逸東酒店聖誕自助晚餐買一送一$437！3小時任食和牛肉眼/龍蝦/片皮鴨/生蠔

leewengii

香港攻略

$200 🦪生蠔任食酒店自助晚餐 灣仔Novotel內Le Cafe, weekdays半自助晚餐，openrice價 成人$200/小童$120，已連加一，weekends $230。要主菜另加$100。 坦白講，呢啲平價酒店自助餐，多數伏，我去之前個心態都係200蚊唔好咁大期望，但呢度令我喜出望外，我完全feel到餐廳嘅誠意，收你蔗渣嘅價錢但盡量做到燒鵝嘅味道畀你，食物質素我覺得甚至好過唔少五、六百蚊嘅酒店自助餐。 首先所有食物賣相絕不馬虎，自助區食物種類繁多。蟹腳係我近年食過最甜嘅，生蠔比較薄身，但至少新鮮。三文魚魚生極厚切極肥美極新鮮，贏哂所有放題舖。炸物係熱係脆嘅。有煙三文魚、少量凍肉、芝士。普羅旺斯燉菜、西班牙蛋餅、意式風味嘅水波蛋同烤香腸。連預伴沙律都調味得宜，真係冇乜邊樣嘢係難食。我今日weekday嚟大約七、八成滿，大約50人左右，全部客都好斯文，唔使排唔使搶，可以由六點半食到九點半，就算去到尾聲啲食物都繼續有refill而且繼續保持賣相整潔。 甜品款式琳瑯滿目，tiramisu同巴斯克蛋糕都極高質，仲有mövenpick雪糕任食。 第一次openrice訂預付套餐滿$500用個code"Menu50"可以減$50，所以我同一張單買咗一個冇主菜$200+一個$300有主菜，total $500減$50，變相多$50多個主菜。埋單再用雙倍+Fun dollar優惠。 主菜揀個牛扒都dope, 好香炭燒味，唔好話加50，其實加100都抵，唯一「唔抵」嘅原因係自助區本身已經好多好嘢食。旋轉樓梯落半層酒吧仲有live music。服務都好好，收碟好密。 呢間我係會再encore同埋推薦畀朋友。 #步步糕升

愛分享的Cherry媽媽

擦餐勁

柏麗廳 - 沙田帝都酒店

全新酒店🏨自助餐龍蝦🦞生蠔🦪雪場蟹腳🦀通通吃到飽

位於沙田帝都酒店內的The Palate柏麗廳,提供豐富多元的自助餐體驗,無論是食材品質或服務效率都令人印象深刻｡這裡的晚餐性價比相當高,特別適合各類慶祝活動,而且100cm以下幼童還可免費用餐,對家庭客人十分友好｡ 熱食區選擇廣泛,中西式菜餚應有盡有｡其中鐵板牛排和和牛壽喜燒尤其受歡迎｡ 冷盤海鮮同樣不容錯過,生蠔､長腳蟹及龍蝦供應不絕,補貨速度很快,即使座位較遠也無需擔心取不到食物｡ 甜品區選擇琳瑯滿目,包括蛋糕､泡芙､布朗尼與雪糕等多款甜點｡每日特定時段還會推出新鮮出爐的朱古力心太軟,更可安排寫牌服務,非常適合打卡留念｡ 整體而言,The Palate 食物種類繁多,質素優良,服務迅速周到,是值得一試的高質自助餐之選｡ 餐廳資訊 The Palate 柏麗廳 沙田帝都酒店3樓 電話:2633 1288 聲明:套餐內容隨時調整,請以到店為準 #聖誕好去處#親子好去處#香港美食#香港自助餐#酒店自助餐#帝都酒店#柏麗廳#沙田美食#staycation

超級大肥妹

節日限定

香港天際萬豪酒店

聖誕大餐✈️，天際海鮮饗宴😋

天際咖啡室 (赤鱲角) 📍 赤鱲角香港國際機場航天城東路1號香港天際萬豪酒店1樓 同朋友相聚食聖誕🎄大餐,黎到機場天際萬豪酒店一樓咖啡室享用自助晚餐,可以乘搭由東涌地鐵站開往酒店的免費接駁巴士🚌/S1 直達 車程十至十五分鐘｡ 海鮮有六款,有龍蝦🦞:細細隻都有膏,龍蝦肉都好嫩口吾會韌,雪場蟹腳:比較幼細但海水味好重､但又吾會過鹽｡蜆:都粒粒賬卜卜,幾新鮮｡青口:大大隻鮮味十足｡蝦🦐:新鮮,肉質爽彈｡生蠔🦪:任食任拎,吾需要限拎幾多隻,細細隻,大癲,無咩礦物味,但洗得好乾淨係真嘅｡ 刺身有厚切鯛魚､三文魚､吞拿魚､大大隻軟糯鮮甜牡丹蝦,不錯｡ 熟食款式吾太多,基本上一行拎得曬,茄汁蝦､清蒸龍躉,點心數款､黑椒牛柳粒､鮑魚炒時蔬,有叉雞同燒鵝｡羊架好韌,西冷牛扒🥩看似好嫩但好韌,質素一般｡ 即席即煮面檔,有米粉､幼面､芽菜､可配搭蝦肉/牛丸等,簡簡單單,湯底是雞湯湯底,可加辣椒油炸蒜｡ 甜品方面有H同M字頭雪糕,都回曬大本｡仲有自家製豆腐花､提拉米蘇､水果 🍉､紅豆紫薯蛋糕､燉鮮奶等｡幾有誠意,仲有聖誕老人派糖果🍬｡ 總結: 人均消費港幣800 聖誕慶祝節日一流 #東涌[话题]##國際機場[话题]##天際萬豪酒店[话题]##自助晚餐[话题]##慶祝聖誕🎄牛扒生蠔蟹腳青口[话题]#@香港天际万豪酒店