文武廟拜完即收2個Offer！$18求職神物爆紅 揭仙界勞工處神卡攻略
【文武廟 / 仙界勞工處 / 開運 / 失業求職 / Profit God許願卡】近年被全港網民封為「仙界勞工處」的文武廟，因為求事業、求學業極為靈驗，在Threads上爆紅成為失業大軍的避風港。早前廟方更推出「Offer God 許願卡」，瞬間被搶購一空，有網民更分享自己去完文武廟配合許願卡，在短時間內即收錄取通知！廟方近日再度出招，推出全新「Profit God 許願卡」，主打「一本萬利」，定價只需 $18，吸引大批自僱一族、老闆和跑數 Sales 瘋狂搶購，大讚必須集齊兩款看門口！
文武廟推「Profit God」主打一本萬利
上環文武廟供奉的「文武二帝」職司各有不同。文昌帝君主宰學問與智慧啟迪，主管名祿、文職晉升；而武帝關聖帝君則負責驅邪伏魔、改善職場人際、主財富及逢凶化吉，故有不少打工仔想求職、工作不順，都會到文武廟拜拜開運。最近，文武廟正式推出武帝加持的「Profit God 許願卡」，專為自僱一族、創業者、公司老闆以及需要跑數的 Sales 經紀而設，卡上印有極具氣勢的燙金關刀和金元寶，並寫上「一本萬利」，寓意大家用手指摸一摸，就能財利雙收、業績爆數、偏財亨通。
「Offer God」曾一度引發全港斷貨潮
其實在「Profit God 許願卡」之前，廟方已為失業大軍及想轉工人士，推出過一款「Offer God 許願卡」，更受歡迎到每次補貨都光速售罄。「Offer God 許願卡」將傳統的祈福卡與文昌帝君卡通結合，另一面就寫上「豐薪厚祿」，寓意祝願各位搵工朋友早日找到心儀的工作，而返緊工的打工仔就加薪升職，一度引發全港斷貨潮。
網民超靈驗神蹟：拜完+許願卡加持即收Offer
「Profit God」一推出，隨即在 Threads 等社交平台上掀起瘋狂洗版熱潮，不少網民看過精緻的燙金設計後激讚「勁正，仲要有埋燙金」！除了設計精美，網民更紛紛分享自己去完這間「仙界勞工處」後的靈驗遭遇。不少正面臨失業危機或求職人士都曾自己的靈驗經歷，直言「文武廟真係掂！加埋 Offer God，今日居然一口氣收到兩個 Offer」！亦有打工仔表示自己同樣在拜完兼入手許願卡後，剛好隔了一個星期就驚喜收到新公司的電話 Offer。種種開運神蹟讓網民集體跟風入手，並大讚文武二帝簡直是香港打工仔的「最強後盾」。
點樣入手？兩款許願卡點揀好？
這兩款紅透網絡的「Offer God」與「Profit God」許願卡目前於上環文武廟內紀念品店及網店限定發售，每張售價港幣 $18。不過由於許願卡極受歡迎，隨時可能因反應踴躍而再度短暫缺貨。建議大家前往參拜時，可以根據自己的職場需求選擇：求新工作、考牌可選「Offer God」；自己做生意、跑數、創業、想賺到盆滿鉢滿則必選「Profit God」。不過有網民就指，最理想當然是「集齊兩款看門囗」，那就無論是正財定偏財、好 Offer 還是大 Profit 都能全部賺到盡啦！
廟方親授升級購買指南：
東華三院文武廟
地址：香港上環荷李活道124-126號
服務時間：星期一至星期日 08:00 - 18:00 （初一、十五及誕期：07-00 - 18:00)
電話：2803 2916 / 2540 0350
資料及圖片來源：Intagram@manmolounge、東華三院
<< 以上命理、占星等說法僅供參考，請勿過度迷信，如有疑問請諮詢專業人士。>>
上環文武廟變「失業救星」 網民待業半年拜完狂收4個Offer：極靈驗
【上環 / 文武廟 / 搵工 / 轉工 / 失業救星 / Threads熱話2026 / 求職攻略】搵工搵到心灰意冷？原來除了「執靚CV」，還需要一個神助攻。近日 Threads 瘋傳上環文武廟變成「失業救星」，有網民分享自己待業多時，去完文武廟誠心祈求後，竟然短時間內獲新公司錄取，興奮報喜又可以做返社畜。引大批網民共鳴直指「真係好靈」，激讚文武二帝真的會直頭細心聆聽。即睇更多網民靈驗經歷，求職中的你不妨試試。
-
吹水
文武廟
【求職救星？】上環文武廟靈唔靈？有網民實測結果！附必睇拜神順序攻略
經濟不景，搵工艱難，令求職者都覺得好頭痛。最近喺Threads，有網民表示喺參拜上環文武廟後好事連連，好快就收到Offer。到底係咪真係咁靈？你又知唔知參拜流程同其他詳細資料？🤔 Threads熱話：拜完上環文武廟就有Offer？📮（圖3至5） 近日有不少網民都喺Threads分享，參拜文武廟嘅親身經歷，表示｢裸辭歷經2個月，終於有offer了｣，佢提到失業嘅兩個月｢好似放假但又冇放到咁，每日都喺度亂諗嘢｣。終於收到Offer嘅佢，決定喺Threads分享好運畀大家，仲建議求職者可以拜上環文武廟，｢我都係去拜完，轉頭就收到好消息！嚟緊去還神先｣。 另一位網民就指｢會話上環嗰間文武廟真係好靈，要去還神了｣，更高興講到｢我又可以繼續做返社畜，我真係好鍾意返工㗎｣。有網民提到，參拜當日就收到面試通知，更指「第二日收到另一份一個月前見過工嘅正式入職通知，一星期內接咗兩個offer」，搵兼職嘅佢覺得上環文武廟非常靈，亦很感謝文武二帝。 上環文武廟點拜？5大步驟話你知！🙏 （圖6至8） 1.入到廟之後，可以去自助售賣機或者搵櫃檯職員買份寶燭（$58）。可以使用電子支付，果打算用現金，記得準備好散紙，因為現場係不設找續。 2.寶燭包括長壽香（大）、雪梨香（小）、蠟燭一對及元寶；將燃點咗嘅蠟燭，插喺兩邊香爐。 3.燃點長壽香後，向文武二帝講自己嘅全名、出生日期，同住址，誠心講自己想祈求嘅事，再將長壽香插喺指定位置。 4.之後喺每個小香爐都插一支雪梨香。 5.將元寶放喺中間祭壇或指定收集箱。 上環文武廟其他補充資料 文武廟開放時間？🕰️ （圖9） 文武廟點去？🚶（圖10至13） 方法I（由上環站出發）👣（圖11） 方法II（由中環站出發 - 避開樓梯）👌 （圖12） 方法III（搭巴士）🚌 （圖13） 文武廟求籤程序？🔜 1.拎住籤筒，誠心地搖動，直至有一支籤跌出嚟。如果跌咗多過一支，需要將籤放返籤筒，再求過。 2.求到籤後記住號碼，可以用$3向櫃檯職員購買籤文。 文武廟解籤點好？⁉️ 有人會選擇向喺附近擺檔嘅師傅要求收費解籤服務；另外有人會自己上網參考典故，或者問AI。 文武廟參拜有禁忌？❌ （圖14至20） 圖片來源：東華三院檔案及歷史文化辦公室 資料來源：東華三院廟宇及文化推廣服務網站、Threads #職場
閱讀更多
-
香港攻略
我諗成日睇Threads既朋友可能都見過呢排好多人post文武廟 唔少待業中、想轉工既人拜完文武廟都得償所願了～ 上星期趁好天我都去左趟 發現廟裡面做左透明設計，陽光穿透廟頂時見到一束束既光照落掛燈同金鹿到，真係覺得好靚好神聖 我仲喺隔籬嘅舖頭買咗求職符，希望可以有好Offer，豐薪厚職☺️☺️ 無論想祈求願望定觀光，我覺得都好值得一去 作為一個香港人，冇諗過自己咁大個先第一次去文武廟，發現原來真係咁值得去🥹 #Chill住等上機
閱讀更多
-
香港攻略
沙田車公廟
希望大家求得上籤✨✨
車公廟求事業最靈,講野直接唔兜圈,推薦🫶🏻
閱讀更多
港生活人氣好去處
【神徒必玩❤️】Anson Lo忠粉小測驗！
即刻測下您有幾了解Anson Lo！
【新手爸媽必睇✨】實測 N 款人氣 BB 用品！話您知邊款先係高CP值
搵好去處