澳牛神級炒滑蛋被評「嚴重過譽」惹激辯！網民幫平反撐保持水準？

文: 溫藹紅

2025.06.26

佐敦澳洲牛奶公司成日再成熱門話題，有食客近日在討論區發帖，直言餐廳招牌炒滑蛋「嚴重過譽」，形容「唔覺有咩特別」，亦有部份網民認為成為「小紅書人氣店」後不會專程排隊食。不過，都有網民為餐廳「平反」，認為炒蛋質素相對一般食肆穩定，「可以keep到每次都一樣，呢樣係抵讚的」！

澳牛神級炒滑蛋被評「嚴重過譽」惹激辯

眾所周知，澳牛看起來平平無奇，過往除了以侍應服務態度聞名外，店員極速出餐亦是店內特色之一，但要成為一間備受熱捧的港式茶餐廳，供應的餐品同樣重要，例如招牌馳名「炒滑蛋」就確實吸引到一班食客，連旅發局亦曾經在官方為餐廳宣傳，形容「澳牛將簡單的炒蛋做得出神入化，嫰滑鬆軟的口感是別處吃不到的美味」。

近日就有港人透過連登討論區發帖，並上傳一張澳牛的炒滑蛋配多士的相片，寫道「澳牛蛋係咪嚴重過譽」，又留下食後感：「唔覺有咩特別，間間都差唔多」，引來網民們關注，帖文有超過300個負評，100個讚好。有部份網民表示認同樓主，覺得餐廳的炒蛋是名過於實：「其實普通茶記質素」、「唔係講笑喔, 我覺得我媽咪炒得仲好過佢」。

點擊圖片放大

網民幫口撐澳牛：每次可以出返同一個質素

不過，大多數網民似乎就持相反意見，力讚澳牛的炒滑蛋有水準：「澳牛隻蛋絕對唔會係技術低」、「出面啲炒蛋暫時仲係未有一間好食過佢」、「炒蛋難在又要滑又要香，唔會生到水咁，唔會熟到又乾又硬」、「普通茶記一係香但太熟，真係滑但太生，當然都會有茶記做得好，但每次食都撞手神，但澳牛就係每次可以出番同一個質素，所有野啱啱好，夠穩定」。

點擊圖片放大

另外針對澳牛的快餐收費，有網民就幫口：「都係茶記價，最多比街邊茶記貴幾蚊，差唔多價錢食番個穩定少少嘅質素都話性價比低？佢又唔係收你80蚊食炒蛋多士通粉」、「如果有試過自己係屋企炒蛋就知難係邊，香、滑、熟3樣嘢好難並存，澳牛啲炒蛋有一浸好淡嘅香味，係出面食唔到」。大家覺得如何呢？

資料及圖片來源：連登討論區、小紅書

更多真實評價

food__logger

打卡熱點

澳洲牛奶公司

人生必試澳洲牛奶公司🔥超香脆牛油多士+嫩滑炒蛋💜

人生必試澳洲牛奶公司常餐🔥超香脆牛油多士+嫩滑炒蛋💜 以「光速餐」及「獨特」服務態度聞名的佐敦茶餐廳澳洲牛奶公司「澳牛」，無論下單及出餐都極速進行，因而吸引不少人都會慕名前往。 #我想試食月餅#轉季護膚必備#啖啖舒暢透心涼#歎住靚景Staycation#請您食月餅#雙聚嚐月#深圳攻略#深圳美食#深圳打卡#Dessert#出發打卡#BESTFOODwithUCreator#TRAVELwithUCreator#UCreatorwithPETS#OOTDofUCreator

閱讀更多
bnbnmnm

港式美食

澳洲牛奶公司

How to eat 澳牛？🍳🥛

share俾你身邊唔識/ 唔敢/ 冇食過澳牛嘅人睇🙂‍↕️ 話說早幾個禮拜去食嗰時身邊幾pair遊客都係將啲嘢單嗌咁傻豬豬呀又唔抵又重覆又食唔到重點作為香港人嘅你又點樣食澳牛? 中意火腿通定叉燒湯意多啲? #hkfoodie#hkblogger#hkfoodblogger#hkfoodlover#hkfood#美食推介#美食#澳牛#澳洲牛奶公司

閱讀更多
yukie_kiekie

港式美食

棉登徑7號

尖沙咀【兩草】 — 好味又抵食！

超驚喜!🤩 竟然俾我喺尖沙咀搵到間好抵食嘅餐廳!小食及主食平均$25-45!夠飽之餘仲要味道唔錯!值得推介俾大家👍🏻 鮮蝦胡椒湯 — 個湯好重胡椒味,好飲蝦幾新鮮,蝦肉有甜味蛋炒豬腸粉 — 呢碟腸粉我好鍾意! 腸粉煎過好香,外表帶微脆佢用秘製甜豉油調味,好惹味滑蛋叉燒飯 — 只需$40 但份量唔少! 蛋真係炒到好滑叉燒粒全部半肥瘦､好嫩滑,一啲都唔柴口拌飯的甜醬油好食,令我好開胃加埋啲蔥,更加香! 叉燒豬油撈麵 — 麵條幾煙韌彈牙,用豬油及醬油撈過,幾香叉燒燒過有焦香味,一樣係半肥瘦,好食咖央多士 — 呢款係必點!建議食前才叫起,因為要即食! 多士烘底好鬆脆咖央餡超正!!咖央醬及牛油好香甜最後食呢款作甜品,超滿足! 檸檬薏米水 — 有檸檬嘅微酸,令味道好清新都有好多薏米,煲到夠腍身甜度適中,可解膩呢餐我哋2人叫了6樣嘢,好味又好飽｡每人平均$100,真係好抵食,好滿足👍🏻 📍兩草 (香港) 地址:香港尖沙咀棉登徑7號地舖 #UCreatorHK#BESTFOODwithUCreator#香港美食#九龍美食#香港地道美食#兩草

閱讀更多