DONKI分店結業感謝大優惠！全場貨品$1起 玩具精品低至7折
日本大型連鎖折扣店DON DON DONKI近月就宣布位於小西灣藍灣廣場的分店將會在5月31日結業，有見及此分店將會舉行感謝祭第二彈，推出超特惠商品。精選零食價格低至$1。更多玩具精品低至7折，把握最後機會與各位朋友仔shopping啦！
精選零食價格港幣$1起
DON DON DONKI小西灣店為了感謝街坊們4年多的支持，推出Farewell 感謝優惠第二彈！精選零食如大阪章魚燒味薯片、明太子味薯片甚至醬油拉麵都只是$1；香蕉朱古力麻糬原價$60，現特價$5一盒。
玩具家品低至7折
另外亦有多款家品玩具低至7折起，有地枝清潔片、浴室防滑墊、香氣噴霧等實用家品。更多優惠等你發掘，趕快與朋友仔一起掃貨啦！
全港只剩下10間分店
DON DON DONKI於2019年進駐香港，第一間分店是在尖沙咀美麗華廣場，其後迅速擴張。DON DON DONKI目前在香港有11間分店，撇除小西灣店，只剩下10間分店包括尖沙咀、荃灣西、銅鑼灣、中環、將軍澳、屯門、九龍灣、黃埔、鑽石山、旺角。
DONKI全線分店大減價！日本零食食品/個人護理/日用品低至2折！
DONKI全線大減價！由即日起，全港DONKI分店指定商品激減，精選日本零食、食材醬料、飯麵主食、日用品、護膚品等等低至2折！記者直擊旺角分店有咩抵買，發現近收銀區位置有大幅減價區域，食品、日用品都有折扣，即睇減價商品！
零食食品
多款日本零食及食品都有折扣，包括袋裝拉麵接近半價，平均$15/包，麻婆豆腐料理包$10就有交易，輕鬆煮到一餐。另外零食方面，不少人都喜愛的明治草莓味朱古力橡皮糖低至$29.9、魷魚片$20就有30片。
日用品
現場所見都有不少日用品進行減價，包括超立體3D口罩低至74折、衣物污漬急救劑75折。另外各類空氣清新劑、除臭液、天然香薰浴鹽同樣抵買！
港生活人氣本地熱話
【限時登記領取🎁】韓國No.1人氣保濕產品！
WELLAGE超強爆水珠珠💧 x 防曬新品🌞
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
