肉肉大米葵芳新都會廣場新店限時免費派1KG米！即睇詳情

copperlui

擦餐勁

肉肉大米（葵芳店）

肉肉大米漢堡🍔！葵芳美食探店😋！

葵芳美食小探索|肉肉大米漢堡必試!無限西蘭花+無限添湯飯,排隊都值得!🍔🍚🥦 老老實實,呢間餐廳經過幾次都無食,見到個名好有趣,叫肉肉大米!佢呢到一係就多人排隊,一係就唔算個個都有mood,但今日終於有啱feel~就算見到有啲人龍都一於排!畢竟諗住咁多人排一定有料!幸好我哋排左一陣就入到坐｡ 座位清一色都係bar枱位,不過枱底櫈底有勾掛袋,都算唔迫,環境又夠乾淨~一坐低,店員就好快介紹晒各種醬汁同點order,簡直熟到一字不漏,專業力爆棚😂 我地叫左兩個set,一個經典漢堡餐+芝士漢堡餐,另一個就三個味一齊試埋(經典､芝士､南洋青咖哩),全方位攻陷! 最爆點要數佢自助湯🍲同白飯🍚任裝,西蘭花🥦仲可以無限refill,堅貼心~出菜節奏會由原味開始,之後芝士,最後咖喱,層次感十足!芝士真係啫嫲多,除左有塊芝士舖面,仲加芝士碎,再厚一倍🧀,芝士控一定like爆! 我地坐得近,可以清楚望到用新鮮肉即做漢堡,鐵板上枱都要自己睇火侯,唔想過熟變硬就要把握時機!咖喱味真係好夠哂濃,每一啖都夠晒味,醬汁多到自己加哂唔同層次,磨芝士山果陣職員仲好細心提醒你要影相就快啲拎手機🤭📱,好貼心! 食到尾得返啲西蘭花都拎黎煎香點汁送飯,咩都唔剩,真係認真好食!!!未食過嘅朋友真心推薦你哋試下,想試嘅話記得要早啲去排隊! 📍 地址:新界葵芳興芳路223號新都會廣場1樓108號舖 ⏰ 營業時間:星期一至星期日 11:30-22:00 🍔 肉肉大米 (Rice Meets Meat) #100個港人推介親子好去處#我的打卡地圖#葵芳#新都會廣場#肉肉大米#UCreator#ucreatorhk#lifestyle#hongkonger#copperlui

waiwaitse

日式料理

肉肉大米（葵芳店）

肉肉大米正式登陸，葵芳新都會廣場

由日本餐飲企業經營的日式漢堡排專門店｢肉肉大米｣香港三號店正式登陸葵芳新都會廣場🤩 餐廳採用日本產食材､漢堡排選用九州黑毛和牛與美國牛肉混製現烤,每日現磨日本東北｢虹煌米｣及日本新鮮雞蛋🥚 我一如既往必選三塊漢堡扒套餐(大食的me🤓)咁就可以一次過滿足晒三個願望😎每個套餐都係白飯同湯任食🙂‍↕️ 🔹原味漢堡 職員烤到兩邊焦香,肉裡充滿肉汁!我最愛加入溫泉蛋拌飯食! 🔹芝士漢堡 漢堡上有層芝士🧀之後職員會現場再刨大量芝士!半溶狀態的芝士仲會拉絲添~而芝士同漢堡扒係最佳組合🤤 🔹期間限定牛油果漢堡 加入忌廉及燒汁,再配上牛油果🥑煮滾醬汁後更可食用😋 📍肉肉大米 @nikuniku_oh_kome.hk 地址: 香港葵芳興芳路223號新都會廣場2樓272-274號舖 #日本菜#日本餐廳#網紅餐廳#打卡餐廳#肉肉大米#漢堡排#lunch#dinner#日本和牛#葵芳#葵芳新都會 #新都會廣場 #葵芳美食 #日本菜#請您食月餅#ucreator

香港HK大口妹日常

日式料理

肉肉大米（葵芳店）

🥩一人一鐵板燒漢堡扒任裝飯湯

#大口妹美食分享 ⭕️肉肉大米⭕️ 📍地址: 香港葵芳興芳路223號新都會廣場2樓272-274號舖 🥹喺葵芳附近返工嘅時候,發現葵芳新都會一樓有間叫｢肉肉大米｣嘅日式漢堡肉飯店,平時想食啲快靚正嘢,就同同事一齊入去試下｡佢哋主打嘅係九州黑毛和牛混合美國牛肉嘅漢堡扒,用日本東北嘅虹煌米,仲可以無限添飯添湯添菜,一定食到飽｡ 😝我哋嗌咗個好豐富嘅三件漢堡排套餐,三款漢堡扒各有特色:第一件係原味牛漢堡,牛味濃郁;第二件係加咗芝士嘅牛漢堡,芝士香滑令口感更豐富;第三件係加入咗青咖喱煮嘅牛漢堡,帶啲微辣同香料味,好有驚喜!全部漢堡扒喺顧客面前即煎,個人座位煎法好方便,又有得揀熟度,好新鮮｡套餐入面嘅湯底清甜鮮味,配埋無限量嘅白飯同小菜,份量夠曬飽,價錢都唔貴,最貴140蚊左右,最平連$100都唔駛,真係平到笑! 😌而且環境舒適,服務同氣氛都唔錯,啱啱好午餐時光一於嚟食返餐日式風味嘅漢堡肉飯,值得推介俾成班附近返工或者附近住嘅朋友試下! ========================== 3件漢堡排套餐 青咖喱(微辣)+原味+芝士 $280.0 另加一服務費 ==$308/2人,人均$154 ｡ ｡ 🔎Follow肉肉大米IG : @nikuniku_oh_kome.hk ｡ ｡ #肉肉大米#日式漢堡排#漢堡排套餐#虹煌米#現煎漢堡#葵芳美食#新都會美食#午餐好選擇#飽足感#高性價比#九州和牛#青咖喱漢堡#芝士漢堡#無限添飯添湯#香港午餐 #香港美食#香港探店#香港必食餐廳#漢堡排推介