Dough Bros首度進軍北區開分店！$78起必食經典口味Pizza/爆醬冬甩
人氣薄餅店Dough Bros主打即叫即製的手工酸種薄餅以及足料爆漿冬甩，目前全港設有25間分店，深受港人歡迎！最近記者就發現Dough Bros進駐粉嶺，亦是品牌在北區的首間分店！$78起就可以食到即叫即製的手工酸種薄餅和多款口味的爆醬冬甩！即睇下文了解詳情啦！
Dough Bros首度攻入北區開分店
人氣薄餅店Dough Bros目前全港設有25間分店，分別遍佈港九新界甚至大嶼山都有。近日記者發現Dough Bros在北區開設首間分店，即將進駐粉嶺聯和墟！店外設有圍板正在進行裝修工程，預料施工至今年8月，不過就未有宣佈確實的開業日期。而在Dough Bros新分店選址約100米的距離就有一間PHD薄餅博士，各位粉嶺街坊以後又多一間Pizza選擇啦！
▼其他分店▼
$78起必食經典口味Pizza
Dough Bros主打即叫即製的手工酸種薄餅以及足料爆漿冬甩，薄餅分為7吋及10吋，亦有多款薄餅口味可選，如The Classic經典蕃茄配水牛芝士、The Pepperoni 辣肉腸配水牛芝士等，均只須$78起就有一個7吋薄餅！每個薄餅亦會配上招牌蒜蓉香草沾醬！
開心果白朱古力/Nutella朱古力榛果爆醬冬甩$38/個
另外，多款口味的足料爆醬冬甩如開心果白朱古力醬、Nutella朱古力榛果醬、Biscoff焦糖餅乾等，另加上外層的白砂糖或肉桂糖，只須$38/個！
Dough Bros分店詳情
地址：粉嶺聯和墟和滿街8號帝庭軒購物商場地下1室
開業日期：待公佈
活動資訊
- 地點
-
西式美食
## 凍到唔想出街🥶 douhgbros外賣救駕！
早幾日實在凍到唔想出街 就叫左外賣 Dough bros pizza & doughnuts 叫左二人餐有汽水 卡邦尼carbonara pizza 充滿香濃蛋香 加埋煙肉更味濃 拉到絲呀 兩個小食 松露芝士炸薯球 同埋bros脆脆雞 不過送黎已經淋左 但仍然好味 另外再加多doughnuts 呢個先至係重點呀重中之重呀 Oreo朱古力醬 Nutella榛子朱古力醬 吉士醬 Doughnuts加爆醬二款朱古力都係好好味 係無得輸既配搭 仲要小心係食到流晒出嚟 因為Oreo 同Nutella 榛子太甜太好味 攪到吉士失色左 好似淡淡甜甜咁 應該食吉士先再食朱古力會好好多 #ucreator#打卡美食#親子blogger#hkfoodie#doughbros#doughnuts#外賣推介
閱讀更多
-
西式美食
前日同朋友提早開Christmas Party，外賣嗌咗Dough Bros & Doughnuts （尖沙咀分店） 呢間主打外賣~佢哋嘅招牌係Pizza同埋冬甩 因爲我哋人多，所以嗌咗個4-6人set，折完後只需$565.8，好抵！ 呢個set我哋分別揀咗3款Pizza、兩款小食、6件冬甩！ 1)The Festive Feast 呢款pizza係節日新出嘅口味，配料有番茄、蘇里拉芝士布里芝士、火雞、火腿、煙肉、香腸.…….等，配搭紅莓醬餅底以酸種麵團製作。咬落去邊位軟糯帶煙韌，布里芝士味道濃郁奕出。至於火腿同香腸方面，鹹香紅莓醬酸酸甜甜，令味道更豐富，成個配搭好充滿Christmas嘅感覺。 2)BBQ Chicken 成個Pizza好香脆，味道酸酸甜甜，又有泰式雞翼嘅香味♥融合咗西式pizza嘅蕃茄醬香，咬落去又香又脆，冇揀錯！ 3) The Pepperoni Supreme 唔會過咸，好juicy！個pizza 皮有少少炭燒味，好香好驚喜C就算係外賣都仲保持香脆，少少辣，幾過癮🤣 至於其他小食都幾高質，無論係炸雞定Bro’s脆脆，都炸得金黃香脆，非常可口 未試過又想叫外賣嘅朋友，可以試試呢間，真係食過翻層味🤭 #步步糕升#狂歡partytime #出發打卡 #ucreatorhk#ucreator #打卡美食 #chill賞遊世界 #好去處 #chill #打卡#隱世打卡點#相機食先 #香港美食 #港玩港食 #foodie #hkfoodie #步步糕升
閱讀更多
-
西式美食
Dough Bros. Pizza & Doughnuts (Lok Fu)
Dough Bros pizza & Doughnuts
Dough Bros 嘅pizza🍕真心好味!今次我揀咗BBQ Chicken🐔,個bbq醬底好yummy! 有水牛芝士,雞肉嫩嫰的,仲有少量紅葱頭同牛舌草係上面,雖然簡簡單單,但都好滋味la! Doughnuts嘅榛子朱古力同吉士味都ok 嫁,唔係好甜,so nice!😙#OK即刻有 #我想食lifetastic聖誕蛋糕 #倒數聖誕 #fullbody純黑魅力 #冬日暖心回憶 #pizza #doughbroshk #打卡美食
閱讀更多
港生活人氣本地熱話
【 #招募酒店試住員🏡 】
↓ 免費入住新5星酒店 + 嘆精緻下午茶 ↓
《U GO》請您去香港國際七人欖球賽！🏈
↓一齊感受欖球盛事嘅熾熱氣氛！❤️🔥↓
假日好去處