結業潮｜旺角通達食店「光榮結業」！經營逾30年老字號都做唔住？網民不捨：由細食到大
再有老字號告別！位於旺角花園街、開業逾30年的通達食店，近日貼出「租約期滿・光榮結業」告示，宣布將於6月結束營業。消息一出，隨即引起大批網民關注，多名街坊直言「由細食到大」，對咖哩魚蛋、粢飯等招牌小食即將成回憶感到不捨。
旺角通達食店現場貼告示「光榮結業」
日前（5日）前醫管局聯網總監陸志聰於其社交平台發文，表示發現位於旺角花園街的通達食店即將結業。他寫道：「第一次為意到呢間舖頭，我唔好油渣麵，所以冇幫襯，目測啲燒賣好似唔錯，大家有冇經驗分享？ #光榮結業 #街頭小食」，並上載兩張現場照片。
從照片可見，店舖門外貼出結業通知，寫明「租約期滿 ‧ 光榮結業」，但並未公布最後營業日。告示中提到，該店於90年代初在葵涌廣場商場舖開業，其後遷至太子花園街地舖經營至今，感謝顧客30多年來支持，並以「天下無不散之筵席」形容結業心情，盼在餘下營業日子再見街坊幾面。
90年代創店 魚蛋燒賣陪伴街坊成長
據了解，通達食店經營逾30年，除旺角花園街外，亦於油麻地碧街設分店，是不少港人熟悉的港式街頭小食店。店內主打燒賣、腸粉、魚餅、碗仔翅等經典小食，亦有售懷舊脆油渣麵，招牌魚蛋只需$13就食到，價錢親民。對不少街坊而言，通達食店不只是小食店，更是成長回憶。有食客表示20年前已開始光顧，「由細食到大」，雖然未必是「人間美味」，卻有一份難以取代的人情味與習慣。
港人震驚：佢都唔做？
消息傳出後，不少網民感到震驚，紛紛留言：「唔係呱，佢都唔做！？」、「經常幫襯，估唔到會結業」，甚至有街坊表示經常幫襯，「估唔到會結業」，字裡行間盡是不捨。有人直言咖哩魚蛋是最愛，「一食就二十幾年」，亦有人慨嘆早十年八年或許仍有條件繼續經營，「現在想做都好難做」。
即睇網民留言
- 經常幫襯，估唔到會結業
- 我20年前就已經開始食過
- 呢間真係由細食到大，老實講呢檔野唔係話咩人間美味，但真係有多小唔想佢結業
- 唔係呱，佢都唔做！？
- 花園街依間唔做啦？
- 我至愛的咖哩魚蛋！其他試過真係一般！不過一食就二十幾年
- 早十年八年唔休做，現在想做都好難做
街坊不捨：辣魚蛋、粢飯成絕響
另有不少住在附近的居民留言懷念店內招牌小食，大讚咖哩魚蛋、燒賣、煎釀三寶及魚餅「最正」，更有人指辣魚蛋「食咗好多年」。當中粢飯亦成熱話，有網民表示可要求多肉鬆及多榨菜，用料十足，「雖然貴，但可以當一個lunch」。對不少人而言，通達承載的是多年日常與回憶，如今宣布結業，難免令人感嘆時代變遷。
即睇網民留言
-
香港攻略
新興街106號
長洲甘永泰魚蛋😭 8月15日結業！最後機會食招牌大魚蛋！
魚蛋是香港傳統小食檔特色小食之一，從小食到大，放工放學就會去街頭篤魚蛋，口感圓滑彈牙，加了咖哩醬之後更是風味大增，香濃惹味。 當中屹立長洲逾40年的「甘永泰魚蛋」，十分出名，其招牌大魚蛋更是備受港人及旅客的歡迎，它將於8月15日結業。 本人一家便去長洲品嚐它的魚蛋，以前每次入長洲都買來食，是長洲最好食物的魚蛋。 我真係好心痛睇到新聞報道好多歷史悠久店舖結業和感到不拾。但是，潮起潮落，有開始便有終結。各位會員在8月15日前，把握機會品嚐甘永泰充滿濃郁魚味和夠晒彈牙魚蛋。 #chill賞遊世界 #中秋想您愈食愈圓2024 #香噴噴 #甘永泰魚蛋 #長洲美食 #長洲
閱讀更多
-
香港攻略
九記魚蛋王
香港老字號魚蛋廠出咗小食店！到底抵唔抵食？
行過附近見到佢做緊 $10 十粒魚蛋,見幾抵又有少少肚餓,就買嚟試下,仲加咗份蟹黃碗仔翅同鹽水雞｡ 🍢 魚蛋 $10/10真係幾抵食,個醬都好惹味,不過魚蛋唔算特別大粒,亦食唔出有咩魚味😅 純粹係過口癮､填肚之選｡ 🥣 蟹黃碗仔翅 味道OK,同普通碗仔翅唔同,真係多咗陣蟹黃味｡個人覺得加埋醋之後,個蟹黃味仲突出咗｡木耳同冬菇都算多,但就冇乜雞絲｡ 🍗 鹽水雞 底層墊咗青瓜絲,一齊食幾清新｡雞唔油膩,雞皮仲幾爽滑｡我呢份雞胸比例多啲,但唔會話好乾柴｡而家呢啲咁熱嘅天氣食係幾爽,輕盈無負擔｡ 💡 總結 $10魚蛋抵食但普通,蟹黃碗仔翅有特色,鹽水雞清爽啱夏天｡整體係一間可以一試嘅街頭小店,路過可以買嚟過口癮｡ 📍九記魚蛋王 旺角弼街49A號地舖 #街頭小食#魚蛋#碗仔翅#鹽水雞#平民美食
閱讀更多
-
香港攻略
通達食店係地道港式風味！🥳必食佢哋嘅招牌咖喱魚蛋，夠彈牙又入味，腸粉淋上混醬好正,脆油渣麵懷舊香口，加啲辣蘿蔔乾更加惹味,鋪頭細細但成日爆棚，想食要早少少嚟！🤣 #步步糕升
閱讀更多
港生活人氣本地熱話
↓【免費請您試用！】↓
Mustela嬰幼兒夏日防護套裝！
《U GO》請您睇《嚇房》！
A24驚慄新作🚪改編自全球破2億點擊嘅網絡傳說💻
搵好去處