3COINS銅鑼灣店7月18日開幕！率先睇日本大熱美甲燈/防水襪/旅行袋
日本超人氣百元雜貨店3COINS登陸香港銅鑼灣，即將於7月18日開幕！3COINS在日本大多商品定價只需300日元（未連稅），因此在日本大受歡迎。3COINS公開香港店的價目表後，不少港人都大感驚喜！香港首間3COINS分店定價秉承與日同價，全場低至$18港元就可以入手各款人氣商品，即睇有邊款日系雜貨啱你啦！
3COINS7.18登陸香港開幕！
3COINS即將登陸香港開設首間分店，地點位於銅鑼灣希慎廣場地庫，7月18日正式開幕。今次3COINS全港首間旗艦店是由YAICHI集團引進，為香港帶來獨一無二的多元日式雜貨購物體驗。即睇3COINS店內有邊款商品吸引你啦！
逾2,500款日系生活雜貨
3COINS香港店門市逾2,500款日系生活雜貨，涵蓋家居、廚房、收納、洗衣、雨具、戶外用品等等！
而且香港店將秉承與日同價並推出「搶買價」，各位港人都可以優惠價錢入手心水日本雜貨啦！
3COINS 香港限定商品
3COINS 首度登陸香港，特別推出7款限定商品，每款均印有專屬香港紀念文案，當中包括有環保袋、手提袋、3WAY旅行手提袋等等，價值$18起，大家記得不要錯過啦！
官方公布售價｜3COINS人氣商品$18起
來自日本的百元雜貨3COINS，以高質感平價生活為主，產品類別多樣，包括家居、時尚與數碼等，每件貨品最平只需要3個日圓硬幣，即330日元(連稅)，憑著價錢及實用性，成為香港遊日的必去地方！而代理商 YAICHI 宣布，香港店的商品將採取「與日本同步」的創新定價策略，確保價格貼近日本水平。香港定價同樣最抵商品由18港元起。
此外，由7月18日至21日開幕期間，買滿港幣$100，即可獲贈3COINS日本環保袋乙個，每日限量100份。
▼日本3COINS官網人氣商品▼
3COINS 香港旗艦店
地址：香港銅鑼灣軒尼詩道500號希慎廣場B2層B209B & B210 – B212舖
來源：3COINS
-
著數報料
3COINS
快閃人氣 3coins
日本人氣國民雜貨店3COINS在香港已經開業一段時間，親民價錢，加上made in Japan 呢幾隻字，已經值得到此一遊。 店舖位於銅鑼灣心臟地帶希慎廣場B2層，位置便利，唔算難搵，但去到都有d失望，因為以雜貨店嚟講，舖位其實算係幾細間。 貨架擺位一如日本嘅整齊、潔淨，大致分有廚房用品區、寢室區、飾物區、電子周邊產品、輕著、推介熱賣等區間。價錢全部以日圓對照，最便宜係￥330(稅込)=hk$18，最貴￥4180=hk$228。 * 廚房用品 廚房收納用品簡潔實用，收納層架、掛鈎等，走簡約風，大部份$18就可以帶回家。杯碟、食物盒等一樣簡單清新，主要係大自然色系，以淡啡、淡緣為主調，啱晒想走田園風格嘅家居。 * 家居用品 洗衣袋、衣架等，甚有無印風格，但價錢就超實惠。大熱產品兩面拖鞋只售$30，賣點係超方便實用，唔洗轉身、扭腳都可以輕鬆自如著到。另一推介係衣物芳香噴霧，細細枝可以放喺手袋除時用，啱晒去完人多擠擁嘅地方，或者食完火鍋燒肉，噴一噴，咩異味都無晒。 * 電子周邊產品 勝在價錢實惠。當中嘅電話繩，公主少女味甚濃，都只係$48，啱晒襯衫用。 * 飾物區 最受歡迎嘅區域，大部份產品都只係$18，多款耳環、頸鍊，設計精緻、花巧，甚受學生歡迎；而髮飾種類繁多，髮夾、頭箍、橡筋圈多種不同風格設計，一定會揀到啱心水選擇。 * 輕著區 首推Threads大熱產品防水襪，$18就賣到啱晒而家時晴時雨嘅天氣著，不過可惜當日只剩餘黑色船襪。另一啱而家天氣用嘅就係外著防水鞋套，只要套上，就算大大力踩水氹行街都唔洗驚。 總結係舖頭細細，但貨品種類都唔算少，價錢性價比極高，$50以內都已經可以買到大部份精美嘅日系家居用品。 #美妝 #銅鑼灣 #時尚 #精品 #3COINS #家居用品 #性價比高 #人氣品牌 #日本製造 #日本雜貨 #日系風格 #打咭熱點 (此文章由U Blog 同步發佈至社群)
閱讀更多
-
著數報料
3COINS
日本雜貨店旗艦店3COIND開幕盛況！🤩 掃貨啦！🛍️
日本國民級人氣雜貨店品牌3COINS在香港的旗艦店今天盛大開幕，吸引大量顧客去購物。店內人山人海，場面墟冚，大把巿民在店外大排長龍，等候進入店內購買貨品。 本人等候了大約一小時三十分成功進入店內。店內貨品琳瑯滿目，包括有家居、廚房、收納、洗衣、雨具、耳環、環保袋、杯、戶外用品和香港限定商品等。另外，店舖主張「與日同價」，最便宜的貨品價錢為稅後330日圓，大約港元18元，十分抵買。 3COINS貨品價格親民，新張期間消費滿指定金額，送限量禮品乙份，各位可以盡情選購心頭好物。 #優惠 #著數 #日本雜貨店 #與日同價 #香港旗艦店 #3coins #3coins好物 #3coins新商品 #3coinshk #童您放暑假 #chill玩夏水禮 #我想變身蚊界透明人 #夏日一點甜 #chill賞同陽光玩遊戲 #chill嘆旅行 #chill賞放大假 #好去處 #chill #打卡好去處
閱讀更多
-
著數報料
3COINS（銅鑼灣店）
🎏突發報告‼️日本連鎖生活雜貨店3COINS人龍不再🤣
仲記得7月18號開幕 門口完全迫爆💥 聽講最少都要等45分鐘至一個鐘先入到去 時間過咗未夠一個月 今日去已經冇人排隊🤪 不過都未係可以舒舒服服咁行 舖頭入面空間唔多 Keep住都有人流 行起上嚟都幾迫吓🫣 現場全部嘅產品都係用日圓顯示 所以都要睇返價目表先兌得返香港價錢🇭🇰 當你以為全場最平嘅係¥300(連稅¥330) 尋吓寶竟然會發現到有¥200既貨 連稅¥330商品兌返港幣就係$18 ✅生活雜貨 ✅手機用品 ✅家居用品 ✅沙灘用品 ✅耳環首飾 ✅口罩 每樣生活用品都有啲 個人最推介係耳環､戒指､頭飾 一pack會有幾件 用嚟襯衫都幾靚 除咗最平嘅$18選擇,現場最貴嘅貨品係$228 不過款式就真係唔太多 特別係🇯🇵日本嘅熱賣款呢度都冇 之前大家見到要排隊都唔會想嚟 而家唔使排就可以過嚟行吓 俾錢人流都唔多,好快埋到單走人 📍3COINSHK 銅鑼灣希慎廣場B2層B209B & B210-B212舖 #護脊書包要識揀 #夏日排毒瘦身 #ghd雪葩粉紅慈善限量系列 #全方位護齒三步曲 #敏感肌防曬攻略 #童您放暑假
閱讀更多
港生活人氣本地熱話
《U GO》請您睇原創動畫電影《謎攻少女》！
💥《超時空要塞》之父河森正治最新力作
↓【請您去💚】JOY@ Red Velvet 個人亞洲巡迴！↓
出道12年來✨首次個人巡演《JOY SPLASH》
假日好去處