千海水產旺角開第3分店！3小時海鮮火鍋放題$288起任食三點蟹/貴妃蚌

ldfriends

香港攻略

千海水產海鮮火鍋放題（旺角店）

🐟即撈即食生猛海鮮火鍋放題🦀千海水產🐟

食過咁多間火鍋放題,未試過咁好玩🔥!超人氣｢千海水產｣終於殺入旺角MOKO,仲要系全港最大嘅一萬五千呎分店,以後訂位仲方便! 👉🏻 獨家玩法:即撈即煮,海鮮識彈跳! 呢度最過癮嘅系有個8米長嘅魚缸,裡面有超過10款生猛海鮮任你撈!撈上嚟嗰陣,啲蝦蟹仲識郁識跳,新鮮到冇得彈｡撈好交俾店員清洗乾淨,就可以即刻返去自己枱煮嚟食,真系｢即撈即煮｣冇花假｡ 🎯 晚市放題必食焦點: · 任撈海鮮陣容:花蟹､三點蟹､大頭蝦､瀨尿蝦､鮑魚､多種蜆類等｡旺角店仲特別新增咗九肚魚同白鱔片,選擇更多! · 高質肉類:手機落單點澳洲M5和牛､美國牛肩胛片,肉味濃郁,淥火鍋一流｡ · 驚喜熟食:即叫即制嘅鐵板鵝肝多士､皇牌燒乳鴿王同川味燒鮮蠔,食過嘅朋友都大贊｡ · 十款湯底自選:特別推介鮮甜濃郁嘅龍蝦頭鍋,用嚟淥海鮮真系一絕｡ · 甜品飲品自由:有任食嘅Häagen-Dazs雪糕,同埋生啤､清酒等各式飲品任飲｡ 千海水產 旺角店:📍 地址:旺角太子道西193號MOKO新世紀廣場6樓602鋪 #香港美食#香港美食#香港必食#香港探店#香港打卡#香港旅遊#香港必喝#香港放題探店#香港放題店#香港好去處#香港推薦食品 #千海水產#即撈海鮮#火鍋放題#旺角美食#旺角MOKO

Ada媽

香港攻略

千海水產海鮮火鍋放題（九龍灣店）

今期大熱自己撈生猛海鮮自助放題(宵夜)

最近全城熱話梗係講緊自己撈 海鮮放題 就係千海水產海鮮火鍋放題 (九龍灣店)有價目表: 連我身邊嘅媽咪朋友群組都一直講緊 既然心思思，不如揀個好平嘅宵夜時間 我梗係約我媽咪去試下，連午餐都唔食 難得大家都係海鮮控，而家街市海鮮價真貴 $128斤蝦，蟹仔更貴，過節更獅子開大口 今次就解答大家食放題同我有嘅疑問: ❓生猛海鮮款式多唔多？夠新鮮嗎？ 現場有鮑魚、2款海蝦及蟹及多款蜆類 亦可以俾人剪開隻大蟹，時間唔算等太耐，我係好鍾意食海蝦，好有蝦味 又彈牙，鮑魚大細剛剛好，如太大隻好容易有黑邊，而我媽就最鍾意食好鮮甜嘅三點蟹。 我強烈要求要帶埋個鐵蓋住，因爲我同附近嘅客人都發生跳蝦事件，呢度海鮮相當新鮮! . ❓攞完海鮮第一次有，第二三次就冇？ 我一入場衝咗去海鮮部問點解人人攞住個鐵桶 原來個桶喺喺每個人嘅枱面度🤣一枱一個 即使攞完第一次、第二三次，海鮮都好多 ❓除咗海鮮外，貪心 D 仲有冇其他嘢食？ 🥩講得出嘅火鍋配菜都有，肉方面有澳洲M5和牛、美國牛肩胛片、美國豬梅肉片及澳洲羊肉片 外出必取一兜兜嘅大牡犡、鵝腸、花雕雞翼、黑毛肚及脆肉鯇片，蠔肉好多汁，而脆肉鯇又唔腥又彈牙! 🦪電話下單可以叫熟食，我最唔鍾意就係嗰啲放題係整好曬熟食放出嚟。我今次最鍾意食蒜香味十足嘅川味燒鮮蠔、熱辣辣嘅芝麻雞翼同埋燒香草羊鞍(唔鞋口)，一份鐵板鵝肝多士份量大，足夠兩個人食。 而外出嘅食物我推薦食麻辣龍蝦仔、冷盤，例如係甜酸鳳爪、雞翼尖、煙三文魚，水準都唔錯架! 亦都有點心，但係我唔多食，因爲我要留肚食海鮮。 🍧除咗可以攞出面多款品牌嘅雪糕雪條外，大家記得一定要電話落單叫海燕窩椰汁燉木瓜，鮮甜又養顏! 今次我竟然唔記得咗點原粒榴槤，我係掛住食海鮮唔記得咗😭。 . ❤️溫馨提示食了一個半鐘後，會開始電話下單及外出自取食物截單，截單後仲有半個鐘可以食，食得到先至好攞唔好浪費啊! . ⭐我同媽咪評價: 真係好抵食，絕對值回票價(約$572(已加一)兩位，任食兩小時)，多款海鮮好新鮮，絕對好過喺屋企煮餐死，又成本高，仲要天寒地凍去洗煲同碗。 千海水產海鮮火鍋放題 香港淘大商場3期2樓S154, S162及S155-S158號舖 (donki 上一層) 除了這九龍灣店，亦有荃灣店 #小心走蝦 #用心分享 #抵食放題 #海鮮火鍋#放題店 #即撈即煮 #任飲任食 #任食兩小時 #蟹 #海蝦 #鮑魚 #甜品 #雪糕 #海鮮專門店 #放題 #值回票價 #新鮮 #全城熱話 #荃灣美食 #九龍灣美食 #九龍灣 #荃灣 #香港探店 #香港餐廳 #香港美食 #甜品 #新鮮 #放題 #鮑魚 #雪糕 #九龍灣 #荃灣 #蟹 #海蝦 #香港美食 #任飲任食 #荃灣美食 #香港餐廳 #海鮮火鍋 #九龍灣美食 #全城熱話 #抵食放題 #香港探店 #用心分享 #值回票價 #小心走蝦 #放題店 #即撈即煮 #任食兩小時 #海鮮專門店 #千海水產海鮮 (此文章由U Blog 同步發佈至社群)

Ada媽

香港攻略

千海水產海鮮火鍋放題（旺角店）

食撈海鮮先會上癮

又到小朋友開學日子啦！放完暑假，身為兼職媽媽嘅我終於可以忙裏偷閒，點都要對自己好啲～ 決定去食返餐 3 小時海鮮放題，放鬆下！洗滌心靈放鬆身心 😌✨ . ​自從暑假去完珠海食海鮮，真係發現食海鮮會上癮㗎！🦪🦀 之前試過自己跑去街市買，想食多幾款真係貴到離譜… 算來算去，梗係食放題最著數，重點係——完全唔使自己洗碗，正呀！🙈🥢 . ​今次再嚟到位於旺角 MOKO 嘅 「千海水產」，特意試咗佢哋嘅「金湯花膠雞鍋」🥣✨ 湯底真係有大塊花膠！配埋各種海鮮一齊滾，湯頭鮮甜到不得了，未正式開食我就已經打頭陣飲咗大半碗！ . ​牛肉方面，真心大推 「特上牛小排」 🥩！肉質極之軟，肉汁豐富，咬落去口感一流；如果鍾意牛味濃郁嘅朋友，就一定要留位食 「澳洲M5和牛」 啦！ . ​作為忠實蟹控，今期嘅蟹真係大驚喜！膏多到爆，蟹肉又鮮又甜 🦀💖 鮑魚仲要超彈牙，蜆嘅種類多到眼花繚亂～ 我最愛花蛤，個殼好似北寄貝咁有靚靚橙紅色花紋，蜆肉零舍爽口鮮甜！ . ​💡 私心食霸小 Tips： . 自助區嘅海鮮款款拎少少係常識吧～ 但千祈唔好漏咗放喺海鮮隔離、免拆殼嘅象拔蚌、帶子肉同海螺片！非常鮮甜入味～ 建議大家食完一輪海鮮之後再放，鮮味加倍！最後先食蔬菜，因為消化完海鮮精華嘅最後嗰口海鮮湯，簡直係精華中嘅精華，勁迷人呀 🤤🔥 . ​📍 千海水產海鮮火鍋放題 （另有荃灣、九龍灣店；銅鑼灣及元朗店裝修中） 🏢 旺角太子道西 193 號 MOKO 新世紀廣場 6 樓 602 號舖 📸 影片有中秋節價目表 ​#千海水產 #旺角美食 #MOKO美食 #香港放題 #海鮮放題 #打卡美食 #自助餐回本攻略