維他奶廠房免費參觀活動！本月截止報名 參觀紙包維他奶生產線+營養探索之旅！附報名方法

MissLeung的課後日常

親子

【2026 暑期課程】5大名校皇牌課程全攻略：聖保羅、英基夏令營推介

暑假進入最後報名衝刺期！今年香港各大名校嘅暑期課程簡直係「神仙打架」，主題橫跨 AI 科技、法證鑑證、藝術拍賣到對沖基金投資！為咗幫大家慳返啲時間，我整理咗 5 間直資及私立學校嘅推介課程清單！  ————— U Lifestyle「港媽港爸親子福利資訊區」WhatsApp 群組現正招募成員！ 🎉 我哋仲為群組成員預留咗獨家送禮名額，中獎機會更高！🎁 👉 立即加入： https://ulapp.hk/8yui1    ————— 🚀 漢基國際學校 (CIS) ｜報名連結 學校背景： 創立於 1983 年，漢基以優質嘅英漢雙語教學同前瞻性視野聞名  其「學生創新型實驗室致力畀學生親身體驗塑造未來嘅核心技術，仲強調運用科技為世界帶來正面影響 上課地點： 香港北角寶馬山校園徑 1 號漢基國際學校  學費： 每週港幣 $9,000  日期： 6/22-26 或 6/29-7/4（每期 5-6 日）  課程推介： 🎮 遊戲鑄造 (GameForge)：適合 4 至 7 年級 結合聯合國永續發展目標 (SDGs) 設計遊戲方案，將玩家轉化為問題解決者   🤖 機器人實驗室 (Robotics Lab)：適合 4 至 7 年級 結合設計思維同實作工程，解決社區需求，完成課程仲可以將親手打造嘅機器人帶返屋企  🥽 XR 探索者 (XR Explorer)：適合 4 至 7 年級 學生唔只係遊歷虛擬世界，仲要親手構建，架起數位設計同現實變革嘅橋樑  🧠 AI 創新者 (AI Innovator)：針對 8 至 10 年級高年生 側重於打造未來經濟，教導學生點樣運用 AI 科技開創未來    ————— 🔍 聖保羅男女中學 (SPCC)｜報名連結 學校背景： 本港傳統頂尖直資名校，暑期學校秉承「信、望、愛」精神 課程首創「業界體驗、學術啟發同 AI 強化學習」三合一模式，致力培育具備強烈價值觀嘅未來領導者  上課地點： 聖保羅男女中學校園（部分課程包含富麗敦海洋公園酒店考察）  學費： 港幣 $8,500 至 $18,500 (視乎日間定係寄宿)  日期： 7/20-25（共 6 日）  課程推介 (適合 10-14 歲，小五至中二) ： 🕵️‍♂️ 滅罪鑑證：由曾喺英國新蘇格蘭場受訓嘅法證專家帶領，學生會喺模擬罪案現場進行 DNA 同指紋分析，仲會利用 AI 輔助拆解謎團  🎨 城市畫布：結合知名塗鴉藝術家同前拍賣官，學生可以親自創作塗鴉作品，仲會參觀拍賣行了解藝術市場運作  🏨 酒店企業家：由投資銀行專家指導，前往富麗敦海洋公園酒店考察，學習收益管理同財務數據分析  👨‍⚕️ 科學博士：探索機械人手術、太空醫學等未來醫療議題，運用 AI 輔助工具進行精確症狀分析同制定診療方案    ————— 🎨 香港國際學校 (HKIS)｜報名連結 學校背景： 創立於 1966 年，係香港首間提供美式教育課程嘅私校 提供 R1 至 12 年級一條龍教育 暑期項目旨在激發小朋友嘅好奇心同冒險精神  上課地點： HKIS 大潭/淺水灣校園（有校巴） 學費： 港幣 $5,850 Session 2 (7/13-31) 尚有餘額嘅三大課程（均為期 15 日）： 🔡 Pinyin Quest：適合 Reception 2 至 1 年級 喺趣味環境中透過遊戲、歌曲同手工藝發現普通話讀音  🎭 Readers Theater：適合 2 至 3 年級 化身演員同導演，透過戲劇化方式探索書本故事，仲可以自己整戲服同拍片  🖌️ iPad Procreate 數位藝術：適合 4 至 9 年級 教導學生運用 iPad 創作，掌握數位繪圖界面同多種藝術技巧  ————— 💻 英基探新 (ESF Explore)｜報名連結 學校背景： 全港最大規模嘅國際學校集團，遍佈全港 22 個校點 提供全方位全人教育，課程全部以英語授課  上課地點： 遍佈港九新界（如港島中學、啓新書院、九龍小學等）  學費： $1200-$8634，5/17 前用代碼 ESF_SUM10 有9折 課程推介（每期 5 日） ： 🎒 小小探險家 (Eager Explorers)：適合 3 至 8 歲 透過戲劇、遊戲同繪本，喺全英文環境提升小朋友聽、說、讀、寫能力  ⛏️ Minecraft 救援隊：適合 6 至 8 歲 學生組成小隊設計「互動端口」同邏輯關卡，學習 Coding 同團隊協作  🎮 AI 遊戲開發工作室：適合 12 至 14 歲 利用強大 AI 生成遊戲資產（由英雄到反派），並喺真實遊戲引擎中從零開始構建可玩原型  📈 青年投資與財務素養：針對 15 至 17 歲 模擬對沖基金投資、資產管理同銀行交易，完成課程可獲 LIBF 專業文憑   ————— 🎭 耀中耀華 (YCYW)｜報名連結 學校背景： 創辦於 1932 年，發展至今已成為涵蓋「由嬰兒到學士」全學段嘅教育網絡 非常強調學生嘅全人發展、雙語能力同跨學科項目式學習 (PBL)  上課地點： 香港九龍塘、將軍澳，以及北京、上海、廣州等校園   課程推介 ： 🧞‍♂️ 《阿拉丁》少年版音樂劇：適合 7 至 17 歲 包含專業排練、度身訂造戲服、密室逃脫體驗，最後喺演奏廳正式演出  地點： 香港耀中語藝教育中心 (九龍塘) ｜日期： 7/9-20（共 12 日）｜學費：港幣 14,790  🦾 APM 競賽編程機器人：適合 7 至 15 歲 針對 APM 機器人賽事進行強化訓練，涵蓋物理結構、動力計算同機械工程知識  地點： 北京耀華 ｜日期： 7/6-10 及 7/13-17（共 10 日）｜學費： 人民幣 19,000  🚁 無人機操控營：適合 G1 至 G12 學生 由專業教練指導無人機原理、安全規範同操控技巧，協助學生獲得飛行執照  地點： 桐鄉耀華｜日期： 6/29-7/3（共 5 日）｜學費： 人民幣7,000 起  🧙‍♂️ 哈利波特「魔法」藝術營：適合 7 至 15 歲 化身霍格華茲學生，實現「學咒語→懂魔法→做道具」嘅完整學習  地點： 北京耀華 ｜日期： 7/6-10 或 7/13-17｜ 學費： 人民幣6,400    ————— 💡 溫馨提示 截止日期： 聖保羅男女中學 同 HKIS Session 2 報名截止都係 5 月 15 日；英基 第一階段優惠去到 5 月 17 日咋： 膳食安排： 漢基 費用已包 Sodexo 午餐 ；英基 全日營學生就要自備午餐同小食喇：   各位爹哋媽咪，心動不如行動，報名手慢就滿額架喇！👇 資料來源：英基探新、YCYW Summer Programme 2026、SPCC Summer Portal、ESF Explore、Hong Kong International School #香港暑期課程 #2026SummerCamp #名校攻略 #AI教育 #國際學校 #家長資訊 #漢基 #英基 #聖保羅男女 #HKIS #耀中耀華

Edwina Lui

親子

屯門

參觀公衆騎術學校！軒軒初體驗 🐴✨

親子日常| 週末好去處| 親子活動🐴 #估吓軒軒又去邊度玩 上個週末晨早上完興趣班🌤️ 食咗早餐就同細佬仔出發去參觀｢屯門公衆騎術學校開放日｣以前我哋同家姐已經去過,但同軒軒去就第一次😎 去到一行入門口見到真馬🐴同我哋”say hi”已經好興奮😂第一時間就衝去玩｢VR game｣😬🤭之後去馬房睇馬🐎再去返玩攤位遊戲⛳️排排吓隊撞見同學仔一齊去玩😂 原本想軒軒體驗一下騎馬樂趣🐎最後告吹了🫠 其實仲有其他充氣彈床未玩(見軒軒有D攰所以閃lu) 一個好好嘅親子活動!!希望下年有機會再來玩喔🤗 . . . #親子日常#成長日記#親子時光#屯門公衆騎術學校#UCreatorHK#親子好去處#親子活動

師奶仔

親子

UNIQLO小小造型師活動又返嚟🩳～15間分店免費參加！🆓

UNIQLO 超受歡迎嘅免費親子活動 「小造型 大抉擇 🩳 MY FIRST OUTFIT」 將會喺 15 間店舖熱烈舉行！ 今次活動以「暢玩夏日 乾爽穿搭揮走悶熱」為主題，等小朋友可以化身「小小造型師」，親自挑選服飾，從中學習獨立思考同自主決定。呢個活動唔單止費用全免 🆓，完成體驗仲會頒發精美證書 🏅，現場打卡仲有精美小禮品送！幫大家整理好全港 15 間分店的詳細時間表、體驗流程同報名須知，包你睇完即刻清清楚楚！ ----- 📅 15 間店舖詳細活動時間表（名額有限，先到先得！） 活動全程約 1 小時，每間店舖、每個場次嘅參加名額只有 12 個，費用全免！因為名額非常珍貴，成功報名後名額係絕對無法轉讓給親朋好友㗎，萬一臨時有事去唔到而需要取消，請記得喺活動舉辦前 3 至 5 日主動打電話或到店舖通知職員，等大會可以安排候補名單頂上（注意：臨時取消可能會影響下次參與活動嘅機會呢）。 快啲睇下邊間分店最方便你： 🗓️ 7 月 18 日 (六) 場次（請預早 10 分鐘到店舖登記） ⏱️ 上午 9:00 至 10:00： 屯門市廣場店、T Town店、圍方店 ⏱️ 上午 9:30 至 10:30： 美麗華廣場店、荷里活廣場店、新都會廣場店、YOHO MALL店、太古城中心店 🗓️ 7 月 19 日 (日) 場次（請預早 10 分鐘到店舖登記） ⏱️ 上午 9:00 至 10:00： PopCorn店、元朗廣場店 ⏱️ 上午 9:30 至 10:30： 新港城店、利舞臺旗艦店、德福廣場店、荃新天地店、MOKO店 ----- 🎒體驗流程 呢個活動專為建議年齡 4 至 9 歲、服裝尺碼介乎 110-150cm 之間，並且可以自行換衫嘅小朋友而設。如果家中有幾位小朋友，每位 UNIQLO 會員只限為一位孩子報名一次。另外，為咗保障活動質素同現場安全，場地只容許成功報名嘅小朋友參與，當日沒辦法攜帶其他沒有報名成功嘅兄弟姊妹一同進場體驗。 活動當日，家長記得要提早 10 分鐘到達店舖登記，並必須用手機出示 UNIQLO APP 內「我的帳戶」頁面確認會員身份。 流程如下： 1️⃣ 穿搭小課堂：由店員引導學習獨立思考 2️⃣ 小小造型師：前往指定區域挑選服飾 3️⃣ 自主思考搭配：排列衣服找出最愛 4️⃣ 成果發表與頒發證書 ----- ✍️ 報名資訊速遞 📝 報名日期： 6月30日09:00 至 7月9日23:59為止 📞 通知獲邀日期： 7月13日 至 7月15日 💡 小貼士：UNIQLO 將會喺呢段期間以電話致電通知合資格嘅幸運兒。如果到時無接聽電話，獲邀資格將會被取消㗎！而不獲選嘅家長將唔會收到個別通知。 🔗 立即報名： 按此填寫報名表格 資料及圖片來源： UNIQLO HONG KONG & MACAU、UNIQLO台灣 #UNIQLO #香港親子活動 #暑假好去處 #小小造型師 #免費體驗