮紮跳🦐，身型肥大又飽滿，蝦肉彈牙爽口，一啖食落去鮮甜多汁🤤，完全係海鮮控嘅最愛❤️。 三點蟹青活亂竄🦀，蟹殼光澤亮麗✨，隻隻都好生猛，而且都幾多膏🤩。 巨型帶子肉質嫩滑，🥢簡單一煮就已經好鮮甜，原汁原味嘅鮮香令人回味無窮😋。 鮮活鮑魚更係放題裡面嘅珍品💎，肉質彈牙有嚼勁，👏每一隻都係咁生猛。 牛肉方面🥩，日本和牛油花均勻分佈✨，入口即化，涮一下🥢就即刻變成粉紅色，香氣撲鼻🤤。美國安格斯肩胛肥牛肉質鮮嫩🇺🇸，脂肪分佈恰到好處，煮熟後更顯鮮香。🐂美國牛板腱都好鮮嫩💪，加上中間嘅嫩根，層次豐富。 仲有爽脆彈牙嘅海螺片🐚，涮幾秒鐘就食得😆，絕對係火鍋嘅靈魂配角👍。豬黃喉入口爽脆✨，層次豐富又好味😋。蠔大大隻肥美鮮甜🦪，煮完仲會釋放出海鮮嘅天然鮮香🌊。精品腰花更係又香又爽又滑😍，味道濃郁💛。 自助區💪有多款火鍋配料任君選擇，😎丸類選擇豐富，貢丸、蝦丸、🐟魚丸、蟹卵丸等等，每一款都幾有質素，蔬菜都新鮮翠綠🥬，應有盡有。 川式小食亦幾有驚喜🎊，有串燒🔥有雞翼🍗仲有焗蠔🦪添。 飲品亦幾多元化🥤，而且有啤酒🍺、椰青水等任飲，滾熱嘅火鍋♨️配凍飲真係絕配。 甜點方面，有自助🧊冰粉任食，夠冰❄️、夠滑✨、夠清涼🤤。 雪糕柜裡擺滿咗多款🍨雪糕雪條，紅豆🔴、芒果🥭、朱古力🍫、牛奶等口味齊全🤩，完美為今餐畫上句號。 佢哋老細見到我📸影相，話如果啲人見我出post🌐跟住嚟嘅話可以俾九折🎁，不過唔知做到幾時😆，大家可以問下。 北角碼頭海鮮火鍋放題 (北角) 地址：北角英皇道395號僑冠大廈地下28-31號舖 #北角火鍋#海鮮火鍋放題#自撈海鮮#花膠雞湯#大頭蝦#三點蟹#帶子#鮑魚#日本和牛#美國安格斯#火鍋配菜#啤酒任飲#無限飲品#北角美食#隱世美食#抵食火鍋#香港火鍋#放題美食

Be a Asterholic

香港攻略

最近中同飯聚想去任食火鍋，開業一年嘅牛火火喺D2 Place 2地點好方便，每位都係$3xx，湯底亦可以選擇鴛鴦湯或者一人一鍋。 呢度嘅火鍋配料選擇真係多得誇張😱 成個area排得好整齊，除咗有一大個區域係有丸類、芝士腸、水魷、牛柏葉等等，仲有另一個大嘅區域裝唔同嘅蔬菜，真係想食咩菜都有🥬 Order嘅肉類選擇都幾多，而且肉類嘅質素都唔錯，豬、牛、羊、雞都有供應。有肉味濃郁嘅極上牛小排同埋嚴選封門柳，不過個人最推介係薄切牛舌同埋濃香牛胸爽🐮 牛胸爽食落口唔會太肥膩，牛舌食落口幾爽彈👅 唔使特別加錢都可以享用海鮮任食，日本帶子、海蝦、蠔同埋鯛魚肉片，我哋都encore咗好多次🦐 真係Gym L嘅福音，可以狂食低卡高蛋白質嘅海鮮🫶🏻 除咗火鍋之外，仲有啲即叫即食嘅小食同炸物同串燒，解膩香甜嘅燒菠蘿一定係必食推介🍍 飲品都有唔同嘅罐裝汽水同埋紙包飲品，比較清熱嘅竹蔗茅根同埋韓國嘅汽水都有㗎。 甜品區亦超驚喜，淨係雪糕同雪條都有成廿款，仲有Häagen-Dazs雪糕、甜筒、韓國嘅雪條🍦 另一邊仲有唔同嘅蛋糕同埋乳酪🍰 呢度價錢可能比其他任食貴dd，但佢無限時可以慢慢嘆，真係好啱約朋友慢慢坐😍 #浪漫星空約會