萬聖節2025│海洋公園哈囉喂2025搶先睇！6大恐佈鬼屋／韓星爆肌OPPA勁爆熱舞
海洋公園哈囉喂2025開鑼！今年海洋公園將以「抽盲盒」為主題，抽中命定隱藏版永遠被困，並設有6大鬼屋包括「怨靈盲盒」、「港詭奇案」、「H25．慄」、「詭宅獻祭」、「喰人之森」、「噬魂墓地」，誓要將大家嚇到腳震！即睇詳情玩轉港式哈囉喂！
海洋公園哈囉喂2025開鑼
「海洋公園哈囉喂全園祭2025」由9月6日至11月2日登場！六大驚嚇體驗等你開箱，鬼屋其中有三間位於海濱樂園，包括以離奇詭異的玩具世界作概念的「怨靈盲盒」、以追查血腥命案為目標的「港詭奇案」及 挑戰人類極限的瘋狂實驗「「H25．慄」。至於位於高峰樂園的另外3個鬼屋，分別是邪教審判定生死的「詭宅獻祭」、逃離陰森食人族的「喰人之森」及 哭泣女鬼守候鬼門關的「噬魂墓地」。鬼屋將在9月6號打開鬼門閞，立即睇下門票優惠詳情！
U Community送海洋公園門票！ 【請您去】「哈囉喂全園祭2025」
即刻去片睇現場實況
海濱樂園鬼屋1：怨靈盲盒(驚嚇指數5星+)
曾經風靡一時的盲盒玩具與恐怖殺人事件有關，因不明原因而被突然停產。這個被詛咒的玩具今季重新上市，歡迎各位狂粉前來朝聖！進入店前先抽一份盲盒，隨即啟程進入離奇詭異的玩具世界，越走越陰森…… 染血眼球、牙齒和人體殘肢遍佈盲盒製作工房，記得睇實你的手手腳腳，否則隨時被怨靈附身的公仔捉走！
海濱樂園鬼屋2：港詭奇案(驚嚇指數5星)
多宗香港奇案表面看似塵埃落定，誰料在城中一角的神秘結界中，竟然可以重返案件現場，莫非一切另有內情？癲狂神探自命破案高手，帶你穿梭雨天連環殺手、屋邨情殺等命案，抽絲剝繭揭開血腥真相。
海濱樂園鬼屋3：H25．慄(驚嚇指數4星)
一班瘋狂的科學家想測試人類的膽量極限，被選中的你能否通過連串極度驚嚇實驗？你必須在限定時間內進入多間恐懼之室，衝破心理關口，挑戰並克服一系列人類官能極限的任務，毛骨悚然的恐怖體驗會逐步升級，人人嚇到心跳狂飆！
高峰樂園鬼屋4：詭宅獻祭(驚嚇指數5星+)
潛藏已久的邪教組織突然冒起，大祭司決定在一座荒廢古宅招攬新教徒，進行禁忌血祭。在儀式之中，記得抽出通靈卡牌，它將揭示你的最終命運！你會逐一走入奉獻房間，輪流接受女巫和祭司的審判，一試定你生死命數！如你抽中當日指定卡牌，即有機會免費進行占卜，改變命運的機會就在眼前！
高峰樂園鬼屋5：喰人之森(驚嚇指數4星)
陰森叢林住有從未被外界發現的食人族，一旦誤闖只怕有去無回頭！緊隨探險隊直入森林深處，當見到詭異的部落圖騰、神秘的面譜，即代表你已走進食人族的範圍！四周遍佈不知名的肉塊和骸骨，早已預示入侵者的下場。
高峰樂園鬼屋6：噬魂墓地(驚嚇指數4星)
歡迎參加亡靈節，一個本為迎接逝者靈魂歸家的節日，一不小心，竟然被扯入恐怖的怨靈空間！在與世隔絕的地下墓穴，骷髏頭骨堆積如山，無親無故的孤魂野鬼早就匿藏其中，靜待時機破墓而出， 誓要將活人拉進地獄，沿途你可能會遇見傳說中會為人帶來不幸的哭泣女鬼，是福是禍由你揭曉。
華麗地獄OPPA Show
上年吸血鬼Oppa焫㷫全場，今個哈囉喂延續狂野韓風，陰間爆紅的「華麗地獄OPPA Show」於海洋公園魅惑上演！全員C位的惡魔天團 – NAMJA6남자集結一眾魔鬼男神，以邪魅恐怖造型強勢登場，將在場人的魂魄統統攝走！想近距離欣賞各位型男Oppa的演出，記得早啲搶先排頭位！
地點：高峰樂園廣場（高峰樂園）
日期：2025年10月10-12日、17-19日、24-26日、29日、31日及11月1-2日
時間：下午6:45、下午7:45、下午8:45、下午9:45
羅蘭姐見面會
每逢萬聖節「龍婆」都一定人氣爆燈！來到海洋公園哈囉喂，點少得「靈魂人物」羅蘭姐呢！海洋公園今年就安排了特別節目，再次邀請到羅蘭姐在海洋公園同大家見面！屆時可以入場拜見全城最愛的「龍婆」，齊齊開心打卡合照！
▼重溫羅蘭姐海洋公園哈囉喂驚嚇造型▼
羅蘭姐見面會詳情
日期：2025年10月10日（星期五）
時間：下午5:45及晚上6:45（共2節︱每節30分鐘）
地點：潮玩盲盒站（海濱樂園）
海洋公園哈囉喂2025詳情
日期：9月6日至11月2日
時間：上午10:00至下午7:00
日連夜驚嚇體驗
日期：2025年10月10至12日、17至19日、24至26日、29日、31日及11月1-2日
時間：上午10:00至下午11:00
怨靈盲盒、詭宅獻祭、喰人之森、港詭奇案、噬魂墓地、H25．慄
- 非高峰日子｜港幣$238 (適用於2025年10月10-12、17-19日）
- 高峰日子｜港幣$280 (適用於2025年10月24-26、29、31日及11月1-2日）
- 非高峰日子 港幣$238 (適用於2025年10月10-12、17-19日）
- 高峰日子 港幣$280 (適用於2025年10月24-26、29、31日及11月1-2日）
<< 提醒大家，購買前留意購平台的使用條款及細則，一切以訂購平台公佈的價錢為準。數量有限，售完即止；所有優惠細則更新至文章發佈日期，訂購平台保留更改優惠權利，U Lifestyle 概不負責。>>
活動資訊
- 地點
-
打卡熱點
香港海洋公園
海洋公園哈囉喂全園祭！一次睇哂6間鬼屋👻
第一次去哈囉喂可以玩齊6間鬼屋👻 Overall覺得今年幾好玩! 第一日入去咁啱仲見到羅蘭姐👏🏻 因為我入鬼屋算係冷靜, 我唔會覺得好恐怖, 入鬼屋通常會欣賞埋啲鬼嘅化妝同埋佢啲佈置 都係畀同行嘅人嚇親多d😆 所以下面鬼屋淨係用好玩指數表示😬 另外仲有周邊嘅show都好好睇, 有oppa猛男show,係真oppa! 仲有觀眾上台互動自拍環節,吸引咗好多唔同國籍嘅觀眾,個個都好興奮🤣 然後亂入咗亡靈狂歡慶典,同啲鬼一齊跳舞玩好好氣氛😆 溫馨提示:早啲入場有着數,除咗因為盡量玩得晒咁多間,係因為如果冇見過嗰兩隻熊貓寶寶🐼可以順便入埋去睇,開到430pm,鬼屋5點開波啱啱好! 另外建議盲盒鬼屋可以放後面玩,估計後面玩似會易d中盲盒同埋中咗盒都唔洗拎住咁耐👍🏻 鬼屋試玩報告: 1️⃣ H25·慄 好玩度:👻👻👻👻👻 有任務做唔係淨係嚇你 任務設計感好強,環境道具都好逼真, 架lift好震唔知佢點整出嚟, 視覺嗅覺感官都好有衝擊🐛🫨 要做唔同任務過關,會有計時倒數, 提醒最好帶定濕紙巾入去🫣 呢個排隊都值得玩👍🏻 2️⃣ 怨靈盲盒 好玩度:👻👻👻👻👻 入去前見到啲人好驚咁行出嚟 但入到去又好似唔係好驚🤔 因為好多顏色好繽紛仲有大量公仔同大盲盒, 一入去就有得抽盲盒, 7格有兩格中 我就中咗……🙈(見尾2條片) 拎到盲盒禮物嘅人,只能講個禮物好有驚喜🎃VOODOOBOOOO! 3️⃣ 詭宅獻祭 好玩度:👻👻👻👻 一開始喺round table好有儀式感 每個人會派張命運牌, 令人幾期待會發生咩事 幾有互動性,張卡又有得拎走 出返嚟之後仲有後績 拎住同顯示喺牆上隻牌一樣嘅人 會另外再多樣嘢拎走😆 4️⃣ 港詭奇案 好玩度:👻👻👻👻 以香港真實奇案為題嘅鬼屋(雨夜屠夫､人肉叉燒包､Hello Kitty藏屍案等) 真心欣賞啲staff去扮佢地! 啲案發現場都set得好靚, 可惜嘅係行得太快又驚欣賞唔切! 5️⃣ 喰人之森 好玩度:👻👻👻 有風吹､藤蔓､霧氣去增加叢林恐怖感｡ 好玩嘅係要行下獨木橋,又被迫穿過蛇叢林｡ 食人族會突然jumpscared去嚇人💀 腳下又有草藤去撩下你 又會驚一驚😂 Overall係好玩嘅 6️⃣ 噬魂墓地 好玩度:👻👻👻 一開始會安排一個人要拎花圈入去 都係普通鬼屋style,有啲估到邊個位會有嘢出嚟 印象最深刻都係水中女人 經過記得合埋口,如果唔係會飲哂佢啲水🙈 連夜驚嚇體驗: 2025/10/10-12,17-19,24-26､29､31､11/1-2 Mark低日子入去哈囉喂喇! 想好似我一樣有周圍試玩､試食､試用新品機會? 加入 @ucommunity.hk 成為 #UCreatorhk,出POST有錢賺! #ucreator#ULifestyleApp#UCommunity #UCommunity社群#UCreatorHK#海洋公園 #海洋公園哈囉喂#哈囉喂全園祭2025#頑魂#OceanPark#OceanParkHalloweenFest #ophalloweenfest2025
閱讀更多
-
節日限定
海洋公園哈囉喂全園祭2025
海洋公園哈囉喂👻！鬼屋攻略分享！必玩！🔥
2025海洋公園哈囉喂鬼屋個人感受分享✨ 今年總共有六間鬼屋 每間鬼屋各有特色 氛圍感做得好好 扮鬼嘅工作人員好入戲!啲裝飾都好靚 我個人比較推介山下個三間鬼屋!👻 記得要上山睇oppa show 😳🤣 同埋玩過山車🎢 夜晚接近唔使排隊就可以玩過山車勁正! 👻怨靈盲盒(山下) 必玩指數評分⭐️⭐️⭐️⭐️⭐️ 最近門口嘅鬼屋 所以我第一個玩嘅係佢😆 一開始好歡樂嘅鬼屋 仲有盲盒禮物送!! 入面有大量公仔同大盲盒 越走越陰森 去到後邊有幾個驚嚇位 我行到有少少出手汗haha 唔可以太鬆懈🤣 整體幾好推介大家玩 WOODOOBOO! 👻港詭奇案(山下) 必玩指數評分⭐️⭐️⭐️⭐️⭐️✨ 我個人覺得呢個係最恐怖嘅 可能因為知道係曾經嘅真人真事🤣 佢以多宗香港奇案為主題 好多情節都還原得好好!一開始升降機嗰part令人難忘~ 我哋行最頭 中間某個位嚇一嚇停咗幾秒唔想行🤣 唔劇透太多 我覺得呢個鬼屋一定要玩! 👻喰人之森(山上) 必玩指數評分⭐️⭐️⭐️✨ 以食人族做主題 蛇個part幾特別! 個人覺得唔算太過恐怖 如果唔使排隊可以一試! 👻詭宅獻祭(山上) 必玩指數評分⭐️⭐️⭐️⭐️ 主題都幾特別一入去就會每人抽一張牌 如果抽中指定卡牌 最尾仲可以免費進行占卜🔮 同埋張牌會送俾你做留念🤣 👻H25(山下) 必玩指數評分⭐️⭐️⭐️⭐️⭐️ 唔係平時傳統嘅鬼屋 感覺上有少少似玩密室逃脫/做任務之類咁 個人覺得都幾好玩! 一入去就要講口號非常洗腦🤣 到而家都仲記得個口號lol 互動感幾強 不過真係有少少核突 同埋隻手會濕晒😂 要有心理準備 我哋玩完即刻衝咗去廁所洗手 👻噬魂墓地(山下) 必玩指數評分⭐️⭐️⭐️ 以亡靈節為主題 一入去就令我諗起套電影｢玩轉極樂園｣ 個人覺得係最唔驚嘅一個鬼屋🤣 不過入邊裝飾係幾靚! (利申平時唔係好驚行鬼屋) 除咗鬼屋之外 仲有十大嘩鬼匯演 亡靈節體驗 搞鬼打卡位等等 仲有華麗地獄OPPA Show真係好吸睛🤣下午6:45､下午7:45､下午8:45､下午9:45都有埸❤️🔥 有興趣嘅朋友快啲一齊去海洋公園哈囉喂啦😆👻✨🫶🏻🐼 六大鬼屋開放時間:下午5:00至 下午11:00 十大嘩鬼匯演時間及詳情:https://ulapp.hk/8bijk 日連夜驚嚇體驗: 2025/10/10-12,17-19,24-26､29､31､11/1-2 Mark低日子同朋友去哈囉喂!🎃👻 如果你都想有周圍試玩､試食､試用新品嘅機會?快啲一齊加入 @ucommunity.hk 成為 #UCreatorhk🫶🏻出POST仲有錢賺! #ULifestyleApp#UCommunity#UCommunity社群#UCreatorHK#海洋公園#海洋公園哈囉喂#哈囉喂全園祭2025#頑魂#OceanPark#OceanParkHalloweenFest#ophalloweenfest2025#OPHalloweenFest2025 #節日推介#UCreator#假期推介#鬼屋#萬聖節#我想試下整甜品
閱讀更多
-
打卡熱點
香港海洋公園
海洋公園哈囉喂今年有驚喜！
今年海洋公園鬼屋除左玩,仲可以拎走紀念品! 一入園會見到｢AEON 信用卡呈獻:怨靈盲盒｣! 極度推薦好玩度有五星!驚嚇尚可｡ 入面場景不算太暗,看似是有好多公仔的恐怖工場,仲有機會抽中盲盒公仔!大人會覺得好玩又有趣,相信小朋友會比較害怕這個鬼屋｡ 旁邊第二個由｢九龍醺店呈獻:港詭奇案｣, 主打重返香港現場拆解案情,凶殺案主題, 個人覺得四星左右,多經典香港場景｡ ｢H25.慄｣實驗室主打挑戰官能極限! 如果怕昆蟲液態的朋友這個絕對讓你抓狂! 小朋友玩的話,最好有家長陪同進場｡ 驚嚇程度五星+ 山上第一間熱門鬼屋｢Trip.com呈獻:詭宅獻祭｣,每人會獲得一張神秘卡牌,而最後卡牌有機會決定你是否天選之人!能體驗免費占卜!我抽中命運之輪的卡做紀念品~好玩度有五星!驚嚇度四星｡ 來到｢喰人之森｣的路上都是食人族,一不留神隨時被嚇!不過在外面已經嚇破膽了,驚嚇度三星｡ 最後藏有｢噬魂墓地｣覺得越走越陰森,演員讓你投入度很高,最後一間鬼屋驚嚇度四星｡ 出來後一心是要參加｢亡靈狂歡慶典｣, 最受歡迎也是最有氣氛的嘩鬼派對! 園內不同地方上演的十大嘩鬼匯演, 而看不到的OPPA SHOW就等大家去入園欣賞了! 日連夜驚嚇體驗: 2025/10/10-12,17-19,24-26､29､31､11/1-2 Mark低日子入去哈囉喂了! 想好似我一樣有周圍試玩､試食､試用新品機會? 加入 @ucommunity.hk 成為 #UCreatorhk, 出POST有錢賺! #海洋公園哈囉喂#海洋公園#ulifestyleapp#ulifestyle#ucommunity#ucommunity社群#oceanpark#哈囉喂全園祭2025#好去處#全新景點
閱讀更多
港生活人氣好去處
【影迷盛事🏆】U Community 社群 請您睇第44屆金像獎提名電影！
【🎁免費送】U Community社群送您疤痕敵除疤啫喱100盒！
假日好去處