港島五星級酒店現$99三道菜午餐！菜式每星期更新！2.5小時食匀前菜+主菜+甜品+飲品

hkfoodie_karina

擦餐勁

北角君綽酒店超值午市套餐 🤑 $99 免加一！

北角港島海逸君綽酒店近期推出超值午市套餐,套餐有沙律或餐湯､麵包､主菜､飲品同甜品,只需$99而且係免加一添,真係性價比極高,好抵呀｡ 前菜可選沙律或餐湯,沙律爽脆清新,酸酸甜甜,好開胃;蕃茄湯好濃郁,飲落好暖胃｡ 主菜: 野菌意大利飯 配蘆筍､巴馬臣芝士及松露 口感濃郁creamy,食落軟綿得嚟人帶點嚼勁｡野菌香氣突出與巴馬臣芝士的鹹香完美融合;蘆筍清新爽脆,平衡了整體的濃度;松露獨特香氣提升層次｡ 紅酒燴牛面頰配薯蓉及雜蔬菜: 牛面頰軟嫩入味,醬汁濃郁醇厚,薯蓉綿密滑順,口感豐富｡ 甜品: 慕斯蛋糕口感輕盈,酸甜平衡,甜而不腻｡最後嘆埋杯咖啡,真係好滿足｡ 套餐逢星期一至四(12:00-14:30)供應｡ 優惠原定5月結束,因反應熱烈,現延長至6月,有興趣嘅朋友仔快d前往官網預訂啦｡ 🔻🔻🔻🔻🔻🔻🔻🔻🔻 https://eshop.harbourgrand.com/hongkong/zh/HGC-3-Course-Set-Lunch 🔎Harbour Grand Café (北角) 📍北角油街23號港島海逸君綽酒店3樓 #香港美食多#香港食#美食分享#hotel#酒店午餐推廣#抵食#優惠#平民價#高質#服務#chill#relax#view#期間限定#happytime#852#北角#性價比高

asheryuen2019

西式美食

Le 188° 餐廳及酒廊

物超所值嘅半價海景晚餐😍

炮台山Harbour Grand嘅Le 188° Restaurant & Lounge連續幾年11月都有買一送一優惠，今年已經係我哋第3年喺度慶祝結婚週年。🥰 Le 188° Restaurant & Lounge環境超舒服，食物同服務都好好，慶祝紀念日仲送埋蛋糕，折完每位都只係400幾蚊，如果下年仲有呢個優惠，我哋應該都會再嚟慶祝。😆 Le 188° 餐廳及酒廊 地址：油街23號港島海逸君綽酒店41樓 #結婚週年快樂#le188餐廳及酒廊#harbourgrandhongkong#foodiehk#hkfoodie#hkfoodblogger#hkfood#美食#香港美食#香港好去處#食好西#美食推介#gourmethk

A美食焚化爐

中式料理

君綽軒

君綽軒中秋慶團圓晚膳套餐 @ 君綽軒 ( 北角港島海逸君綽酒店 )

“一年容易又中秋”，這個象徵人月團圓的節日，當然要同親人好好慶祝一下，但坊間餐廳為了生意，檯與檯之間一定擺得就擺，逼得就逼，轉身都難，想食得舒適又好食，大家不妨考慮一下酒店中菜廳。 今次介紹位於北角油街的港島海逸君綽酒店的君綽軒。 餐廳環境舒適闊落，樓底高，空間感強，落地玻璃外是海景及泳池景，午間有陽光透入，很安寧謐靜的感覺。 中秋節套餐收費$488，另收茶芥及加一服務費，不過上酒店 eshop 有優惠價。 訂檯傳送門  :  (精選優惠)君綽軒中秋慶團圓晚膳套餐 (8折) (harbourgrand.com) 佳節燒味三拼 三款燒味分別是芝麻皮脆卜卜的燒腩仔、甜美有嚼口的蜜汁叉燒以及油香滿滿，咬落爽脆的蔥油海蜇。 腿蓉雞絲燕窩羹 很欣賞埋芡不會過火，推得啱啱好，上檯時仲熱辣辣，非常討好，雞絲切得幼細，又有燕窩的滑溜，好味。 白玉花尾班球 簡單地以豆腐墊底清蒸，班球啖啖肉又新鮮，毫無碎骨，吃得出的鮮味，醬油調較得恰到好處，沒有死咸的感覺。 蠔皇原隻八頭鮑魚扣花菇 很傳統的宴會菜，鮑魚扣得入味，煙韌彈牙，花菇亦大大隻兼厚肉，最鍾意食伴碟的生菜，沾上鮑魚汁好惹咪。 玫瑰頭抽雞 選用了雞肶位，肉質當然夠滑，滷得入味，雞皮位好香，自家出品水準穩定，不錯。 蝦子蟹肉炆伊麵 炒得好乾身，同場午間有任食點心的炒米粉同樣乾身，貪心一點，蝦籽可以重手一點帶出香味更好，蟹肉給伊麵蓋過，其實份量不少。 桑寄生茶黑芝麻湯圓配蛋黃白蓮蓉月餅 甜品相當應節，桑寄生茶甜度輕盈，湯圓有兩粒，合理，因為見過有餐廳只放一粒大大粒，似乎失去了意義。 月餅是酒店迷你版，蓮蓉泛光，油水足，一人半件仲好。   Facebook專頁 : Harbour Grand Hong Kong   地址 : 北角油街23號港島海逸君綽酒店5樓   電話 : 2121 2691   味道 : 4  環境 : 5  服務 : 4  衛生 : 5  抵食 : 4  位置 : 4   希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!   http://www.facebook.com/foodiephilip #酒店 #中菜 #中秋節 #酒店餐廳 #北角 #港島海逸君綽酒店 #美食焚化爐 (此文章由U Blog 同步發佈至社群)