KFC情人節限定全新「Nutella巴辣雞腿包」！$29食到 一啖試勻鹹/甜/辣滋味！
KFC｜KFC新品｜KFC優惠｜KFC為大家帶來情人節驚喜，由即日起至2月16日，一連5日推出「Nutella巴辣雞腿包」讓你一次過品嚐到鹹、甜、脆、辣的滋味，現時只需$29便買到「Nutella巴辣雞腿包」配汽水，下文即睇新品詳情！
情人節除了送花送朱古力，今年仲可以帶另一半去 KFC 挑戰？KFC宣布於今個情人節搞搞新意思，推出「朱古力榛子醬包系列」，將原本鹹香惹味的巴辣雞腿包，強勢聯乘 Nutella 朱古力榛子醬！究竟是「黑暗料理」還是「甜入心」的驚喜？即睇新品詳情及價錢！
巴辣雞腿包 X Nutella
大家無眼花！KFC 大膽將經典的巴辣雞腿包 配上香濃的 Nutella 朱古力榛子醬。每一口都充滿鹹、甜、脆、辣 4 重滋味，官方形容為「甜而不膩」！想試伏或者是勇者的朋友留意，這款限定茶餐只需 $29（配汽水），單點亦只需 $25，性價比相當高。
$10 歎朱古力榛子醬包
KFC 同步推出 「朱古力榛子醬包」。這款產品於 早上 11 點後 供應，只需 $10 就食到！熱辣辣的餐包配上滿滿的 Nutella，絕對是下午茶止癮之選。
只限 5 日！手快有手慢無
留意返，今次「朱古力榛子醬包系列」是 情人節五日限定驚喜，想試的朋友要把握黃金 5 日去指定分店搶購！
KFC「朱古力榛子醬包系列」詳情
推廣日期： 情人節期間限定（共 5 日）
供應時間： 上午 11 時後供應
價錢：
Nutella 朱古力榛子醬 x 巴辣雞腿包茶餐： $29 (配汽水) / 單點 $25
朱古力榛子醬包： $10
適用分店： 指定 KFC 分店供應
不適用於：山東街、亞洲國際博覽館、赤柱廣場、又一城及啟德分店
圖片來源：KFC
原文：UFood
同場加映 : KFC快閃買一送一！家鄉雞扒包$12.5嘆到 $39上校盛盒強勢回歸：一盒食齊5款
KFC優惠｜今期「肯！抵 DEAL」優惠
由 2 月 2 日(一) 至 2 月 15 日(日)，逢星期一至五，早餐家鄉雞扒包買一送一，平均每個家鄉雞扒包只需$12.5；上午 11 時後，「$39 上校盛盒」限時回歸，一盒有齊炸雞、飯、薯格、葡撻及飲品。周末則有$30 「肯！經典雞扒早餐」系列；上午 11 時後則有$49/12 件巴辣香雞翼，平均每隻雞翼只要$4。
薯格粉絲留意喇！無論星期一至日，上午11點後，只要$10就食到格格脆薯塊配大阪燒醬。
KFC優惠｜優惠時間表
2月2-6日、2月9-13日：家鄉雞扒包買一送一（上午 11 時前）、$39 上校盛盒（上午 11 時後）
2月7-8日、2月14-15日：$30 肯！經典雞扒早餐系列（上午 11 時前）、$49 / 12 件巴辣香雞翼（上午 11 時後）
2月2-15日：$10 格格脆薯塊配大阪燒醬（上午 11 時後）
來源：KFC／UHK
活動資訊
- 開始日期2026年2月12日 - 2026年2月16日
-
節日限定
肯德基
著數情報：$88 八件雞！鹹蛋黃金脆雞賀年雞桶🍗
【新春肯!抵DEAL】鹹蛋黃金脆雞賀年雞桶🍗 新年快樂呀✨ 新年除咗收利是🥰(或者派🫣)之外,KFC都有正嘢預埋你! 新春限定優惠 🫶🏻 於2月20-25日期間,只需要$88 就可以歎足8 件雞🍗 賀年雞桶包括4件｢#鹹蛋黃金脆雞｣ +4件自選口味雞✨ 今個新年帶桶金雞返屋企,即刻黃金滿屋呀! -適用於上午11時後 -於全線香港分店供應(山東街､亞洲國際博覽館､ 赤柱廣場､又一城､啟德､置富南區廣場､信德中心､莊士倫敦廣場､有餘貿易中心､波斯富街､新世紀廣場､美麗華廣場､海富中心､九龍行除外) -自選口味雞包括家鄉雞､香辣脆雞及狂惹香燒雞,可每件加$3升級至鹹蛋黃金脆雞 -圖片只供參考 -賺取888 yuu積分優惠只適用於惠顧｢新春肯!抵DEAL｣中的｢鹹蛋黃金脆雞賀年雞桶｣優惠,但不適用於同一筆消費中的其他食品或產品,包括加配美食優惠(如:｢加配滋味｣或｢限定加購優惠｣) -優惠限量十萬份,數量有限,售完即止 #馬年新氣象
閱讀更多
-
西式美食
PHD
PHD買一送一薄餅優惠！仲有一星期，夠抵！
經過PHD見到最近做緊指定9 款手拉薄餅買一送一優惠(做到30/11咋!),不限口味混搭,買大批送大批､買普通批送普通批,最平低至$50/個!加錢仲可以升級360°芝心批邊🤤 我就用PHD App落單外賣自取 (網站都落到單),gathering一流,仲唔即刻dog衝💨!🤩🤩 一直都覺得PHD嘅 pizza經濟實惠,好似: 千島海鮮大批 $154 餅底鬆軟,千島醬酸甜濃郁開胃,海鮮份量都夠多又juicy,芝士有拉絲,賣相金黃誘人,口感豐富😍 瑪格麗特大批 (買一送一優惠) 經典番茄味超新鮮,羅勒🌿香氣撲鼻,融化咗嘅芝士好滑順,口感同味道都好match,簡單但味道正宗!😍 賣點 🫰買一送一超抵,做到30/11 咋!pizza味道good! 好味度:8.5/10
閱讀更多
-
泰國菜
Lady Nara
蟹肉炒飯驚喜😋港威商場美食推介！🦀🍚
星期六去咗港威商場嘅 Lady Nara,雖然冇午市套餐優惠,但都好值得一試 😋｡我單點咗佢哋嘅蟹肉炒飯,$118,真係有驚喜!炒飯粒粒分明,香氣十足,炒得好乾身又唔油膩,火喉掌握得非常好 🔥🍚｡ 最開心係足料!唔止有蟹肉,仲有啖啖蝦仁,面頭仲鋪咗一層蟹籽,睇落已經好吸引,食落口感層次豐富 🦀🍤✨｡每一啖都食到海鮮嘅鮮味,完全唔係求其炒出嚟嗰種,係有心機整嘅｡ 雖然人多冇坐到海景位,只能坐入面,但環境都算舒服,侍應仲主動加水,服務都幾貼心 👍｡加一服務費都算合理,整體體驗唔錯,下次想再試埋其他菜式!🥢💛 #Lady Nara#港威商場#蟹肉炒飯#泰菜#泰國美食#泰國#旅行美食#UCreator#打卡美食#美食推介#Foodie#歎住靚景staycation#請您食月餅#啖啖舒暢透心涼#我想試食月餅 #中秋q彈時刻
閱讀更多
港生活限時優惠情報
《U GO》請您睇《電影教場：驪歌》！
木村拓哉率領豪華陣容回歸👮♂️直擊風間公親最嚴苛試煉⚔️
《U GO》請您去香港國際七人欖球賽！🏈
↓一齊感受欖球盛事嘅熾熱氣氛！❤️🔥↓
假日好去處