Neway$50龍蝦牛柳餐Threads爆紅！網民讚可轉型做西餐廳

iloveskype8

打卡熱點

Neway Karaoke Box (旺角)

💗附餐牌💗唱k食龍蝦、牛扒、三文魚、甜品😋

去Neway唱k勁抵,星期一至四k lunch人頭費$119,星期五至日人頭費$129,免費包一份午餐及飲品,加$50仲有龍蝦牛扒意粉同2款甜品,我地就揀咗牛奶布甸同椰汁西米露😋加三文魚扒意粉仲只需加$15咋!😆平時去靚少少嘅餐廳要間vip房都要千蚊起跳,兩個人唱k lunch唱足3.5小時,人均百幾蚊又咁多野食,勁抵呀! 龍蝦牛扒同三文魚扒都勁滑又大大份,真係超乎我對唱k餐嘅想像呀,其他午餐都好正架,快啲睇吓上圖menu有咩啱你食(只限旺角創興店)😆仲可以用手機點歌,比起以前要喺個mon度揀歌真係方便勁多呀👍好啱鍾意唱歌嘅朋友,聖誕一定要同成班friend去Neway唱k又食又唱💗旺角店員工服務一流,訂位WhatsApp佢地有問必答,上餐又快,見甜品未到又好快幫我地催,勁貼心🫶🏻{{hket:campaign display="社群生日快樂"}}{{/hket:campaign}}

Applechong

打卡熱點

鐵板大師

沙田高性價比鐵板大師$100🈶set🫣

鐵板大師｢Master Pan｣係沙田好運中心開左分店,夜晚時間經過經常都見排晒長龍,今日終於有機會黎試下,7點開始已經坐落客,好有人氣｡ 餐廳主做鐵板料理,100蚊唔使都已經食到一個Set Dinner,仲要係西餐廳嘅質素,咁抵食難怪咁多人排長龍都要黎食｡ 叫左個｢火焰香煎美國牛柳｣套餐,五成熟嘅香煎美國牛柳配黑椒汁,好高質嘅牛肉, 又嫩,真係高性價比｡ 南瓜湯好實正嘅一碗,好creamy又甜甜地 ,好似食緊南瓜蓉一樣,食完一碗都飽左3分｡ 跟牛扒一齊嘅仲有配菜西蘭花,栗米同紅蘿蔔,全部新鮮野食得落口果啲,唔係得個睇字:) 跟餐有野飲,雖然得罐裝嘅可樂,咖啡,忌廉等等,不過咁嘅價錢同質素有野飲算係冇得輸 餐廳仲有好多小食可以揀,見小食好平叫左個酥炸軟殼蟹試下,即整即上,$28蚊超抵食! #出發打卡#賞楓暢飲#我一定要飲咖啡#毛孩洗白白#快閃打卡賞#幾飽都要食埋甜品#拍下珍貴時刻#精緻茶聚#甜甜蜜蜜過新年

hkeateateat

港式美食

Master Pan 鐵板大師

沙田鐵板大師抵食鋸扒！豬頸肉牛柳都正！

沙田新城市中心行過啲就去到另一個細啲既商場,原來呢度都好多食,今次去左呢間鐵板大師鋸扒食,覺得啲野食價錢好抵! 1⃣️泰式豬頸肉-套餐($90)(香水檸檬鴨屎茶+6) 套餐配埋意粉､餐湯､沙律同埋飲品,非常豐富,豬頸肉軟嫩,有兩大件,配上燒汁｡另外湯有兩款,南瓜湯同埋蘑菇忌廉湯,南瓜湯幾香濃👍 2️⃣ 香煎牛柳-套餐($120)(柑桔檸檬鴨屎茶+$6) 牛柳揀左五成熟,粉嫩而且唔會食到啲筋｡配上野菌燒汁同埋黃芥末｡蘑菇忌廉湯覺得有啲金寶湯feel🫢不過overall價錢黎講幾抵食｡ 3️⃣ 芝士煙肉大啡菇($28) 大啡菇多汁,面頭釀滿芝士同煙肉😋 4️⃣ 日本蟹肉忌廉餅($18) 內餡多而且creamy,呢個價錢仲要有兩件,抵! 5️⃣ 香煎鳳尾蝦($28) 幾香,蝦肉爽口｡ 好味:6.4/10 環境:6.6/10 性價比:8.5/10 鐵板大師 📍地址:沙田橫壆街1-15號好運中心3樓3107-3108號舖 #秋日養生#清爽夏日#夏日排毒瘦身#ucreator