Neway「超時福利」爆紅！$90唱足7小時無人催？網友驚訝「唱到咁耐」

Neway $90由下午唱到夜晚

該名網民以「今日Neway唱左7個鐘」為題發帖，指上周日（28日）以$90預訂Neway唱K，由下午1時唱到晚上8時，足足7小時仍未被職員催促離場。她因而懷疑是否因時段較冷門或分店客量不多，才出現如此「超時福利」，並直言希望「每次都唱到咁癲」。

網民震驚：點揀到歌唱7個鐘？

帖文曝光後，大批網民留言表示震驚，有人笑言「鄭秀文開演唱會都冇咁攰」，亦有人質疑Neway歌庫選擇有限，「都冇歌揀，點解可以玩咁耐」、「點解可以玩咁耐」。不過，亦有網民認為價錢相當抵玩，「平過Party Room」，只是音響及咪質素一般，屬「一分錢一分貨」。

點擊看網友留言

+7

+6

點擊圖片放大

網民追問「超時福利」秘訣

不少網民對樓主經歷感到好奇，紛紛追問實際細節，包括「邊間分店咁平」、「有冇人試過一個人去唱？」、「有冇煙味」等。亦有人分享自身經驗，指部分分店如尖東、APM一向「好準時cut房」，認為樓主情況未必容易複製。

點擊看網友留言

• 邊間neway咁平我同frd 2個唱，有好多歌對唔到，所以你當可以除2咁計？
• 你去邊間分店？ 我去尖東好準時cut
• 反而想知邊區Neway….APM 間經常超準時
• 有冇人試過一個人去唱？係咪都要收兩位費用？
• 間房有冇煙味呀？

樓主逐一回應：真係撞彩數

其後樓主亦有逐一回覆，強調自己並非刻意揀歌拖時間，而是逐個歌手「碌下碌下」已點了二、三十首，加上平日聽開中英日舊歌，歌量足夠應付長時間，並笑言「我仲有好多想唱」。

她又透露，今次是預訂半價唱K優惠中的Happy Hour時段，理論上3時半應收房，但實際一直唱到8時正才被cut，形容屬「撞彩數」。她亦分享過往經驗，有時只多唱半小時，有時多一至三小時，估計與現場客量有關，強調並非每次都能複製。至於收費及環境，樓主指一定按人頭計算，房間亦乾淨無異味。

Neway CEO半價唱K優惠

翻查官網資料，現時Neway共分為4個收費時段，分別是K-Lunch時段、歡樂時光、黃金時段以及貓頭鷹時段，各分店收費不一，價格大約由$99至$269不等。近年Neway CEO更推出了唱K半價優惠，逢星期三及日都可以享有優惠，有興趣只需預早一日訂房就可以盡情暢玩！

網友分享「超時福利」經歷 壽星優惠同樣吸引？

除樓主個案外，亦有不少網民留言分享曾享用Neway「超時福利」的經歷。有網民指曾於傍晚5時入房，最終唱至翌日清晨5時才離場，形容「12個鐘係間房入面」。亦有熟客透露，部分分店過往設有提早一日訂房的長時段優惠，可由下午1時唱至晚上7時。

點擊圖片放大

另有網民指出，Neway現時仍有不少着數，例如當月壽星「每兩位免一個人頭費」，即使未計優惠，原價亦可由晚上7時唱至翌日清晨5時。同時又大讚店內期間限定「聖誕大餐」，$38即可享用包含「翅湯」、火雞、主菜連配菜及甜品，另附兩杯飲品，直言即使當作包房聚會、聊天食飯，「都抵到笑」。

來源：Threads、Threads

Neway$50龍蝦配牛柳餐

最近有網民分享自己於Neway唱K兼食晚餐，驚喜發現$50竟然吃到西餐level般的龍蝦和牛柳，無論賣相還是味道都相當不錯，媲美得上外面的西餐廳，而且建議Neway可以轉型做可以唱K的西餐廳！

點擊圖片放大

美式黑胡椒牛扒$38起

除了，樓主提及的龍蝦拼牛柳外，餐牌上更有多款$50優惠晚餐，例如加拿大保濕豬斧頭扒、香煎鵝肝拼牛柳、懷舊七打牛柳和香煎比目魚！主餐可配飯、意粉或薯菜，超吸引！另外，Neway更設$38起優惠晚餐，美式黑胡椒牛扒配飯、意粉或薯菜低至$38，性價比勁高！

• Neway$50龍蝦牛柳餐Threads爆紅！網民讚可轉型做西餐廳