尖沙咀酒店約$200一晚！網民入住讚高質 寬敞大房包免費迷你吧
【尖沙咀酒店推介 / 200蚊酒店 / 平價酒店實測 / 超高性價比 / 免費迷你吧】尖沙咀酒店竟然約 $200 埋單？近日有網民在小紅書分享，自己以「200（元）出頭」價格成功入住尖沙咀的粵海酒店，帖文指酒店最終承認訂單，房間約 20 平方米、浴室空間寬敞，並提供免費拖鞋、牙膏牙刷及首輪迷你吧，對於一向酒店房價偏高的尖沙咀區來說，的確相當搶眼。不過要留意，這次屬於網民個別訂房經驗，並非官方公布的固定房價，實際價格仍會因日期、房型及旺季檔期而有明顯差異。
尖沙咀酒店驚現約$200入住獲住客讚抵
香港酒店房價向來浮動大，尖沙咀一帶作為旅遊及購物熱點，房價更加一向唔算平。近日有網民在小紅書以「香港 200r 粵X酒店 BUG 後續」為題發文，分享自己最終成功入住尖沙咀一間酒店，並表示「200（元）出頭還是相當給力」。對不少成日搶酒店優惠、又怕「超平訂單」隨時被取消的旅客來說，價錢可謂相當親民。
樓主分享實拍相片：寬敞浴室房間、有齊牙刷拖鞋
根據該網民的分享及附上的實拍相片，這次入住體驗未有因為超平價而「將貨就價」，反而有幾個亮點：
房間空間：房間面積約 20 平方米，在尖沙咀區內算得上寬敞。從相片可見，房間佈置簡潔，採用木系裝潢，設有兩張單人床及掛牆大電視，床頭更設有風景燈箱裝飾。
浴室設計：浴室空間不算侷促，沖涼體驗較舒適。相片顯示洗手間以雲石紋牆身設計，設有圓形大鏡、現代化洗手盆，以及具備企缸及大花灑頭的獨立淋浴間，甚至配有智能馬桶。
免費配套：首輪迷你吧免費！網民實拍雪櫃內有 3 罐飲品（包括有得解柑桔水、冬瓜茶及檸蜜），另外更提供香港懷舊零食，如華園齋燒鵝、四洲脆脆蝦餅，以及 4 款不同口味的茶包（馬騮搣、綠茶、普洱、香片）。
小缺點：房內沒有提供樽裝水。
優越位置與環境：酒店位於尖沙咀，靠近 K11，附近食肆及酒吧較多，也有不少外籍人士出入，地段偏熱鬧。整體衛生情況 OK，夜晚亦算安靜。
如果純以網民描述及相片來看，該酒店的整體住宿質素，例如乾淨企理的浴室、豐富的小食飲品等，未見失準，性價比不錯。
溫馨提醒：未必代表長期有呢個價
不過，根據該帖文下方的留言，其他住客的入住價格差異其實相當大，可見這次大機會屬於個別日期、個別房型或特殊訂房情況。內地網民留言反映的價格落差如下：
有人表示「非假日住過這個價格」。
有人稱自己之前經攜程套票，大約 1000 多元入住。
亦有人提到電子展期間房價高達 1200 元一晚。
另有住客表示住過這間酒店的花園房，價格約 400 元。
也有留言直指「粵海住過一次真的還不錯」。
酒店價錢浮動屬正常情況，同一間酒店，淡季、展期、週末、平日，甚至房型不同或指定優惠均存價差。大家預訂酒店時可以當作參考。
原帖文：
香港粵海酒店 詳情
地址：尖沙咀寶勒巷18號
交通：港鐵尖沙咀站（A2/D2出口）或尖東站（N2出口）僅3分鐘步程
電話： 3410 8888
<< 提醒大家，購買前留意訂購平台的使用條款及細則，一切以訂購平台及酒店公佈的價錢為準。所有優惠細則更新至文章發佈日期，訂購平台及酒店保留更改優惠權利，U Lifestyle 概不負責。>>
資料及圖片來源：小紅書@大衛
銅鑼灣高質酒店僅$100一晚？雙人房每人$50平過青旅 網民揭平價真相
$100可以在銅鑼灣住到超高質酒店？近日有網民表示發掘到一間酒店，空間雖小卻五臟俱全，從房間設計、酒店外觀以及提供服務都相當高質，平均只需要$50便可以留宿1晚雙人房！網友直稱性價比極高，甚至比青年旅社的宿費更為划算，非常適合低成本旅遊人士。
-
香港攻略
沙田凱悅酒店
$950住馬料水酒店睇吐露港萬家燈火🌃
近排男朋友對沙田酒店情有獨鍾,連續兩次都揀沙田｡的確沙田酒店雖然偏僻啲,但性價比高,通常價錢唔貴空間又大｡今次佢揀咗大學站嘅沙田凱悅酒店,星期五晚$950,最正係有得2pm check out!可能係官網訂,仲upgrade左去開放式大床房🥹 一入房第一感覺係:咩都大!間房大､廁所大､連張床都好大!個景望吐露港同馬鞍山,夜晚見到唔係維港個種百萬夜景嘅繁華,而係萬家燈火嘅璀璨,呢個景應該呢間酒店獨有✨ 擺設同設備都有年代感,但整體乾淨｡張床大到可以瞓四､五個人,不過一瞓落就feel到係兩張床併埋,中間有凹凸位｡但反正張床夠大,瞓瞓吓都會演變成一人一邊,影響唔大｡間房太大,張床同電視好有距離,畫面睇落有啲細,仲要唔係smart TV,好在有帶HDMI線📺 另外我好鍾意佢部水機,可以隨時撳冷熱水,水箱仲有封條,感覺乾淨衛生💧 浴室有齊企缸同浴缸,企缸較大,浴缸就對住塊鏡,洗得乾唔乾淨都睇得一清二楚🤣 牙膏牙刷都有齊｡ 不過呢間酒店始終有啲歷史,設施偏舊,企缸去水比較差,隔音麻麻,間中會聽到出面火車聲🚆 附近冇咩嘢食,但勝在有空間､有浴缸､有靚景,仲有得2pm check out!如果價錢喺$1000以下,我覺得都可以返兜,嚟呢度環抱吓山水日月之境🍀 #沙田凱悅酒店#香港酒店推薦{{hket:campaign display="夢幻聚會好去處"}}{{/hket:campaign}}#香港情侶#拍拖好去處#香港酒店
閱讀更多
-
香港攻略
粵海181酒店
$1300住西環粵海181酒店！昂船洲海景＋望住叮叮車放空
呢幾日男朋友皮膚敏感,天氣又熱,weekend最穩陣嘅活動就係book間酒店煲劇😝佢揀咗西環粵海181酒店,海景房大概$1300,前台仲upgrade埋有浴缸嘅房｡個房景就靚啦,可惜男主角食完藥之後瞓到隻豬咁🐷就睇吓精力充沛嘅我同全程昏迷嘅男朋友喺呢間酒店嘅體驗係點~ 一入房食完藥嘅男朋友好快就衝上床瞓覺🤣張床夠大,佢大字形攤喺度我都仲有位攝上去,算啦由佢瞓｡間房空間好大,窗邊有張單人椅,坐喺度望住個海放空,感覺超治癒🌊 房景見到昂船洲,視野好廣闊,望落去仲見到電車廠,一架架叮叮車排晒喺度好似玩具車咁超得意🚃 間房嘅零食同飲品都係免費,一路睇景一路啪齋燒鵝,真係幾爽🤣 電視有得睇YouTube,但冇Netflix,要自己帶HDMI線｡做完一堆無聊嘢之後終於叫醒男朋友食飯｡呢度雖然冇得煮嘢食,但餐具齊全,就算外賣冇餐具都唔使驚｡整體房間幾舒服,不過夜晚覺得冷氣唔係好夠,可能間房大,有啲位會比較焗｡ 廁所因為upgrade咗有浴缸,一個人浸舒適,兩個人迫少少都ok,仲有個架可以一路浸浴一路煲劇🛁 不過企缸沖咗幾次涼都有滲水出去,可能道門閂得唔實,次次都要抹地｡另外冇全身鏡,如果有埋會更加方便｡ 整體嚟講,呢間房空間大､景色靚,雖然唔算新淨但乾淨企理｡男朋友雖然瞓咗好耐,好彩酒店俾我哋 1pm check out,第二朝都叫有時間享受下間房｡以$1300嚟講,算係可以接受嘅~ #粵海181酒店#西環酒店#海景房{{hket:campaign display="激玩水上樂園"}}{{/hket:campaign}}#拍拖好去處#打卡
閱讀更多
-
珠海攻略
珠海市
中國/珠海位置便利特式酒店體驗
房間設計樓高兩層,打開房門為客廳､廚房､洗手間｡内置樓梯,需行樓梯上去先係睡眠區｡ 優點: -位置便利,距離700米行到去富華里,有得食有得行街街~ -樓底十分高｡ -設有小型廚房,備有電磁爐,可供煮食｡ -附有超大型冰櫃｡ -客廳同睡眠區分佈不同樓梯,兩人同行可各有天地｡ -風筒採用手感觸性,需手握先有風出,非常方便｡ -睡眠區同客廳各有一部空調｡ -提供兩張房咭｡ -酒店大堂佈置美觀,打咭一流｡ 缺點: -睡眠區為於樓梯之上,每次去洗手間都必先經過樓梯｡ -風筒採用手感觸性出風,有啲人未必喜歡｡ -usb插頭只有書枱先有｡提議床頭和沙發位應加插｡ -睡眠區沒有電視｡ -由於樓底甚高,需要爬高才能人手拉動窗簾｡ 結論:喆啡酒店大堂佈置時尚潮流,位置便利｡房間價錢性價比,唯未能接受需室內行樓梯既人士就不建議選這款房間｡ 喆啡酒店(珠海拱北口岸森宇富通店) 地址:珠海香洲區粵海中路2133號森宇富通商務大廈 #喆啡酒店#特色住宿#珠海酒店 {{hket:campaign display="eattofit"}}{{/hket:campaign}}#ucreator#ucreatorhk
閱讀更多
港生活人氣好去處
↓【香港貓迷博覽會2026🐱】大派300張門票！✨↓
一連3日！帶埋主子入場
↓【限時搶⚡】黑白®85周年限定迷你積木↓
↓3款限定精品↓
U GO 本週好去處
