【人寵周末好去處】沙田新城市廣場「GO! CAMPING露營市集」Chill正戶外盛宴

文: a.Ki

2025.11.26

秋高氣爽，除了適合帶主子落街散步，現在還可以帶牠們到沙田新城市廣場，齊齊玩轉人寵共融「GO! CAMPING露營市集」！今日開始（11月26日）至11月30日，沙田新城市廣場的戶外場地Chill Park正式變身成都市中的露營天堂，結合露營文化、寵物用品、品味咖啡及現場音樂表演，為大家帶來一場遠離繁囂兼充滿自然氣息的戶外盛宴，重新定義城市戶外生活體驗！

人氣露營品牌大集結
不少人去露營都為了親親大自然，「GO! CAMPING露營市集」悉心地以原木製成的戶外營地帳幕為核心設計，搭配巨型「GO CAMPING」巨型英文字母擺設、露營桌椅等裝備齊全的至潮露營戶外場景，讓大家置身市中心都可以感受至真實的露營氛圍，為身心好好叉電。

這次參與市集的人氣露營品牌包括森．匠Silva Artis、H House、FRANCAN及Glory Camping等等，涵蓋專業戶外裝備及品味咖啡等，相信能滿足大家各種露營需求。想為家中主子購置露營用品的話，Furry Petique、吾系奴Ng Hai Lo及PETTREATCAVE等專門搜羅寵物用品的露營品牌更是不可錯過！

點擊圖片放大

親親小蜥蝪必玩互動體驗！
除了跟家中主子一起享受人寵時光，同場更設有「Play Park輕鬆體驗區」提供多項親子互動活動，包括Artco Gallery同大家野外寫生，又會有小小科學家帶同守宮及角蛙等小動物讓大家親身接觸，而柏斯音樂更會安排多個UKULELE供大家來合奏，絕對是親子兼人寵同樂的週末理想好去處！此外，週末期間更有Busker現場音樂表演，搭配型格營地裝飾，又一chill正享受！

11月28日（3pm-5pm）–Artco Gallery野外寫生
11月29日（3pm-5pm）–小小科學家親親小動物
11月30日（3pm-5pm）–柏斯音樂 UKULELE / 結他音樂合奏

點擊圖片放大

消費滿額送「Go! Camping禮品包」
提提大家，現於沙田新城市廣場指定「即賺分」運動服裝及體育用品商戶即日以電子貨幣消費滿$1,000或以上，並於Chill Park「GO! CAMPING露營市集」打卡及上載至社交平台，更可免費換領「Go! Camping禮品包」乙份，包括「馬灣海上環島遊」船票2張、露營防潑水野餐墊1張及沙田新城市廣場商戶$500電子禮券，筍！一於趁冬日暖陽溫暖又溫馨，帶埋小朋友或家中主子一齊來「GO! CAMPING露營市集」盡情放電啦！

「GO! CAMPING露營市集」
日期︰11月26日至30日（星期三至日）
時間︰12nn-9pm
地點︰新城市廣場1期3樓Chill Park（CASETiFY對出戶外平台）

（資料由客戶提供）

更多真實評價

Tracy Lau

親子

觀塘海濱長廊

一個唔會曬到燶嘅公園🛝🤪☀️

第N次嚟呢度一個唔曬嘅公園🛝 小朋友玩得開心🤪 大人又唔怕曬到燶☀️ 今次附近仲有攤位，有得玩遙控船添🛥️🎮 #週末好去處 #親子好去處 #觀塘海濱 #遊樂場 #親子blogger #hkmama #hkblogger #雪嵐寶寶 #雪嵐媽媽

閱讀更多
Marshmallow11

寵物

三星灣泳灘

夏日行山☔️☀️！

🐾⛰️見到今日個天陰陰地,諗住毛毛雨行山正啦!約埋霸霸同 Day Day 一齊由獅子會行去三星灣來回 🏃‍♂️ 哈哈,點知成程只係落咗幾下雨 🌧️都真係有少少熱🫣不過好彩沿途三隻狗狗全程濕住水降溫 💦,加上有風,所以都Ok🥰｡行完山,我哋再過去西貢市中心食嘢🍽️,咁樣又玩咗大半日😆 下星期出海玩水⛵🌊!一定要天公造美好天氣啦 #獅子會去三星灣

閱讀更多
Pista Wu

寵物

元朗

狗狗天堂🏕️ 酒店Out！😍

【第二次回訪!點解我哋寧願去 Glamping 都唔住酒店?🏕️🐶】成日有人問,帶狗去 Staycation 好定 Glamping 好? 我哋嘅答案係:Takibi Garden! 呢度係我哋見過全港最乾淨､CP值最高嘅營地,所以今次特登約埋 Pista 嘅女朋友仔 Daisy 一齊嚟回訪!❤️ 點解一定要 Save 低?(5大必去理由): 1️⃣ 全場 Snow Peak 控必去:由 TT 帳幕到所有用具都係 Snow Peak,質感爆棚!📸 2. 極致乾淨:好多營地去一次就殘,但呢度第二次嚟依然保持得 10 分乾淨,強迫症家長表示極度治癒｡✨ 3. 娛樂設施齊備:有獨立娛樂室可以唱K､睇 Netflix､玩 Board Game,落雨都唔驚冇嘢玩｡🎤🎮 4. 包場私隱度高:價錢相宜但可以享受私人空間,環境清幽,真正親親大自然｡ 5. 毛孩放電天堂:比起酒店房嘅幾百呎,呢度嘅大草原先係狗仔嘅最愛!草原跑跑跳跳,Pista 放電 100%!⚡️ 上次嚟完已經約定要帶 Daisy 嚟,今次終於圓夢啦!大家如果想搵一個舒服､乾淨又 Pet-friendly 嘅地方,呢度真心推薦｡ 📍 Takibi Garden (@takibi_garden) 帶Pista去都係加$100咋~ 我哋訂嘅時候嘅價錢表(最新價錢要大家同老細confirm🤭) 🏕️ 包場價格 · 平日:$550/位(6位起) · 假日:$650/位(6-8位起) 👫 2人包場 $1980(指定平日) 🍖 加$198 有高質BBQ套餐用Snow Peak爐具,打卡必試📸 🅿️ 泊車 $100/日(閘外免費) 同毛孩一齊glamping開心跑跑! Pista已經諗緊幾時再去~😍 有問題再問我!😊 💡 小貼士:建議提早預約,呢排越嚟越多毛孩去打卡啦! #Pista去Glamping#TakibiGarden#SnowPeak#香港寵物友善#毛孩好去處#香港Glamping#雪納瑞日常#Daisy與Pista#PetFriendlyHK#香港露營#Staycation替代方案 #去新酒店Staycation

閱讀更多