日本百元雜貨店3COINS攻港！10大人氣商品排行榜！塑膠瓶保冷器/降溫墊/涼感手套

Yanice Chu

日本攻略

【日本 3COINS 排行榜】2025年度暢銷 Top 5 出爐！Threads 爆紅煮飯神器只排第 2？冠軍「斷貨王」香港都買到

平、靚、正不嬲係3COINS嘅代名詞！最近日本 3COINS 公佈咗年度暢銷排行榜 Top 5，入面唔單止有紅遍 Threads 嘅廚房神物，第一名更加係文青同 Y2K 少女必搶嘅斷貨王！快啲睇吓邊5款產品上榜，去日本或者喺香港分店見到記得即刻入手！ 第 5 名：血拼必備！3WAY 擴張型旅行袋 去旅行最驚買到行李箱爆棚，呢款旅行袋就係救星！佢除咗可以手提、肩背，仲可以掛喺行李篋拉桿上。最神奇係拉開底部拉鍊，長度即刻 +10cm，容量瞬間升級！加上防水加工，落雨血拼都唔驚。 售價： ¥1,650（含稅） 折合港幣$82.5 (5 算) 貨品編號： 2421-3C7B407-00 第 4 名：CP 值極高！智能家居監視器 呢款監視器支援 iPhone/Android 專用 App，無論係睇住屋企個主子定係 BB 都好啱用。佢具備「自動跟蹤功能」，會自動跟住人或物移動；仲有「動體檢測」會即時通知手機。 最正係內置麥克風同揚聲器，可以雙向通話，出緊街都可以同屋企人或寵物通話！加上「日夜功能」，夜晚都影得清，功能齊全到直迫大品牌，累積銷量已經 突破 3 萬台！ 售價： ¥4,180（含稅） 折合港幣$209 (5 算) 貨品編號： 2424-GH01-00000 第 3 名：收藏控必入！2WAY 透明展示盒 模型迷、盲盒迷留意！呢款展示盒有透明門設計，唔單止可以好好展示心頭好，最緊要係防塵！無論橫放定豎放都得，質感極高。 日本售價： ¥1,650 折合港幣$82.5 (5 算)  貨品編號： 2417-BOXPSM-000 第 2 名：Threads 爆紅！1 盒 6 用「微波爐料理盒」 呢款喺 Threads 掀起洗版式討論嘅「懶人神器」，竟然只排第 2 名！佢號稱唔使開火，只要入微波爐，就可以做到煎、炒、煮、蒸、炊、加熱 6 大功能！ 網民實測後驚呼：「真係煲到白飯！」祕密在於佢內層係唔黐底塗層，外層採用特製鋁鋼材質，可以將微波轉化成熱能，做到類似高溫煎炒嘅效果。對住屋空間細、唔想洗碗（佢仲可以用洗碗機！）嘅香港人嚟講，簡直係恩物！ 日本售價： ¥2,200（含稅） 折合港幣$114 (5 算) 貨品編號： 2416-HCMWP01-00 香港 3COINS 售價： 港幣$120  🏆 第 1 名：掀起全城瘋搶！迷你數碼玩具相機 力壓煮飯神器奪冠嘅，就係呢部迷你數碼玩具相機！佢重量只有 34.5g，好似件飾物咁細，但絕對唔係玩具咁簡單。 佢內建 24 種復古濾鏡、定時拍攝、閃光燈，甚至可以錄影！支援 SD 卡儲存，拍出嚟嘅相片充滿懷舊感。除咗原本嘅馬卡龍色，最近仲新出咗啡色同黑色，復古感更濃。呢部相機當初一推出就全日本斷貨，香港 3COINS 都有得賣，見到一定要即刻入手！ 售價： ¥2,750（含稅） 折合港幣$137.5 (5 算) 香港 3COINS 售價： 港幣$150  貨品編號： 2513-KRTC-00000 睇完呢個 Top 5 排行榜，係咪好想衝去掃貨呢？ Tips：第 2 名嘅「微波爐料理盒」同第 1 名嘅「玩具相機」，日本同香港嘅價差極細（只係差 $10 - $13 蚊！），如果唔想行李過重，直接喺香港 3COINS 入手絕對更精明！ 資料來源：3COINS官網 #3COINS #3COINS好物 #日本 #日本手信 #日本必買 #攻略 

敗家師奶

日本之行

日本

日本必逛300円店🇯🇵3COINS 40+好物推介‼️附網購連結

今次同大家分享呢間日本家品店就係3COINS啦!有名你叫3個COINS👌🏻就係代表3個100円銀仔,每樣都係300円起~同樣可以用到平民價錢買到高質好物,為大家推介40款以上😍仲有近期日本人氣熱銷嘅雨季必備產品🧼即刻睇圖啦👉🏻 依家日圓仲要跌破5算超抵買,大部分產品只係港幣$15左右,真係超抵價😱!3COINS我最推薦買佢哋廚具(圖2-4),同埋近期嘅雨季產品(圖7-9)!仲有,靚靚飾物都只係$15起(圖11)🔮,真係平到唔買多幾對耳環都唔得呀🙌🏻 又適合鍾意動漫嘅你,佢哋最新有同名偵探柯南聯乘商品,必入手!另外,我覺得佢哋有比較多寵物向嘅產品,啱有養寵物嘅你~ 日本有好多分店,推介大家行東京3COINS原宿旗艦店 💚 3COINS+plus 地址:渋谷区神宮前6-12-22 秋田ﾋﾞﾙ1F 營業時間:11:30~20:00 另外,因為3COINS係服飾品牌｢PAL｣集團下嘅生活雜貨家品品牌,所以其實喺香港嘅大家想網購買都好方便~ 網購連結🗝️:https://www.palcloset.jp/3coins/ 即刻分享埋比朋友睇啦🛒 追蹤我睇更多著數優惠,好物推介啦😙 想睇更多日本家品店系列去呢度👉🏻 #日本家品 圖片來源: 3COINS官網,PAL官網 #日本好去處#UCreator#旅行打卡#旅遊行程#日本之行#日本必買#好物推介#好物分享#攻略#著數報料#日本攻略#日本購物#平靚正#daiso

Yanice Chu

日本之行

扭蛋收納神器😍日本3coins新品🇯🇵帶出街放屋企都得

近年日本再度掀起扭蛋盲盒熱潮,令不少人儲起一堆細小的吊飾公仔😝收藏變多又不想收起看不見,又無從入手如何整理😵‍💫最近日本的人氣平價家品雜貨店3COINS推出了幾款精美有質感的扭蛋收納神器,有些更有透明膠片保護,真的非常值得入手呢!✨ 這系列收納神器針對各種款式扭蛋而設,不論是戒指､吊飾､擺設,都能夠輕鬆收納,再展示或攜帶出去!簡直是恩物呢~😎而且簡單木色設計,有質感也更突出扭蛋,價錢才大概300-1000yen,即港幣$15-55,性價比真的太高了!💰😍😍😍 以上產品已經開賣了,喜歡扭蛋儲盲盒的你,沒理由不買一個吧!! 資料來源:palcloset.jp , gashapon.jp #日本扭蛋#日本購物#日本必買#日本之旅#日本卡通#收納#攻略#日本好去處#UCreator#旅行打卡