2026文具佬8大必買推薦！Threads爆紅明信片！港人讚：好啱做香港手信！器官匙扣/減壓公仔$6.9起
近日文具佬推出一系列「港鐵粗口明信片」，憑住紙皮石設計、港鐵站名及港式口頭禪元素，在Threads掀起熱議。不少港人大讚產品「夠晒代表性」、「真係好香港」，更直言非常適合作為香港手信。記者更直擊中環分店，店員透露系列產品已火速售罄，最快星期六先再補貨。除了爆紅明信片外，記者亦整理文具佬7大必買好物，即睇有咩人氣產品啦！
文具佬「港鐵粗口明信片」爆紅 港人激讚：夠哂代表性
近日有港人在社交平台Threads發帖，大讚文具佬生活百貨新推出一系列極具香港特色的明信片，更直言「點解無人講文具佬竟然有呢啲咁有香港地道文化嘅野」。
樓主隨後分享多張照片，可見店內正出售多款「港鐵粗口明信片」，包括佐敦、彩虹、旺角、尖沙咀、九龍塘、銅鑼灣及天后等熱門車站，明信片售價只需$20，性價比甚高。
卡片設計以香港常見的「紙皮石」元素作背景，再配上港鐵站名，整體充滿濃厚本土味道。最特別之處是卡片會隨光線及觀看角度不同，浮現各種港式口頭禪甚至粗言穢語。卡片底部更印有一句「亂講粗口，罰款高達$50000，求求你不要再講」，玩味十足，令不少網民直呼「真係好香港」。
樓主亦留言表示，「地鐵站同紙皮石襯埋真係好香港」、「眼見得呢幾個」、「夠哂有代表性」，認為設計成功將香港街頭文化融入產品之中。
網民狂讚：好啱做香港手信
帖文一出，隨即引來大量港人留言，「正喎，好啱送人／做手信」、「紙皮石簡直係香港文化遺產，又靚」，不少人大讚該款明信片創意十足，設計既懷舊又有本土情懷，非常適合作為香港手信送給外國朋友。亦有人笑言：「文具佬最近真係好多奇怪野」，更有網民表示「我上次見到都覺得好好笑」，認為產品成功展現香港獨有文化特色。
即睇網民留言
- 香港手信，說好香港故事
- 文具佬最近真係好多奇怪野
- 我上次見到都覺得好好笑
- 紙皮石簡直係香港文化遺產，又靚
- 呢個整得好靚
- 係咪全站有，想買番自己屋企山腳個站
- 正喎，好啱送人/做手信
- 文具佬值得支持
- 今日即刻去買咗！居家旅行教外國人廣東話必備
「港鐵粗口明信片」最快星期六補貨
不過，亦有網民表示暫時未見到產品，「上星期去金鐘行過下文具佬，不過真係未見過咁有特色嘅產品」、「星期一去過中環同上環店都冇見過，應該係新嘢」，更有人問「係咪全站有，想買番自己屋企山腳個站」。記者其後到中環分店直擊，店員透露地鐵站系列精品目前已經售罄，不少款式推出後迅速被掃空，預計最快要到星期六才會補貨。
記者現場直擊！文具佬7樣「必買好物」清單一覽
除了港鐵粗口明信片外，不少Threads網民亦趁機分享其他文具佬必買好物，紛紛留言：「文具佬梗係買器官匙扣啦」、「仲有67 File」、「文具佬梗係買減壓公仔」，激讚文具佬近年愈來愈多創意產品，甚至變成不少港人的尋寶天堂。下文整理了7款文具佬人氣貨品，價錢低至$6.9就有交易，即刻跟記者直擊多款必買好物啦！
文具佬必買好物｜1. 人類器官匙扣
現時文具佬推出多款人體器官造型鎖匙扣，包括心臟、腦袋、胰臟、大腸等，設計搞怪又帶點教育意味，每個售價不用$13就買到，不少學生及醫護人士都大愛。
文具佬必買好物｜2. 減壓小物
店內長期熱賣各類減壓公仔及按鍵小物，不少產品主打「無聊但好玩」，價錢由$6.9起，連網民也力推是打工仔必備紓壓恩物。
文具佬必買好物｜3. 資料夾（File）
文具佬多年來推出不少特色資料夾，包括人體器官系列、太陽系、元素週期表、九因歌及「67」系列等，設計玩味十足，深受學生族群歡迎，售價低至$15即可入手，File控記得唔好錯過啦！
文具佬必買好物｜4. 日本蜜糖Shake Shake粉
近年文具佬亦引入不少零食產品，當中包括McCormick蜜糖BBQ調味粉，價錢只需$48就買到。不少網民亦在Threads表示該款調味粉加入薯條、薯片或雞翼後風味升級，甚至認為「比麥當勞蜜糖Shake Shake粉更有層次」。
文具佬必買好物｜5. Dustykid麈系列
本地人氣插畫角色Dustykid麈系列亦是文具佬主打產品之一，品牌主打溫柔陪伴感，不少產品都寫上鼓勵句子，包括貼紙、立牌、磁吸燈箱等都有，深受學生及上班族歡迎。
現在最平$25買到打氣印章，不用$30買到木製明信片，記事簿更減至$16，每款都充滿療癒文字風格。現時於文具佬門市購物滿折實價$66元，更可獲$20現金優惠券及Dustykid限量盲卡，非常抵買。
文具佬必買好物｜6. Chiikawa系列
文具佬還會定期引入人氣角色Chiikawa（吉伊卡哇）系列產品，包括扭蛋、公仔、文具及家居用品等，每逢新貨推出都吸引不少粉絲搶購。
文具佬必買好物｜7. 貓貓產品
現時文具佬店內還有大量貓咪主題精品，由文具、生活雜貨到療癒系小物都有，部份限定商品更只於石門、將軍澳中心、金鐘及中環店發售，吸引不少貓奴朝聖。
來源：Threads@celine.x.sean(授權轉載)、文具佬生活百貨
-
香港攻略
朗豪坊
嘩嘩嘩🤩點解朗豪坊突然多咗咁多水管嘅💫
原來係瑪利歐主題活動｢Super Mario Experience 2026｣正式登場🌙 商場化身🌏Super Mario World 🌏大人小朋友都好興奮呀🥳 係4樓中庭可以一次過試玩Super Mario系列嘅Switch 2 遊戲🎮 🛞瑪利歐賽車世界🛞 🎾瑪利歐網球狂熱🎾 🌌超級瑪利歐 銀河 + 超級瑪利歐 銀河2🪐 🍄超級瑪利歐兄弟 驚奇🍄 可以一次過比你試玩全系列係咪超開心先?😍 場內仲設有多個經典場景打卡!必影水管打卡位!📸 影完相,打完機緊係要Shopping啦!🛍️ 除咗多款人氣精品之間仲有會場優先發售嘅 Nintendo Switch 2控制器🎮同便攜包,超特別呀! 而｢閒聊花花｣仲可以現場接受預訂😌 ⭐️會場特典 於會場任何消費每單贈送精美明信片一張, 滿HKD 300更可獲得超級瑪利歐立牌一個｡ ⭐️完成不同任務,可到12樓會場獲得額外特典! 於12樓完成Nintendo Account Check-in 可獲貼紙一張;完成問卷可獲鑰匙扣一個｡ ⭐️完成試玩後,可獲得該遊戲的精美貼紙一張 及額外5分鐘體驗｢Nintendo GameCube™ – Nintendo Classics｣或｢Super Famicom Nintendo Classics｣ ⭐️凡於｢Super Mario Experience 2026｣4樓會場購物或試玩,凡換領券可額外於12樓換領瑪利歐燈箱一個｡ ⭐️12樓會場仲可以體驗智慧型手機專用應用程式——《Nintendo Today!》,咁就唔會錯過重要消息啦! 🍄 Super Mario Experience 2026 🍄 📅3月4日至3月16日 🕐10:30-22:00 📍朗豪坊4樓中庭及12樓Live Stage @nintendo.hk #nintendo#任天堂#supermario#Mario#switch#Switch2#打卡#打卡熱點#好去處#ucreator#ucreatorhk#supermarioexperience#超級瑪利歐#親子好去處#親子活動#旺角好去處#親子kol#親子blogger
閱讀更多
-
日本攻略
Threads爆紅 ! 經常斷貨！日本製蜜糖BBQ調味粉 香港邊度買到?
最近 Threads 脆友瘋傳嘅「神級調味粉」你買咗未？身為炸物控，平時去 M 記最期待就係蜜糖 BBQ 味嘅 Shake Shake 粉，估唔到最近喺大生超市竟然搵到「平替升級版」！呢款由日本 McCormick 專門調製嘅蜜糖 BBQ 調味粉，一上架就因為太受歡迎而全線斷貨，簡直係一罐難求。 唔少網民試完之後都大讚，話佢嘅味道比起麥當勞版本更加濃郁有層次，甜度啱啱好，唔會死甜，甚至有人話食落有一種珍珍薯圈嘅煙肉香氣，越食越上癮，成功幫大家實現「Shake Shake 粉自由」！ 呢款調味粉最正嘅地方係極之萬能，唔止係薯條、薯片嘅靈魂伴侶，攞嚟氣炸雞翼、炸雞或者炒烏冬都一樣咁惹味。佢完美結合咗美式煙燻肉香同蜜糖嘅微酸甜味，只要隨手一灑一搖，普通炸物瞬間變身成美式快餐店嘅高級滋味。 加上 260g 嘅大容量包裝只係賣 $48，比起平時一小包一小包咁買抵好多，絕對係屋企宵夜或者開 Party 嘅必備神器。而家想入手嘅朋友真係要憑運氣去大生碰碰門釘，見到有貨就記住要即刻掃返罐返屋企慢慢 Shake！ source: 大生，McCormick #攻略
閱讀更多
-
台灣攻略
華山1914文化創意產業園區
台灣限定！底褲兔快閃萌爆！🐰💖
// 🐰台灣限定 : Opanchu Usagi快閃店 // . 快閃台灣✈️其中一個行程係去華山文創園區, 去咗日本人氣IP角色~ 底褲兔快閃店, 現埸有打卡位📸､限定商品🛍, 限定餐點🥤｡ . 快閃店以底褲兔🐰嘅日常世界為主題, 打造多個沉浸式拍照場景📸, 重現漫畫可憐又可愛日常｡其中之一亮點大型底褲兔吹氣公仔🎈, 另外仲有紙箱貓咪牆同網美街拍哈哈鏡區🪞｡ . 現場有限定姓名貼紙機, 貼紙相機📸, 可以同底褲兔合照, 另外有2款套色印章,搭配專屬明信片,成為獨一無二值得收藏嘅限定版紀念明信片✨｡ . 特別推出限定餐點🥡,有豐富表情雞蛋糕🥧､香噴噴嘅6吋燻雞Pizza🍕､兔耳造型雙色甜甜圈🥯｡限定飲品有夢幻漂浮草莓蘇打🥤､黑糖珍珠奶茶🧋,同草莓熱奶茶🥤, 每杯都有限定杯套同吸管套, 餐飲消費滿💰台幣250元, 即送貼紙一張, 一共4款｡ . 多款精選周邊, 絨毛抱枕､底褲兔表情扣針､髮圈､杯墊､造型筆✒️､文件夾🗂､立牌､盲抽等等｡買滿💰台幣799元,即隨機送明信片一張, 一共有2款｡ . 單筆消費滿💰台幣999元,可以加台幣147元選購限量環保袋1個｡ . 褲褲兔限定店 📅日子:即日-2026年2月23日 📍地點 :華山1914文化創意產業園區 台灣臺北市中正區八德路一段1號 中7A館 時間 : 11:00–18:00 . . . . . . ｰｰｰ｡:.ﾟ꒰ᐡ⸝ɞ̴̶̷ ·̮ ɞ̴̶̷⸝ᐡ꒱.:｡ｰｰｰ ✩˚｡⋆ ࣪生活日常|旅行打卡|美食分享|香港好去處࣪⋰˚☆ 𝕀𝔾👉🏻: @kkkkkomi.c 𝔽𝕒𝕔𝕖𝕓𝕠𝕠𝕜👉🏻:Kkkkkkomi ｰｰｰｰｰｰｰｰｰｰｰｰｰｰ . #おぱんちゅうさぎ #OpanchuUsagi#底褲兔#褲褲兔#底褲兔快閃店#華山文創園區#期間限定商品
閱讀更多
港生活限時優惠情報
-
1
銅鑼灣時代廣場名牌開倉低至1折！手袋/背囊/意大利皮鞋/日本遮$100起！Doughnut、Coach、COLE HAAN、Sam Edelman
-
2
現場直擊 | 中環Le Creuset開倉低至3折！琺瑯鑄鐵鍋劈價低至$500／陶瓷餐具減至$80起／附每日限量精選及換購優惠
-
3
機票優惠｜國泰航空送150萬里數！免費贏雙人來回商務艙機票！登記額外送抽獎次數 一招激增「10倍中獎機會」！
-
4
百佳優惠｜百佳特賣場回歸 全場低至1折！必買$1維他檸檬茶/美國肉眼牛扒！易賞錢會員免費拎$18優惠券
-
5
【5月生日優惠2026】逾70個食買玩著數全集 迪士尼酒店65折/Uniqlo送現金券/半島自助餐買1送1！
↓【😋免費請您食餐飯！】↓
Oliver’s Super Sandwiches全新夏日餐單☀️
↓【限時搶⚡】Capybara PIMOO CAPY豚長春日Chill Cute禮品↓
↓豚長Chill歎摺疊傘｜豚長閉目養神頸枕↓
搵好去處