灣仔兩餸飯「添飯餸」推$35任食優惠！同區競爭激烈！設下午茶三餸飯／粉麵買一送一吸客！
灣仔食肆競爭激烈，兩餸飯賽道成為商戶必爭之地。早前介紹過「楚留香美食」及「老闆娘家常飯」狂推優惠搶客，同區的「添飯餸」亦不遑多讓，繼粉麵買一送一及下午茶優惠後，宣布由5月1日起加推$35任食優惠。「添飯餸」每日有約20款菜式，選擇多樣。大家最鍾意食邊間餐廳呢？
添飯餸5.1起推出$35任食優惠
近日有網民在Facebook群組「香港兩餸飯關注組」發文，分享人氣兩餸飯餐廳「添飯餸」灣仔分店的最新優惠。根據網民分享圖片，由5月1日起分店將推出$35任食優惠，另外，餐廳現正進行下午茶優惠及粉麵買一送一活動，三餸飯只要$35就食到，只於粉麵買一送一，則為買麵食送小食一份，$38連飲品，相當抵食。
位於軒尼詩道的添飯餸每日供應約20款菜式，包括水煮牛肉、咖哩雞、清蒸海上鮮、煎肉餅、炒豆角等。
有網民估計因為同區有另一間平價兩餸飯勁敵「老闆娘家常飯」，為爭客唯有推出$35任食，直言「面對老闆娘....無辦法！」
老闆娘家常飯早前推出$39兩餸飯放題
「老闆娘家常飯」早前推出$39兩餸飯放題，食客揀選完2款肉類之後，菜類可以任食。之後又推出「股災」優惠價$8雞髀飯餐吸客，成功在灣仔兩餸飯店站穩住腳。
網民晒$8雞髀飯，紛紛讚抵食，只要$8就有大大隻雞髀、一大碗飯、及2條菜。優惠全日供應。
活動資訊
- 地點
港生活限時優惠情報
【送禮🎁】送Esther Bunny春日好物🐰！
↓ 登記免費帶走可愛折疊傘 x 保溫杯 ↓
【樂迷注意🎧】送您音樂串流App 3個月禮品卡！
