香港假日好去處2025|9個朋友聚會好去處 劇本殺/野餐/露營地點推介

文: a.Ki
3小時前

同一班老best聚會次次約親都係食飯,難得外出活動又淨係諗到去party room同BBQ,咁您就要望入嚟!香港有好多唔同室內同室外嘅玩樂景點,可以同朋友製造更多美好回憶!今日小編就整合咗一系列「香港玩樂好去處懶人包」,全部都係社群U Creator實測有趣好玩嘅活動,即刻save低一齊睇落去啦!

➤立即下載U Lifestyle App
➤詳情懶人包


假日好去處2025|室外好去處

假日好去處2025|室外好去處|1. 長洲一日遊

長洲係其中一個香港人經常去Team building嘅離島。呢個小島集齊海灘、美食、單車、文化體驗、探險、行山等多種活動於一身,最適合一大班朋友成群結隊去玩!可以朝早到埗就租架單車環島遊一圈,再搵間餐廳坐低補充能量,然後繼續掃街或者去海灘玩,同老best留低一系列歡樂嘅回憶!

> “女生暢游天下” 分享長洲一日遊路線攻略<

 

 


假日好去處2025|室外好去處|2. 西九文化區野餐

想同朋友留喺市區輕便咁玩,唔想太多運動量,野餐都係一個好選擇。西九文化區藝術公園前嘅大草坪絕對係一個最理想嘅野餐場地。唔單止有一大片寬敞區域,仲可以正面對住維港海景,感受香港最引以為傲嘅景緻。鋪上野餐墊,再喺cafe附近小攤租埋露營櫈,同朋友海邊閒聊,實在太chill~

> “Creamyball & Pancake” 帶主人同契媽們chill住去海邊野餐<

 

 

如果您係想再chill啲嘅P人,都可以咩都唔準備,淨係帶個人去野餐!社群U Creator就建議可以去油麻地探店再買定啲法包同零食,再搭巴士到西九文化區附近,省時又省力~

> “mayannetravellife” 分享油麻地野餐美食及交通懶人包<

地址:九龍西九文化區博物館道18號

 

 


假日好去處2025|室外好去處|3. 豪華露營

日常生活太繁忙且節奏急促,不如趁假期同friend夾個時間去Glamping抖下氣,感受難得慢活療癒嘅時光!打鼓嶺呢個以太空為主題嘅 Park Nature Hillside正正可以令您短暫放空,專注於眼前大自然風景。營地有煤氣供提供,可以提前買定公仔麵等糧食去營地自己煮,輕鬆同難得一見嘅好友度過兩日一夜美好時光!

地址:香港新界打鼓嶺北香園圍蓮麻坑路173號

> “DollyLing” 帶您去打鼓嶺Glamping<

 

 


假日好去處2025|室外好去處|4. 下白泥

最青春熱血嘅活動莫過於同成班朋友一齊行山睇日落!元朗下白泥有「香港最美日落」之稱,運氣好仲可以睇到天空之鏡,打卡太陽倒映於泥灘嘅絕美時刻!除咗去泥灘觀賞日落之外,另一端為蠔田,可以食到著名嘅流浮山生蠔!而且下白泥入面嘅白泥部落仲可以Glamping,同時滿足您兩個願望!

💡日落小貼士:想打卡天空之鏡,記得睇定天文台預測日落時間,預早1-2小時到達!

地址:新界西北元朗流浮山

> “Mani MY” 分享下白泥交通路線及攻略<

 

 


假日好去處2025|室內好去處

假日好去處2025|室內好去處|5. BUN’S 2020滾軸溜冰

想留喺有冷氣嘅地方玩,香港都有唔少室內活動係可以一班人咁玩!呢間復古風室內滾軸溜冰場「BUN’S 2020」為全港最大室內滾軸溜冰場,喺鰂魚涌同荔枝角都有分店。而且懷舊風霓虹燈裝置正正滿足一眾GenZ嘅喜好,又可以打卡又可以踩roller,十分青春!

地址:鰂魚涌柯達大廈一座7樓
荔枝角長義街9號D2 Placeone5樓A室
官網查閱價目表及預訂須知

 

 


假日好去處2025|室內好去處|6. LOST密室逃脫

身邊總會有個成日好想玩密室逃脫嘅朋友!不妨帶佢哋去LOST HK,挑戰刺激又需要智力解謎嘅密室逃脫遊戲!LOST HK有多間分店,裡面有多種創新且唔同難易程度嘅體驗遊戲,線索機關設計精密有巧思,新手老手都啱玩!約埋你班鍾意玩燒腦game嘅朋友一齊組團去挑機啦!

> “Yinsharing” 分享LOST密室逃脫精彩體驗<

地址:不同分店詳情查閱官網

 

 


假日好去處2025|室內好去處|7. EventFun Co-space「XR遊戲」

AR、VR、MR大家就聽過,原來香港仲可以玩到「XR體驗遊戲(Extented Reality)」!葵涌呢間EventFun Co-space係亞洲首個XR共享空間,佔地4,300呎,有9款遊戲俾您盡情玩:殭屍射擊、閃避球MR、烹飪遊戲、Boardgame,適合好友聚會同時,搞party同生日會都好適合!

> “LoveCath夏沫” 影片開箱亞洲首個XR共享空間有咩玩<

地址:香港葵涌嘉慶路5-9號嘉慶中心18樓

 

 


假日好去處2025|室內好去處|8. 啟德JOYPOLIS SPORTS

日本最大室內遊樂園JOYPOLIS喺香港開設首家海外旗艦店,高達5層,分別設有3大主題區:忍者道場、超音鼠競技場及未來運動館,有超過20款刺激的遊樂項目。當中3/F「未來運動館」就最適合一班朋友組團去玩,有多款創新互動體驗遊戲,MR動感競技場、AR踩踏、123木頭人等經典遊戲。大部分遊戲可以組隊Battle,考驗合作精神嘅機會嚟了!

地址:九龍城啟德體育園運動健康中心G至4樓

> ”Carissa” 帶您詳細開箱啟德JOYPOLIS三大主題區<

 

 


假日好去處2025|室內好去處|9. 大角咀Super Sports Park

想同friend去室內玩盡多款運動遊戲,要玩就梗係去全香港最大,高達50,000呎嘅室內運動樂園Super Sports Park!裡面遊戲多樣化而且動靜皆宜,小至保齡球,射籃球,大至攀石牆、Roller,仲有結合大屏幕嘅互動運動遊戲,而且仲係一票暢玩晒咁多遊戲,多嘢玩到分分鐘玩到唔捨得走!適逢萬聖節,Super Sports Park都換上萬聖節主題裝飾,放假嚟玩不妨打埋卡!

地址:香港大角咀海輝道18號銀海坊G03&05

> 跟住 ”Newlifewifbb” 玩盡SSP設施<

 

 

🔔 Follow《U Community社群》Instagram 同讚好 Facebook 專頁 ,睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。
-----------------
💰招募U Creator , 出Post賺取額外收入!
立即登記➡️ https://ulapp.hk/a5qge
-----------------
圖片來源:官方圖片、社群U Creator @女生暢游天下 、 @Creamyball & Pancake、@DollyLing 、 @Mani MY 、 @Sully 、 @Yinsharing 、@LoveCath夏沫 、@Carissa

#ULifestyle應用程式 #ULifestyleApp #社群 #UCreatorHK #TRAVELwithUCreator #MOMENTSwithUCreator #假日好去處 #朋友聚會好去處 #香港好去處  #密室逃脫 #劇本殺 #露營 #野餐 #室內好去處  

香港有長洲一日遊、西九文化區野餐、豪華露營、下白泥睇日落等戶外好去處,適合與朋友一同享受大自然及美食。

香港有滾軸溜冰場、密室逃脫、XR體驗遊戲、室內遊樂園及大型運動樂園等室內好去處,適合不同喜好嘅朋友聚會。

↓【限時搶⚡】Shimiace AX藥用打斑膏↓

↓擊退頑固色斑|預防未來斑↓

↓擊退頑固色斑|預防未來斑↓

【請您去】香港挪亞方舟「動・森・萌樂園」

↓ 零距離接觸活潑小動物、全港首個大自然主題光影互動展館 ↓

↓ 零距離接觸活潑小動物、全港首個大自然主題光影互動展館 ↓