尖沙咀YMCA港青酒店自助餐買一送一！再享第三位$10優惠 人均$293任食3小時泰國料理

A美食焚化爐

擦餐勁

再臨閣

「味遊泰國」自助晚餐 @ 再臨閣 ( 尖沙咀YMCA )

母親節過後，好快又到父親節，今次諗到去邊度慶祝未？   不如試下近日主題係泰國菜既YMCA再臨閣。   畢竟泰國菜係香港一直都受歡迎，更何況今次餐廳請來《 米芝蓮指南2023》推薦餐廳 Mekin Farm的主理人Pu 及 Yim親自示範三款招牌菜色。   泰式青辣椒汁蒸烏頭 賣相簡單平實，但烏頭啖啖肉，又沒有討厭的泥味，辣辣地幾醒胃。   香茅蝦沙律 以酒杯奉上，口感複雜，層次分明，很有趣。   特色咖喱魚 是日用上了鱸魚，香料是即時用石鍋搗碎再煮，魚肉火喉啱啱好，拌和湯汁一齊食更惹味。   海鮮 首選有開邊波士頓龍蝦，refill速度都算快。   另外有蟹腳、琵琶蝦、龍蝦鉗、海蜆、海蝦、青口及小龍蝦，種類比起好多酒店還要豐富。   其實自己幾鍾意食鐵板大蝦，因為係即場烤好，熱辣辣有焦香。   而燒美國肋骨牛肉就等到中間位先要，因為肉質會比較嫩。   熱葷 泰式海南雞飯當然係我首選，而且雞肉都幾嫩。   想刺激就要巴東牛肉，煮得夠稔同入味，配飯最啱。   其他熱葷有泰式臘腸炒菜、泰式豬手、黃金鍋巴、泰式咖哩魚、泰式焗蠔、香茅羊排骨、泰式蒸烏頭以及泰式酸辣排骨。   真心推薦羊排骨，陣陣油香而不過火，咬開不費勁，好味。   湯 中湯是好有家庭湯水feel的雪耳豬肉湯；而西湯就是切合主題的冬陰功。   前菜 有櫻花蝦豆腐、溫泉蛋黑松露蜜糖伴芝士及水晶餚肉。   沙律 想健康，食沙律是不二之選。 陣容好強，有法式芥末籽薯仔沙律、青木瓜粉絲沙律、泰式免治豬肉沙律、香茅蝦沙律、泰式燒豬頸肉沙律、泰式去骨鳳爪沙律同埋DIY沙律。   芝士及Cold Cut 有金文畢芝士、高達硬芝士、車打芝士以及藍芝士。   另有開心果凍肉 、莎樂美腸及煙三文魚。 甜品 先係有迷你哈根大師雪糕，仲要有六種口味，分別是Matcha Green Tea、 Caramel Biscuit & Cream、 Macadamia Nut 、Strawberries & Cream、 Belgian Chocolate 以及 Red Velvet Cheesecake，想食幾多杯都得。   香茅芝士餅、泰式奶茶慕絲蛋糕、班蘭蛋糕、芒果椰子撻、泰式蒸香蕉糕、D24榴槤薄餅、心太軟花花曲奇、炸榴槤波波、荔枝啫哩、菠蘿奶凍、肉桂木薯布甸、蘭香子芒果杯及椰汁西米糕。  心太軟最啱配杯雪糕，冷熱夾雜，一流。   喜歡榴槤的，當然要食炸榴槤同榴槤薄餅。   食到最後，食水果清清味蕾吧！有火龍果、西瓜、蜜瓜及哈密瓜。 食完仲有靚靚手功袋送比客人，仲要每個都不同花紋。 Facebook 專頁 : The Haven 地址 : 尖沙咀梳士巴利道41號香港基督教青年會南座4樓   電話 : 2268 7818   味道 : 4  環境 : 4  服務 : 5  衛生 : 5  抵食 : 5  位置 : 5   IG : foodiephilip   小紅書 : 美食焚化爐   希望各位喜歡這篇文章的朋友，請在我的專頁上剔'LIKE'，當作小小的鼓勵吧!謝謝!   http://www.facebook.com/foodiephilip #尖沙咀 #酒店 #自助餐 #酒店餐廳 #美食焚化爐 #The Haven #再臨閣 #BUFFET (此文章由U Blog 同步發佈至社群)

A美食焚化爐

泰國菜

再臨閣

今次實在“泰滋味” @ 再臨閣 ( 尖沙咀香港基督教青年會 )

其實香港都有好多人鍾意去泰國玩，甚至置業，身邊都有不少泰國通，有時間真係想跟佢地去泰國玩返轉。 講返食物，就更加吸引，屋企樓下有間泰國菜館，不知不覺，都幫趁了超過20年，每晚依依人頭湧湧。 太太就好鍾意食泰式咖喱，用作拌飯真係可以食多幾啖。 近日尖沙咀YMCA再臨閣正正推出“泰滋味”主題，並邀請了來自榮獲蘇梅島《米芝蓮指南2023》中第一間米芝蓮推薦餐廳 Kapi Sator 的泰國總廚 Dumsimai Puangthip， 聯成港青酒店，打造了充滿泰式風味的自助餐。 供應時間為晚上6時15分至9時30分 星期一至四成人每位$668 / 小童每位$448 星期五至日及公眾假期成人每位$768 / 小童每位$528 （小童適用於三歲至11歲） 再臨閣有一個特點，就是所有座位都能夠望見街景。 海鮮 自助餐必有的一定係海鮮，雖然再臨閣並非城中名氣店，但海鮮陣容是出奇地多。 波士頓龍蝦及琵琶蝦當然係任食，而且好多膏，我鍾意。 另一種勁多膏係咖啡蟹。 另外有長腳蟹爪、龍蝦鉗、小龍蝦、海蝦、青口以及砂白，足足有有9款海鮮，仲要每日供應，都係一個上佳回本位。 湯 既然以泰菜作主打，當然有蘇梅島馳名冬陰功湯，辣辣地又滿滿的海鮮味，原隻大蝦夠爽彈。 至於基本中湯係蓮藕排骨湯，很家常湯水感覺，而西湯是意式海鮮湯同樣都幾受歡迎。 沙律 好幾款具泰或風味的沙律都好啱自己胃口。 在泰式燒豬頸肉沙律、青木瓜沙律 、 泰式去骨鳳爪沙律以及泰式魚乾西瓜沙律中，最喜歡惹味的豬頸肉及酸酸辣辣的鳳爪。 前菜 有泰式油甘沙律 、泰式免治豬肉沙律、櫻花蝦豆腐及水晶餚肉。 Cold Cut 及芝士 有無骨黑椒豬柳 、莎樂美腸及煙三文魚。 芝士盤上有藍芝士 、金文筆芝士、高達硬芝士、車打芝士及黑松露蜜糖半芝士。 壽司 大可試試即製的壽司蝦片。 當然仲有雜錦壽司。 刺身 種類反而不多，有鯛魚、三文魚、八爪魚及希靈魚。 熱葷 泰式焗蠔 多了一份香草的氣味，質感creamy。 泰式鹹蛋黃炒鮮魷 鮮魷帶有豐腴的口感，尤其是沾上了鹹蛋漿，用來佐酒一流。 泰式海南雞飯 雞肉好嫩滑，雞油飯亦粒顆分明，配以黑醬油，更覺美味。 泰式蒸魚 多了些少辛辣的味道，魚是用上比目魚，肥大肉厚，又少碎骨，令人食得安心。 火山排骨 賣相又幾澎湃，食落炆得比預期軟稔，骨膜位尤其香口。 加上泰式炒菜、黃咖哩海鮮、慢煮豬腩肉、炸薯絲蝦卷及燒新薯。 鐵板燒 鐵板燒老虎蝦 比起上次質素是好得多了，蝦肉好爽彈，又入味，蝦殼脆卜卜。 兩款肉類分別是香茅羊T骨及燒美國肋骨牛肉，牛肉中間呈嫣紅色，帶小小血絲，火喉控制得不錯。 慢煮鮑魚 好有日式氛圍，醬油夠入味，鮑魚煙煙韌韌，不錯。 甜品 哈根大師雪糕 Strawberries & Cream、Match Green Tea、Pierre Herme Macaron Strawberry ＆ Raspberry、Pierre Herme Macaron Double Chocolate Ganache、Caramel Biscuit & Cream 以及 Cookies ＆ Cream。 當中尤以兩款聯乘品牌的口味最吸引。 其他甜品有炸榴槤波波、泰式千層糕、芒果鴛鴦糯米飯 、心太軟、椰香爽馬蹄肉以及好少機會食到既香蕉煎餅。 而迷你版有椰子果凍、泰辣馬卡龍 、糯米糍、蝶豆花奶凍以及西米香芒荔枝啫哩。 幾款蛋糕都做得精美，班蘭芒果卷、香辣戚風蛋糕、香茅芝士餅和泰式香橙慕絲餅都有試過，以辣辣地戚風蛋糕最有特色。 今個母親節如果諗唔到去邊慶祝，再臨閣都是一個好選擇。  酒店專頁 : YMCA 地址 : 尖沙咀梳士巴利道41號香港基督教青年會南座4樓   電話 : 2268 7818   味道 : 4  環境 : 4  服務 : 5  衛生 : 5  抵食 : 5  位置 : 5   IG : foodiephilip   小紅書 : 美食焚化爐   希望各位喜歡這篇文章的朋友，請在我的專頁上剔'LIKE'，當作小小的鼓勵吧!謝謝!   http://www.facebook.com/foodiephilip #尖沙咀 #YMCA #自助餐 #美食焚化爐 (此文章由U Blog 同步發佈至社群)

Seather

擦餐勁

再臨閣

港青酒店 再臨閣泰國自助餐🦞🎉

近排去咗尖沙咀嘅港青酒店 YMCA再臨閣食自助餐🍽️ 最近餐廳以泰國美食為主題🇹🇭 有大大隻嘅龍蝦🦞仲有好多泰國嘅美食 好似榴槤pancake､芒果糯米飯､火焰排骨等等 而且仲有勁多款Häagen-Dazs雪糕口味可以揀🍨 食到一半,仲有職員表演🎤 其他侍應廚師聽到都開始翩翩起舞💃🕺 成個場好歡樂😆 依家KKday做緊優惠,買二送二 人均四百幾蚊自助晚餐 好抵食🤭 有興趣可以參考下面連結 👉🏻https://www.kkday.com/zh-hk/product/137849?cid=21773 #kkday#foodie#吃貨#吃貨人生#吃吃吃#吃#自助餐#任食#抵食#任飲任食#優惠#買二送二#限時優惠#折扣#一家大細#泰國美食#泰國#米芝蓮#尖沙咀#尖沙咀美食