等等Hea大閘蟹放題限時62折！88分鐘任食5兩大閘蟹/蟹粉水餃/蟹粥/蟹油雞煲

Yinsharing

擦餐勁

等等hea

食神滔滔推介！爆布陽澄湖蟹黃🦀🤤

又到大閘蟹季節啦!💙等等Hea💛近來推出由食神滔滔全力推介 - 爆布陽澄湖蟹黃菜式,價錢唔貴,吸引到我去試吓~ 🍜食神爆布陽澄湖蟹黃撈套餐 $168 包括有瀑布蟹黃撈麵/飯,有180g蟹黃🦀,以黃金比例30%大閘蟹乸膏､20%大閘蟹公膏､25%身肉､25%腳肉製成｡大大碗蟹粉🧡十分足料,味道濃郁清甜,口感豐富,拌上麵或飯真係一流,香得嚟亦唔會覺得好膩😋 套餐仲有蟹黃鹽酥雞1客､蟹粉小籠包1粒､蟹粉時菜及飲品｡單點瀑布蟹黃撈麵/飯 $118,個人覺得套餐絕對更抵食!👍🏻 🥟食神爆汁蟹粉小籠包 $48 蟹粉餡料鮮甜清新,小籠包湯汁唔多,不過幾有鮮味｡ 🍢蟹粉花枝丸 $48 口感彈牙,比預期同蟹粉更夾｡ ☕️飲品揀咗 桂圓紅棗茶 及菊花茶,兩款都唔會太甜,幾好飲,配上蟹粉大餐係幾夾｡ 依排見餐廳仲推出咗大閘蟹任飲任食放題,好心動呀!😍 📍等等Hea 台式料理 地址:九龍城福佬村道41號地下 #等等hea#waitwaithea#九龍城#台式料理#大閘蟹#蟹粉#陽澄湖蟹#探店#相機食先#食物拍攝#hkrestaurant#香港餐廳#香港美食#吃貨日記#食評#香港生活#hkfoodie#hkblogger#hklifestyle#hkfoodlover#hkfoodblogger#女生好物體驗包#ok即刻有#chill賞遊世界#透亮抗敏#秋妝上陣#缺水肌必備

Tako124

擦餐勁

等等hea

【九龍城88分鐘大閘蟹放題-等等HEA】

今次嚟到位於九龍城台式料理餐廳-等等HEA,適逢中秋節前後係品嚐大閘蟹最佳時節,餐廳每年喺呢個時間都會舉行大閘蟹放題,今次同朋友一於去試吓｡餐廳由第一籠大閘蟹蒸起上枱開始計時88分鐘,可以無限任叫大閘蟹､蟹粉美食､台式小食､花雕酒､各款飲品同埋10多款台式茶飲,種類繁多,非常滿足｡ 清蒸大閘蟹 揀咗四両嘅大閘蟹放題,大閘蟹蟹膏豐盈,口感綿滑濃稠,甘甜飽滿,加上醋同薑末可以大大提鮮,食得好滿足,另外店主仲好細心提供熱黑糖薑茶比我哋驅寒暖胃｡ 新口味大閘蟹 今年餐廳仲推出咗三款新口味嘅大閘蟹,包括麻辣大閘蟹､玫瑰露花雕醉大閘蟹､鹽焗大閘蟹等,三款口味味道較濃郁,鍾意重口味嘅朋友可以一試｡ 蟹粉美食/台式美食 餐廳推出多款蟹粉主題嘅小食,全部都好有創意,包括食神蟹粉糯米燒賣王､蟹粉水餃､食神爆汁蟹粉小籠包､生滾大閘蟹粥､小碗瀑布蟹粉撈麵/飯､蟹油香辣雞煲､台式腸蟹粉糯米飯､蟹粉澎湖花枝丸､蟹粉爆汁貢丸､蟹汁多春魚､蟹粉滷肉時菜､蟹粉午餐肉粒､蟹汁牛肉串､蟹汁豬肉串｡ 其中小碗瀑布蟹粉撈麵,金黃綿密嘅蟹粉同彈牙嘅麵條完美融合,每一條麵條充滿醇厚油潤嘅蟹黃,味道鮮甜;蟹油香辣雞煲,麻辣雞肉同鮮美甘甜嘅蟹油融合,味道層次分明,雞肉鮮嫩多汁;食神蟹粉糯米燒賣王,糯米口感煙靭,豬肉嘅香味同蟹粉鮮味完美結合,口感層次豐富｡ 任食大閘蟹放題推廣期由即日起至2025年12月5日,快d 約埋朋友預約呢個大閘蟹盛宴啦~ 等等HEA 📍九龍城福佬村道41號地舖 #等等HEA#台式料理#台灣菜#大閘蟹#放題#蟹#蟹粉#九龍城#九龍城美食#香港#香港美食

ifoodies_dog

中式料理

等等hea

又到食大閘蟹嘅季節啦

又係時候來食大閘蟹🦀 @waitwaithea 去左食神滔滔主理等等HEA 📍 一次過品嘗到各款大閘蟹系列菜式 用料上乘!用上最優質嘅陽澄湖蟹黃製成 濃郁清甜蟹粉!啖啖精華!大閘蟹愛好者必食 🦀陽澄湖瀑布蟹黃撈飯套餐👍 跟餐配上多款蟹粉菜式😍一次過食到啦! 蟹黃鹽酥雞､蟹粉小籠包､蟹粉時菜 足料製作!蟹黃油香!仲有台式木耳同飲品 仲叫左幾款蟹粉系列小食! 🦀食神蟹黃金燒賣糯米皇🦀必食推介 軟糯糯米配上蟹粉味道好夾! 🦀食神蟹粉大灌湯包🦀 皮薄爆餡足料多汁!提提大家小心熱🔥 即叫即蒸嫁!夠哂新鮮熱辣! 🦀蟹粉花枝丸🦀 炸香嘅花枝丸淋上大量蟹粉~邪惡又好味 🦐花雕醉蝦🦐 用上大頭蝦製成😄酒味香醇蝦肉厚實! 店內仲有多款大閘蟹嘅美食🦀 大家有興趣快啲嚟試吓啦😋 等等 HEA 📍九龍城福佬村道41號地下 #大閘蟹#香港探店#香港達人#香港旅遊攻略 #留港消費#留港#大閘蟹粉#蟹粉小籠包 #留港消費振興經濟#留港旅行#chill賞遊世界#打卡美食#九龍美食#中菜餐廳#旅行美食#港島美食#香港美食#新界美食#美食推介 #蟹粉拌麵#蟹粉撈麵#蟹粉湯#九龍城美食#UCreator