長沙灣打卡秘點 | 幾何+綠林風梯級園林廣場！附周邊4大必吃

文: a.Ki

18小時前

型格原石梯級，加上背靠綠色植物牆，呢度唔係外國咩？有長沙灣返工老best報料，原來離荔枝角地鐵站5分鐘嘅長沙灣83瓊林街，隱藏住一大片梯級式園林，仲有幾層樓高，超好打卡！小編Amanda立即去打卡影靚相，仲跟手搵埋附近4大必吃美食同3大特飲店，今個星期六日，一於去打卡歎cafe食雪糕jap jap jap！

打卡秘點 | 城市度假風梯級園林廣場
長沙灣83瓊林街於2024年落成，屬區「甲廈商圈」之一，整體設計走「城市度假x幾何綠林」風，擁有面積約2.7萬平方呎嘅綠化覆蓋空間，場內有大量植物，配合遠山景致，為繁忙社區注入自然氣息。

左右兩座商廈雙子塔之間，仲有一個梯級式園林廣場，整個廣場橫跨足足兩層，約有6米高，從高向下影，景色震撼，係難得一見嘅「城市綠洲」。一大片立體格仔，好適合打卡，仲可以畀人坐低chill住曬太陽。

現場所見，唔少打工仔都會趁lunch hour嚟到呢度me time放鬆，買杯外賣飲品、帶本書，為自己叉叉電！

外賣餐飲中，推介⓵精品咖啡店NOC Coffee Co.，由咖啡豆產地風貌以至水質都相當講究，係高質咖啡代名詞。 ⓶知名手搖茶飲店花斑茶社亦有進駐83瓊林街，開設姊妹店「小餅台吃」，首度供應多款台式美食，滿足你嘅台灣胃！推薦飲白桃烏龍～⓷藏身於Kiosk嘅本地咖啡新晉品牌QUAD Coffee Club，皇牌產品係Juice-Based Americano，以自家roastery咖啡豆，配合唔同產地當季水果或蔬果，做成特調嘅美式咖啡，當日小編Amanda就試咗「大青白玉苦瓜Americano」，全無苦味之餘仲清爽透心涼，消暑一流！

Info
NOC Coffee Co.
地址：瓊林街83號G01舖
營業時間：8am-5pm；星期六、日及公眾假期9am-6pm

小餅台吃
地址：瓊林街83號G05舖
營業時間：星期一至日11am-6pm

QUAD Coffee Club
地址：瓊林街83號A座1樓Kiosk
營業時間：星期一至五9am-5:30pm

享樂烘焙LY Bakery | 品牌首間旗艦Cafe

本地人氣麵包店享樂烘焙於去年8月開設旗艦店+Cafe，選址83瓊林街地面層，除咗可買走品牌每日鮮製嘅全天然牛油鬆軟麵包及其他烘焙品，亦設有堂食座位，店面設計相當ig-able，以日系木質裝潢為主，高高樓底空間感十足，配有和紙吊燈及bagel monogram和字樣牆身，最最最可愛就係Bagel造型嘅小櫈！

店內麵包區款式齊全，多款熱門包款如各式口味Bagel、楓糖千層丹麥吐司、戚風蛋糕、鹽卷系列等都有齊，當中以Bagel口味最齊全，更有專屬嘅Bagel櫃。

大蝦酪梨Bagel Sandwich
當店限定的Bagel Sandwich，煙韌紮實的Bagel配上即製牛油果蓉、爽口大蝦、日本蘭王半熟蛋和自家製cream cheese，再來一杯帶金銀花香嘅清爽冷萃咖啡，香甜清新。

帕瑪火腿RICOTTA起司酸種吐司 (合桃 | 蜜糖)
享樂烘焙嘅酸種麵包上，有甘香帕瑪火腿Parma Ham，配上清甜嘅乳清起司及蜜糖烤焗嘅合桃，係大受歡迎嘅下午茶餐點之選

開心果千層酥皮撻
蛋香滿滿嘅酥脆千層酥皮撻，配搭甘香嘅意大利開心果醬，面層再以香脆粒粒點綴，多重口感！呷一啖由老去茶事提供嘅梔子花綠茶，清淡帶花香，解膩消暑！

Info
享樂烘焙LY Bakery
地址：瓊林街83號G03&G04號舖
營業時間：7:30am-7:30pm；星期六、日及假期9am-7pm

Ganto Gelato | 每月新款限定口味Gelato

成功爆紅嘅Made in HK意大利雪糕店Ganto Gelato，以脂肪含量較低嘅高質雪糕吸客，除咗嚴選日本蛋黃及鮮牛奶，連雪糕機都專程從意大利訂購，加上多款特色口味，係唔少打工仔飯後甜品之選。

除咗6款經典味道如Tiramisu、西西里開心果及焦糖燉蛋等，每月仲會推出多款期間限定口味，當中不乏創意之作，如粟米肉粒飯、奶醬多和芒果糯米飯等，每次都有新鮮感！

今個月以香港人大愛嘅日本之旅做主題，由沖繩海鹽菠蘿、宇治極上玉露、茨城珍珠米，至北海道3.6牛乳，由南玩到北！另外仲有夏日透心涼嘅波子汽水雲呢嗱，同日本最經典嘅抹茶提拉米蘇，帶你以味蕾暢遊日本！

Info
Ganto Gelato
地址：瓊林街83號1樓104號舖
營業時間：12nn-9pm

J's Cucina | 性價比高悠閒小店

想好好欣賞梯級園林，不妨去位於一樓的J's Cucina，餐廳以柔和嘅雲石及蘋果綠作主調，加上挑高樓底同落地大玻璃，採光好加上氣氛chill，甚受區內OL歡迎，lunch時段經常都爆場，甚至要排隊等位！小店走小巧精緻風格，意粉set只需$100左右，配有餐湯、水耕菜沙律和飲品，價值相當合理。

經典卡邦尼意大利粉
價值合理卻不會將價就貨，手工意粉專程從意大利入口，貪其口感更煙靭。配上香氣濃郁意大利傳統風乾鹽漬豬臉頰肉Guanciale和Pecorino芝士，意式經典家常味道。

那不勒斯辣肉腸及利可達芝士拿坡里披薩
口感鬆脆煙靭12吋拿坡里Pizza，上有香辣惹味Piccante沙樂美腸和巨量清甜Ricotta芝士，伴隨微微炭烤味，滿足。

意大利流心牛奶芝士及蕃茄沙律配蒜茸包
意大利經典沙律，沿自南部小島卡布里Capri，清甜蕃茄配上滑溜絲滑Burrata芝士，切開後有流心效果，很好打卡。

Info
J's Cucina
地址：瓊林街83號A座1樓101號舖
營業時間：
星期一至六及假期11:30am-8:30pm
星期日 9:30am-5:30pm

開花結果 | 份量十足打工仔飯堂

迄立區內十多年嘅開花結果，係區內唔少居民及打工仔嘅「飯堂」，主打親民歐陸料理和沙律，食物極有質素，更出名「抵食夾大件」！去年搬到長沙灣83瓊林街後，依舊獲唔少熟客專程來幫襯，員工每見熟客到店，均會親切地打招呼，人情味十足。

全日大滿足早餐：懷舊炸雞髀
全日供應「大滿足早餐」，點選主菜後可自選兩款沙律，真正大滿足！幾乎屬每枱必點嘅懷舊炸雞髀，超大隻差唔多塊面咁大，外表炸至金黃香脆，內裡依舊保留超多肉汁。

精選午餐：羅馬羊架配意粉
午市套餐每日都有5款可選，當中最受食客歡迎嘅羅馬羊架意粉，羊架烤得香口之餘，羊肉亦鮮嫩多汁，相當高質！

蜜桃火雞Croissant
只係喺早餐同下午茶時段供應嘅牛角包（亦可改選法包或香草包），餡料選擇多達廿多款，鹹甜均有。脂肪含量低嘅火雞加上清甜蜜桃，輕食無負擔，OL最愛。

Info
開花結果
地址：瓊林街83號B座地下G06舖
營業時間：7am-6:45pm；星期日及公眾假期休息⁣

交通超方便 + 泊車優惠

83瓊林街離荔枝角地鐵站僅5分鐘步程，若weekend想駕車兜風，於場內電子消費滿$100，即可享有2小時免費泊車，滿$200則可享4小時免費泊車，停車場更配有電動汽車充電區(24個中充、4個快充)，相當方便！

Info
83瓊林街
地址：長沙灣瓊林街83號
交通：荔枝角地鐵站C出口步行約5分鐘

Source: 83 King Lam Street

更多真實評價

U GO

打卡熱點

瓊林街83號

【荔枝角隱世梯級綠洲🌳】

放假想搵個地方 Chill 吓？🔍 位於荔枝角嘅「瓊林街 83 號」內嘅梯級式園林廣場🌳絕對係隱世打卡聖地😍！仲有各種特色餐飲及零售店舖～🍦🥖 快啲約埋朋友weekend去Chill 吓打卡啦！即睇更多食買玩攻略：https://ulapp.hk/piqhg —————— ⭐去完以上嘅打卡位，到《U GO》評分或於社群發佈帖文，並於「地點」搜尋相關活動名稱，增加帖文曝光機會！ ▶追蹤《U GO》Facebook 及 Instagram 睇更多好去處推介啦！圖片來源：官方圖片，U creator {{hket:tag-user display="BeiBei"}}900846{{/hket:tag-user}} , {{hket:tag-user display="shibamongmong"}}696532{{/hket:tag-user}} , {{hket:tag-user display="Hiu Yee Tse"}}941510{{/hket:tag-user}} , {{hket:tag-user display="ewa.tobey.coco"}}941724{{/hket:tag-user}} , {{hket:tag-user display="changlianne"}}992349{{/hket:tag-user}} , {{hket:tag-user display="foodlocker"}}771143{{/hket:tag-user}} , {{hket:tag-user display="netfoodie"}}794794{{/hket:tag-user}} #UGO好去處情報 #荔枝角 #瓊林街83號 #打卡

閱讀更多
Tiffany Li

打卡熱點

大家諗起赤柱都會聯想到陽光與海灘。不過其實除左玩水之外都有唔少既打卡餐廳。今次想介紹一間好pink既Pane e Latte。鍾意歐陸風既你就一定唔可以錯過，呢間Cafe周圍都是打卡位，一定要影佢地外面牆壁，感覺像去左意大利度假旅行。呢度主打手工麵包、牛角包🥐、意式薄餅、甜品等，每款造型賣相都很吸引，而且味道好好吃。另外想讚下呢度既service，所有waiter/waitress都好nice，知道我地係第一次黎食臨走仲叫我地留一留步，因為想送一個blueberry Croissant比我地，真係好surprise，覺得自己真係去左歐洲咁。如果同女仔friend一齊黎食個afternoon tea再傾下計真係好寫意! #歎住靚景Staycation

閱讀更多
Raymond Cheung

西式美食

歐陸風情麵包店 🥐🍰

simple life(simplylife)又一城店係一間歐陸風格嘅bakery café,主打新鮮焗製麵包､甜品同西式簡餐,環境偏relax,好適合慢慢食同傾偈｡店舖資料店名:simplylife Bakery Café(又一城店 / Festival Walk 分店) 地址:九龍塘又一城 2 樓 L2-30 號舖(近商場中庭位置) 電話:+852 2777 5168 營業時間:早上 8:00 – 晚上 10:00(實際時間以店舖公佈為準) 環境風格採用開放式､無邊界設計,入口就係現場鮮餅及麵包製作區,有大片玻璃可以望到師傅做餅｡入口延伸入去係麵包､酥餅同蛋糕展示櫃,再入去就係主用餐區,同樣係半開放式廚房,煮食過程都睇得見,感覺幾清新又有活力｡座位區人流通常都幾多,有時要排隊,尤其假日同食飯時間｡食物特色麵包及糕點:現場烘焙歐陸風格手工麵包､丹麥酥､蛋糕等,部份產品會標示用料(例如使用法國麵粉等)｡正餐選擇: 西式早餐､英式早餐､班尼迪克蛋､奄列等早午餐類｡沙律､有機糙米飯､意大利粉､薄餅､漢堡包､炸魚薯條､三文治等,選擇算多樣｡甜品飲品:各款蛋糕､華夫餅配雪糕､咖啡等;有食客特別提到華夫餅配雪糕､薯條同漢堡包都幾受歡迎｡價位與用餐體驗價位屬中等,以商場 café 價來講唔算太貴,部分午餐 set 會包前菜(湯或沙律)加飲品,之前大約百幾港紙再加一｡分量普遍偏足,網上評價提到味道穩定､整體水準唔錯,但繁忙時間要攞籌排隊,二人枱假日約等半小時左右都算常見｡適合什麼場合? 商場shopping中途休息､歎杯咖啡加件蛋糕｡約朋友brunch / lunch / tea,環境輕鬆,又可以睇住廚房同烘焙區,好有｢歐陸 café｣感覺｡如果你喺黃大仙去,又一城坐港鐵去九龍塘幾方便,建議避開最旺嘅lunch/weekend dinner 時段,會坐得比較舒適｡ #步步糕升#西餐廳#UCreator#打卡美食#CAFE#Foodie#假期推介#又一城店#意大利粉#歐陸西餐

閱讀更多