3D2N 廣州長隆深度遊攻略｜水上電音＋過山車＋大馬戲 (附出遊貼士)

Day 1：抵達＋歡樂世界「機動遊戲朝聖日」
早上坐高鐵去廣州南站，大約 1 小時車程，之後約 10 分鐘的士直達廣州長隆度假區，快捷又方便。

抵達後到長隆酒店Check-in，一入去就係森林風格大堂，打卡位超多，氣氛即刻好有「度假 feel」。酒店地理位置勁正，行酒店專用通道約 5 分鐘就可以去到水上樂園、歡樂世界同國際大馬戲，仲有穿梭巴士 5 分鐘到野生動物世界，之後 3 日出入都超方便。

放低行李後，喺酒店白虎自助餐廳食個lunch先，一邊食住豐盛 Buffet，窗外就係白虎同火烈鳥，呢個畫面放上 IG 一定有勁多小飛機賺爆Like！

長隆歡樂世界 | 激玩過山車
放低行李，稍為休息，就可以行過去【長隆歡樂世界】正式開局。推介大家必玩幾個項目：

• 火箭過山車
模仿跳樓式俯衝，喺 60 幾米高空垂直 90 度「掛住」幾秒再衝落嚟，嗌到喉嚨痛都似！

• 超級海盜船
以60°超大擺幅、高載客量著稱，可以容納約100人，中高刺激程度，一家大細都啱玩。

• 彈射過山車
由0至100加速，模擬火箭發射，感受流星般嘅快感。全新開放，追新求刺激感一定要排入行程。

Day 2：全日水上樂園＋夜晚水上電音派對
夏天就係要玩水消暑，第二日就留俾【廣州長隆水上樂園】，由朝玩到晚完全盡情濕身。

水上樂園 | 必玩3大巔峰新設備

• 風暴雙響炮
約 33 米高視角，似老鷹急速俯衝咁衝入雙重超級大喇叭，途中仲會有「斷崖式」旋轉體驗10層樓高嘅大眼雞滾筒洗衣機，轉到你懷疑人生。

• 沖天雙浪板
先喺 33 米高空有蹦極感覺嘅起跳，之後沿住大約 260 米滑道不斷失重，玩完腳仔全程失重體驗，愛刺激人士必試。

• 磁力炮水上過山車
近 500 米超長水上軌道，以每秒約11米速度磁力彈射起飛，上一秒仲喺浪尖俯衝，下一秒已經水上漂移，重新定義「水上過山車驚嚇程度」。

玩到攰仲可以返長隆酒店房抖一陣後再戰，因為住客可以無限次進出園區，玩到攰隨時退場休息再入去，完全唔怕蝕門票。

水上電音派對 | 夜晚繼續玩 

玩完刺激水上樂園仲有氣有力的話，記住參加埋【水上電音派對】！晚上造浪池變身萬人夜店，有 12 台高射水炮加火焰煙花，Dancer 同 DJ 帶動全場，配合勁歌熱舞、DJ 打碟、燈光效果，氣氛超級 high。

Day 3：野生動物世界＋國際大馬戲
最後一日放慢腳步「用眼睛旅行」，主力歡賞邊玩邊打卡。

長隆野生動物世界 | 近距離見「動物明星」
【長隆野生動物世界】被譽為動物種類非常多野生動物園之一，有大量珍貴動物可以近距離接觸，例如有全球唯一存活嘅大熊貓三胞胎「萌萌、帥帥、酷酷」，加埋「妹豬」等後代，更加有8代同堂80多隻樹熊大家族，畫面有夠療癒，是繼澳洲以外最多樹熊嘅集中地。仲有長頸鹿、斑馬、亞洲象、犀牛、河馬、長鼻猴、澳洲樹熊家族等，過百種平時喺香港少見嘅動物一次過見晒，影相打卡一流。
小貼士話你知，唔願行嘅可以揀搭園區小火車參觀唔同區域，慳腳骨力又慳時間。

長隆國際大馬戲 | 世界級壓軸表演
來都來了，旅程最後一站梗係要睇埋馬戲先夠完滿。被喻為世界級大舞台，配合森林實景舞台設計，視覺效果好震撼。國際團隊帶嚟雜技、特技表演，結合燈光音效，保證睇到拍爛手掌目瞪口呆。

玩得更爽更抵小貼士

• 留意官方網站推出嘅長隆酒店套票 https://www.chimelongresort.com/#/GZ/discount?type=3
• 住廣州長隆度假區旗下酒店，限時送自助早餐、水上樂園門票，一次過搞掂食住玩。
• 住酒店記得要善用其優勢，就係無限次進出園區，善用午休時間返房抖一陣；仲有優惠購買指定園區「快速參玩手環」，熱門設施少排隊，多玩幾轉先夠皮。
• 想人少啲、排隊短啲，建議平日出發，再避開內地大型假期，玩起上嚟會舒服好多。

*Source: 長隆歡樂世界