港航寄艙行李轉新制！4月30日起取消0kg票種 最少包一件23公斤行李

smith

吹水

網民質疑「優先上機」有乜用？被列4大理由反駁：最怕d盲毛拎錯行李

搭飛機去旅行，有人鍾意最後一刻先去登機閘口，貪唔使喺機艙入面坐咁耐；亦有人為咗優先登機專登申請信用卡或者儲飛行里數。究竟早啲上機係咪真係咁重要？ 最近連登討論區（LIHKG）就有網民發帖，表示完全無法理解「優先上機」嘅心態，優先落機可以早啲過關攞行李，呢個邏輯好合理；但明明大家都係坐同一班機，早啲上機只係早啲入去坐，空氣又差，到底貪咩？ 這個話題隨即引發「公海」大戰，我整理咗網民嘅精警留言，歸納出4大堅持要「優先上機」嘅理由，睇下你又Buy唔Buy？ 理由一：為咗個頭頂行李位 這是最多網民反駁嘅理由。而家好多人去短途旅行（特別係搭廉航）都唔買寄艙行李，變相個個都拖喼上機。如果你遲上機，頭頂個行李櫃（Overhead bin）分分鐘已經爆滿。 網民 A：「因為有班XX會霸左你頭頂個行李位， 除非你唔會放野去上面。其實有時唔係想霸你個位，而係有時有幾行個行李位唔可以放野，結果都係焗住要放其他位，根本就唔夠分！加埋而家多老鼠，個hand carry跟住自己真係好重要」 網民 B 都話，雖然傳統航空好少少，但廉航真係戰場： 「你坐廉航就可能要早上去霸位，坐傳純航空公司未試過要咁著緊行李要安心放頭頂」 網民 C 更加講出咗重點恐懼：「最怕d盲毛拎錯行李」 有網民就頭頂位係咪「私有財產」展開激辯，網民D就堅持頭頂位係自己嘅：「我遇親依啲情況，都係叫staff 過黎指住人地行李，佢唔郁就我郁，到最後都係自己野擺返係頭上」不過有網民E就回覆：「如果你自行郁我啲行李，放心，我會要求空姐報警，懷疑你毁壞我啲嘢，一齊落機搞清楚先」 睇嚟為咗避免要在幾萬尺高空嗌交，早啲上機霸位真係唯一解決方法。 理由二：入境時間就是金錢 雖然樓主話優先落機先有用，但其實「優先上機」往往連帶住坐得前、或者係 Business Class，呢個直接影響你落機嘅速度。尤其係去日本呢啲熱門地，快一分鐘落機，過海關隨時快半個鐘。 網民 F 分享親身經歷： 「你返香港就無分別既 但你入境就好大分別 繁忙時間 試過坐去日本 好快落到機，去排入境 5-10分鐘之後後面已經打哂蛇餅」 不過，亦有網民 G 潑冷水，覺得早出機艙唔代表贏晒： 「我更加唔明優先落機有乜優越感 又唔係優先過關 你趕住投胎咁衝出去咪又係要慢慢排」 理由三：純粹嘅心態優越感 除咗實際用途，心理因素都唔可以忽視。對於部份網民黎講，能夠施施然行過條長龍，本身就係一種享受。 網民 H 直言：「優越感就係睇住班XX一早爭餐死晨咁早鬥快排隊上機，都要睇住我哋上咗佢哋先有得上」 網民 I 更加形容得好生動：「睇住班貧民攞住一大袋野企係到等,望住自己施施然上機,的確幾有優越感」 理由四：擁有「選擇」嘅自由 其實優先上機唔代表一定要第一個衝入去，真正的重點係你有「選擇權」。 網民 J 指出： 「除咗上機霸靚位compartment,仲可以選擇幾時上機. 我鍾意上先又得,行多陣慢慢行去閘口走另一條通道唔洗排又得」 網民 K 總結得好精闢，認為其實大家都係羨慕居多： 「事實上飛機所有付費服務都係買權力同優越感...與其話人比錢買extra野係智商稅，不如諗下自己內心係咪其實都羡慕」 其實優先上機有冇用，好睇你係咪 Hand Carry 一族以及你去邊個國家。如果你拎住大包細包驚冇位放，早啲上機絕對係為咗安心；但如果你兩手揈揈，又唔介意遲出閘，咁最後一刻先Boarding的確係最舒服嘅！ 大家又係「早排隊霸位派」定係「Last Minute 衝閘派」呢？ 資料來源：LIHKG #旅行 # 吹水 # 熱話 # 飛機 # 航空公司 #攻略 

Travel Plan Ahead

日本之行

香港國際機場

大灣區航空初體驗🤩 VS HK Express

大比試🤭 大灣區航空 vs HK Express 話說之前帶了一個朋友式的私人團, 本找算在日本接待他們, 所以他們便訂了HK express, 我自己就因為要回港做事情, 所以最後也選擇了一起在香港出發。 今次我就第一次乘坐大灣區航空, 但整體流程安排也令人喜出望外, 和大家分享一下: 1) ONLINE check in 坐HK express 的朋友之前提早了online check， 還參考了網上攻略看看怎樣可以有機會一起坐， 但最後就失敗了， 三個也被打散。 我自己反而沒有提前做online check in, 只是到機場劃位子， 我問可否安排路邊位， 職員也很樂意幫忙。 2) 行刑架 出發前一晚大家都研究及擔心， 會不會過不了行李， 寄倉行李會不會太大過了SIZE之類， 也擔心了一晚， 最後也沒有什麼問題。 但大家也對這個行刑架不太滿意 大灣區就有7kg手提行李， 對總是要拿著手提電腦工作的朋友來說會放便一點。 我相信我的電腦也應該過不了HK express 最少的手袋包行刑架的尺吋。 3) 同一時間出發到東京 (0920) 我們是選了同一時間出發到東京， 但因為機場繁忙， 大家的航班機長也宣布會延遲到10:10才出發， 我也跟他們說很大機會 HK express 會先起飛， 因為會有個higher priority. 一預所料， 他們也按時起飛， 而我的大灣區最後10:30才正式起飛。心想， 大灣區輸了！ 但當到達機場時， 我的大灣區航還比他們的HK express還要早到， 真的是世事難料。 最後連拿回行李， 大灣區比HK express還早了半小時完成。 4) 機內設施 位置上身長１８０cm 兩班航機也有足夠空間， 已大灣區便多了一個USB 插座， 這個神來之筆已經比HK express來得好， 再加上他們也會派水給每位乘客。 如果點了餐食， 也會詢問想什麼時候進食， 也有其可取之處。 5) 航線選擇 無可否認， 現在的HKexpress在航線選擇上比較多， 但也看見大灣區航已經積極加推很多路線， 指日可待。 總括而言， 如果大家票價上差不多如飛東京及仙台等等， 下次我也會很大機會選擇大灣區航空, 挺不錯的第一次體驗。 大家不妨留言, 分享一下有什废看法~! #毛孩洗白白 #我一定要飲咖啡 #倒數聖誕 #OK即刻有 #匠心之旅#大灣區航空

敗家師奶

著數報料

高達$300折扣！香港航空機票限時優惠 附優惠碼

🇭🇰航空公司嚟料啦！由今日起至5月27日，用優惠碼「HXMAYP24」，購買商務艙機票可減$300，經濟艙機票可減$100🤩！預訂日期由5月21日至5月27日，適用於5月21日至7月12日嘅旅程🗓️。快啲用優惠碼搶飛啦！🥰 #香港航空 #機票優惠 #旅遊 #優惠碼 #限時優惠