「番茄師兄」分店招頂手！急推出1招救亡 老闆：試埋最後一步！嘆再無起色或選擇放手...
主打番茄湯底的「番茄師兄」近日宣布灣仔店招人頂手，引發網民熱議。餐廳坦言因人流銳減，舊餐牌長期虧損，無奈改推姐妹店「米青蛋包飯公司」菜式救亡，卻引來食客懷念舊口味。面對經營壓力，老闆直言「試埋最後一步」，若再無起色或選擇放手。目前深水埗、荔枝角、灣仔三家分店如常營業，而蛋包飯姐妹店則備受追捧。
「番茄師兄」灣仔店求頂手
香港經濟下行，結業潮持續，不少餐廳宣布結業離場。主打番茄湯底配麵食的「番茄師兄」周一（6月9日）於社交平台發文，指灣仔分店舖位招人頂手，帖文稱「旺舖招頂，灣仔核心地段，日夜都繽紛。生意太好，留返啲俾人賺。」除了飲食本業，「番茄師兄」亦有出招拉客，包括舉辦交友配對活動「師兄飯局。」
帖文發布後火速引來大批網民表不捨，有市民理解餐廳經營不易「依加每日得一轉好難做」、「港島都真係比我想像中難做」、「灣仔晏晝靜左好多。」
食客望轉回舊餐牌 餐廳一原因難執行
亦有部分食客明言希望換回舊餐牌，「講真灣仔呢2個月轉左Menu就有些失望，之前我兩公婆會成日去，轉左之後只去了一次」、「會唔會考慮下係MENU問題」、「個個都prefer舊餐牌, 真係寧願你加價都唔想食新餐牌。」
不過餐廳回覆開關後人流大減，如果要收支平衝就要加價3成，但相信食客難以接受這個加幅，所以決定引入姐妹店「米青蛋包飯公司」的熱門菜式救亡。老闆無奈表示「試埋最後一步，就係改餐牌加蛋包飯。試埋都唔得就算，就係咁。相信你聽完之後會明白點解我唔可能跟你嘅諗法去做啦。」
面對一眾食客留言，餐廳留言回應「其實最近改餐牌都係迫不得已搏一搏，因為之前你哋好鍾意嗰個舊餐牌，我哋係輸住做，持續虧損一年有多」，相信在推行新餐單前，已有過掙扎與考量。
姐妹店「米青蛋包飯公司」備受熱捧
「番茄師兄」元朗店於去年年頭結業，灣仔店現正尋找有心人頂手，暫未知經營至幾時，喜歡的食客要把握時間去支持支持。「番茄師兄」在深水埗基隆街及荔枝角D2 2期同樣有分店，至於其姐妹店「米青蛋包飯公司」則開在荔枝角D2 1期。
「米青蛋包飯公司」主打蛋包飯，白飯底可轉椰菜花飯底或沙律菜。最多人推介和牛封門柳餐、臀肉蓋餐、和牛蛋白飯餐，再追加溫泉蛋。
番茄師兄
深水埗店：基隆街255號地下
灣仔店：安樂里1號利昌大廈低層地下B舖
荔枝角店：長順街15號D2 Place TWO 2樓215號舖
米青蛋包飯公司
長義街9號D2 Place One 3樓303舖
來源：Facebook
港生活人氣本地熱話
【免費領取】HK$1,000 美妝購物券💰
↓無最低消費門檻，直接當錢使😍😍↓
↓勁賞KAGOME升級版「野菜生活100」體驗套裝↓
↓甘筍蔬果汁、提子蔬果汁↓
