葵涌大排檔$50午市小菜放題！任食魚香茄子/咕嚕肉/豬紅包例湯/飲品

Eateverywhere

中式料理

任飲任食大排檔

今日去完美食之旅,搭完高鐵,係柯士甸站行左一陣,朋友見到熟食中心,心血來潮想食道地小菜,發現一間海鮮大排檔,穫氣重,夠道地,二話不就就坐底左｡呢間大排檔仲有任飲任食放題$288一位,二話不說就簡左放題 食物就點左以下: 椒鹽軟殼蟹 熱辣辣即炸出來,咬落口脆口,有兩隻軟殼蟹份量,味道夠道地,送飯一流,我連椒鹽辣椒🌶️食埋☺️好好味🤤 沙嗲金菇肥牛鍋 上鍋一刻見到熱騰騰,滾熱辣發出滋滋聲,好岩凍天食,食左一個鐘個鍋內面既金菇仲熱😆 肥牛份量好多,食極都仲有,鍋入面仲有粉絲,粉絲吸晒沙嗲味👍🏻👍🏻 當紅炸子雞半隻 呢道炸子雞皮脆啖啖肉,平時唔食雞皮既我都通通一件不留🤤每食一塊雞皮好似食緊薯片咁脆卜卜,做到酒樓婚宴級既水準🤩,令我有驚喜🥰 呢間大排檔做緊8周年優惠 如果唔簡放題,單點小菜差唔多價錢! 新肥泉海鮮大排檔 (佐敦) 📍 佐敦寶靈街17號官涌市政大廈2樓熟食中心 #新肥泉大排檔#軟殼蟹#佐敦美食#熟食中心#大排檔放題

koalayip

港式美食

賞味香港 - 葵涌山城上的煎肉餅飯

想不到在「葵涌百慕達三角」覓食的日子，延續了接近半年才完結，秉承在下一貫遲找數(遊記)的作風，哈！數數手指，原來在下已經為葵涌山城寫上了十多篇「賞味香港」，作為第15篇，亦是最後一篇，今次就為大家介紹下位於和宜合道上的金森林，一家感覺比較麻甩既餐廳，午市有多款飯餐提供，包括多種口味的煎肉餅和以雞為主題的"十二道雞味"，保証食客食得飽，所以深受體力勞動工人歡迎，包括當時工作極需要體力勞動既Koala。 不知從何時開始(應該係當時份工開始)，每個工作日都可以消化一整碟碟頭飯，食量之驚人，搞到我自己都有點害怕，假如沒有工作上的體力勞動，再配合閒時既跑步鍛鍊，在下的體重才能維持，但隨著胃口增加，喜歡食好西既Koala仍然好鍾意食野，直至離開山城，工作崗位上的轉變，身形再次加碼，加上人(熊)到中年，再次提醒我自己要好好鍛鍊身體。 Throwback番「40歲後留港Working Holiday」體力勞動的日子，就算返工前有食早餐，經歷完上午一至兩輪上落貨後，感覺好似做完幾Set gym，除非係大熱天時戶外工作，否則未到中午，個肚就會自然發出不受控制的打鼓聲響，所以成日恃住消耗得多，就要亂咁去食野，午餐食番個風沙黃金煎肉餅，都可以毫無罪惡感 係「葵涌百慕達三角」返工，位置雖然有點隔涉，港鐵又唔到，係葵涌山城上食飯，Set Lunch一般從四十幾起跳(2022年價格)，所以係呢段時間係真係儲到錢架！ 正所謂「小店就是任性」，星期日係金森林既定休日，對於當時需要輪班工作既Koala，假期搵食係少左好多選擇，重溫照片，發現每次Order既肉餅午餐都有小小出入，因為係小店開餐，係好睇當日老闆同員工心情，有時白飯可以變菜飯，無湯又可以送湯 避風塘煎肉餅，加入了很多的炸蒜，夠晒邪惡！煎香的肉餅混和了肉汁外脆內軟，佐飯一流！喜歡主菜以外還有合適份量的蔬菜，出街食都可以補充一下纖維 所謂黑松露煎肉餅，其實都只係加左黑松露醬係境肉餅上面，提升了肉餅的味道，感覺又High Class D，當然，最緊要係個肉餅要煎得好啦~ 咬開肉餅天見功架，肥肉比例唔算好多，肉汁豐盛，係熱氣左少少，但香港地普遍食客都鍾意食香口野，尤其是係年輕人 某次和同事前來，同事點選的上湯雲吞雞，呢個Set繼續以份量取勝，味道亦都不錯 上湯雲吞雞配上菜飯和湯，以HK$45的價格而言，真心覺得十分豐盛 還記得首次前來光顧時，是因為同事推介這裡的海南雞飯，那時正在計劃想寫一篇有關海南雞飯的Blog，最終只在Instagram上發表了相片，齋睇賣相，可見金森林既海南雞飯(HK$45)相當抵食，海南雞的份量之多，是有一點點誇張，最重係無骨，哈！ 在和宜合道上就有幾家以金字頭命名的餐廳，包括在下未光顧過的金和林和金椰林，由於這裡位置鄰近城門水塘，幾次到訪金森林，除了在附近工作的勞動人員，也有不少行山友光顧，證明呢家餐廳有一定吸引力 金森林 地址：葵涌和宜合道202號誼發大廈地下15號鋪 伸延閱讀 賞味香港 - 葵涌山城 街坊食店 小上海 賞味香港 - 葵涌 有口福 牛什專家 越南河  #賞味香港 #40歲後留港Working Holiday #葵涌山城 #小店就是任性 #黑松露煎肉餅 #黃金風沙煎肉餅 #煎肉餅飯 #金森林 # 葵涌百慕達三角 #十二道雞味 #體力勞動 #上湯雲吞雞 (此文章由U Blog 同步發佈至社群)

leewengii

打卡熱點

米線陣 (荃新天地店)

米線陣$25 小食🍹凍檸茶放題

米線陣最近推出25蚊小食凍檸茶放題，全港只有三間分店有呢個優惠，荃新天地分店就係其中一間。七點半嚟到等兩張枱。叫任何米線每人加25蚊就可以享用呢個放題。我叫咗37蚊單餸清湯米線，炸醬有啲花椒味都幾惹味，而且感覺味精比其他連鎖米線店少。 任食小食有花甲、豬肚、韭菜鴨血、青瓜雲耳、皮蛋同紅糖糍粑，可惜我哋嚟到時皮蛋同紅糖糍粑都買哂，有啲失望。凍檸茶都係飲 任飲，平時叫杯凍飲都要加九蚊，叫個小食就要加十蚊，所以好易回本。 #UCreator#打卡美食#精緻茶聚 #甜甜蜜蜜過新年 #sanrio同你拜年