Threads爆紅日本闊烏冬！本地超市有得賣？網民揚言必定回購：同平時食嘅完全唔同！
安坐家中都食到日本闊烏冬？近期一款日本直送的闊烏冬在網上爆紅，原來是來自百年歷史的五代目 花山烏冬麵的奪冠之作「鬼ひも川」烏冬闊麵。這款闊烏冬甚有嚼勁，煙韌彈牙，無論凍食熱食均可，大部分網友建議配搭沾麵汁或者麻醬食用。
網上爆紅獲獎日本烏冬闊麵
日本百年老店「五代目 花山烏龍麵」的招牌5cm寬闊烏冬「鬼ひも川」連續三年勇奪「烏龍麵天下第一決定戰」的冠軍，現時無需飛日本，留在香港一樣食到這份美味。近期有多位網民發文分享，指在本地AEON超市發現這款「鬼ひも川」烏冬，每包售價約$23.9，份量足夠兩人食用。
亦有網民在Facebook群組「AEON Stores 關注組」分享在東京時曾品嚐過這款烏冬，一難試忘，如今能輕鬆在香港買到，直呼「唔使叫人幫我買返嚟啦！」
記者翻查花山烏龍麵官網，發現一包200克的「鬼ひも川」售價為¥378，即約20港元。在AEON購買亦只需要$23.9，十分抵買！
闊烏冬有咬口廣受好評
這款闊烏冬最大的賣點在於其煙韌彈牙的口感，美食博主「圓碌碌 Circle」直言「同你平時一般食嗰種完全唔同。」提提大家，這款烏冬在烹調時相當要多花些心機，水滾後要逐片逐片落去，並不時攪拌，麵條才不會黏住。
另外，煮麵時間亦更耗時，需要約10分鐘，博主建議「想再煙靭啲嘅可以過冷河。」博主大讚「脆友無介紹錯 一定會回購！」
冷熱皆宜 湯底醬汁自由配搭
這款「鬼ひも川」烏冬不含醬汁包，大家可以自由配搭不同的湯底或醬汁，創造出個人化的風味。有網友建議，喜歡清爽口味的可以選擇日式麻醬或自製沾麵汁作凍食，而喜歡熱食的則可用鰹魚湯底，簡單搭配已非常美味。
根據網友報料，主要在康怡廣場﹑黃埔﹑MegaBox及將軍澳廣場的AEON有售。
來源：AEON Stores 關注組﹑圓碌碌 Circle@U Community﹑花山烏冬麵
港生活人氣本地熱話
【酒店試住員企劃】請您去Staycation + 歎雙人High Tea🎁！
↓【限時搶⚡】Yuskin悠斯晶紫蘇精華系列↓
↓紫蘇精華全效防曬乳｜紫蘇全效保濕煥膚修護面膜↓
假日好去處