MUJI無印良品「拍拍燈」爆紅！超治癒柔光燈$98起網民激讚夠光+好捏：夜晚玩手機睇書一流

文: 梁穎心

4小時前

MUJI好物｜MUJI必買｜無印良品推介｜MUJI無印良品一款「拍拍燈」近期爆紅！夜晚熄燈玩手機、睇書驚傷眼？MUJI這款長期熱賣的「充電式可調節柔光燈」幫到你！呢款被網民親切稱為「拍拍燈」的小夜燈，售價只需 $98 起。它最治癒的地方是採用了磨砂硅膠外殼，觸感極其柔軟，圓潤的外觀好捏又解壓，簡直是睡前必備的「紓壓玩具」！有用家更自備掛繩，將小夜燈掛到手袋、狗繩、單車車頭，出夜街都唔怕撞到人！若房間或書枱自用，可以另行配備小吊架勾起柔光燈，方便使用。

MUJI好物｜MUJI充電式可調節柔光燈爆紅

想買「美麗廢物」或「小夜燈」的朋友留意喇！如果你正在尋找一款能夠提升生活幸福感的小物，MUJI的二段式可調節柔光燈絕對值得放入購物車！這款小夜燈被眾多網民親切稱為「拍拍燈」，除了亮度充足這一大優點，它的磨砂硅膠外殼亦大大加分。柔光燈外觀圓潤，觸感柔軟，有點似市面上的「捏捏」紓壓玩具，有網民坦言睡前隨手捏一捏非常解壓。

點擊圖片放大

MUJI好物｜操作方法簡易方法大受好評

柔光燈配備暖光LED（色溫2800-3200K），並提供弱與強兩段式亮度調節，能輕鬆營造溫暖舒適的氛圍。操作方式極為方便，只需用手輕輕拍打、捏一捏，或是用力撞擊放置燈具的床頭即可切換亮度，半夜無需辛苦摸黑找開關。

對於有失眠困擾或習慣夜晚起身去廁所的人來說，在完全黑暗的環境下，這款夜燈的光線比電子書的背光或手機螢幕對眼睛更加友善，不會刺眼。

點擊圖片放大

MUJI好物｜續航力驚人兼隨處可掛

雖然這款柔光燈為充電設計，不過續航力絕對不輸蝕。小燈採USB-C接口設計，充電方便快捷，只需約2小時就差爆電。翻查用家評價，均大讚電池續航力，有人表示天天使用，接近一個月都不用充電；甚至有網民開了一整晚忘記關，之後幾天還能繼續使用。

燈具設計輕巧且可移動使用，許多網民發揮創意，自行搭配手機掛繩或小吊架，將其掛在床頭、磁吸手機支架上，甚至是踩單車時時掛在車頭作照明用。

點擊圖片放大

MUJI好物｜香港無印良品設兩款尺寸選擇

記者翻查無印官網，發現此柔光燈共有4款不同尺寸，不過香港目前只有中版與迷你版。有網民表示，如果主要作為夜燈使用，建議選擇中版（標準款）會更符合需求，亦有狂熱用家將最小號到最大號全部買齊。

如果有興趣入手，但又不太急切需要，建議等到MUJI周年祭或週間MUJI week有折扣時再購買。

點擊圖片放大

	充電式可調節柔光燈	迷你充電式可調節柔光燈
售價	$148	$98
電池容量	1400 mAh	500 mAh
充電時間	約2小時	約2小時
使用時間 (弱光)	約91小時	約64小時
使用時間 (強光)	約12小時	約13小時
包裝規格	100x100x96mm	53.7x54.8x50.8mm

來源：MUJI@Facebook、MUJI、MUJI

無印良品

更多真實評價

U Travel

家居

日本MUJI推出便攜充氣床墊！1.7kg 輕量化、免吹氣腳踏充氣！

日本無印良品推出新款充氣床墊，主打輕巧與內建充氣功能✨非常輕巧實用，放在家裡或車廂都不佔空間！目前日本官網已缺貨，期待日後補貨及海外市場同步推出🤩！ #MUJI #無印良品來源：日本MUJI 官網

閱讀更多
牛角包

狗

山林里農莊

2026 Snow Peak Fans Meeting

第一次參加𝙲𝙰𝚁𝚁𝚈𝚒𝚗嘅𝙳𝚊𝚢 𝙲𝚊𝚖𝚙 𝙻𝚘𝚖𝚘由上年已經一路等緊幾時可以報名 ( ᵒ̴̶̷̥́~ᵒ̴̶̷̣̥̀ ) 今次終於輪到我地去玩啦!! 場地佈置得好靚全部都係𝚂𝚗𝚘𝚠 𝙿𝚎𝚊𝚔嘅產品除咗有嘢睇有嘢買之外仲有嘢學(*ฅ́˘ฅ̀*) 我地去聽左急救班同𝚍𝚘𝚐 𝚝𝚛𝚊𝚒𝚗𝚒𝚗𝚐堂學到唔少嘢 𝙻𝚘𝚖𝚘仲參加左蛋糕班整左個包包達摩🩵一分鐘已經𝙹𝚊𝚙曬(ᵒ̴̷͈ᗨᵒ̴̶̷͈ ) 最重要係有超大草地瘋狂跑 𝙻𝚘𝚍𝚊𝚞可以無限次預備 𝟷𝟸𝟹 🏃🏻‍♀️ 跑到個身都變咗灰色🤦🏻‍♀️ 𝙻𝚘𝚖𝚘都係個句肥包有幾污糟就玩得有幾開心🥹🥹 期待之後嘅活動呢~ #社群共創攻略#寵物放電攻略

閱讀更多
U Magazine

日本攻略

日本品牌設計自帶樹葉影子野餐墊🍃

日本品牌 Repepa 最近推出咗超治癒「斑駁日光野餐墊（木漏れ日レジャーシート）」，設計師將陽光穿透樹葉縫隙灑落嚟嘅一瞬間完美印刷喺墊面上🍃 只要鋪開張墊，圓潤嘅光斑同綠葉交織，好似連風聲都聽得到，將大自然嘅溫柔化成永不褪色嘅風景📸無論係去郊外野餐，定係喺屋企露台放空，呢份「森林感」絕對可以瞬間令你心情變好！日光野餐墊詳情銷售點：Repepa官方網站售價：¥1,320至¥2,750日元（約港元$66至$137） #野餐墊 #森林感 #日本

閱讀更多