IKEA隱藏下午茶$23起獲網民激推！歎西多士/燒雞髀/芝士餅 包無限添飲
近日有網民在社交平台發文分享，原來IKEA（宜家家居）瑞典餐廳隱藏超抵下午茶，低至$23起即可歎花生醬西多士、燒雞髀配薯仔沙津、芝士餅，或兩隻雞全翼配沙律等豐富美食。最吸引的是，下午茶套餐的飲品可以無限添飲，而且堂食或外賣自取皆可，絕對是各位打工仔及學生的超值之選，立即拉落下文了解。
近日，有網民以「IKEA下午茶會不會太便宜」為題發文，並分享多張IKEA下午茶餐牌的照片。從相片中可見，下午茶款式選擇相當豐富，只需低至$23，即可歎到港人至愛的花生醬西多士、份量十足的燒雞髀配薯仔沙津、輕食之選的藍莓紅莓芝士餅，或是兩隻雞全翼配沙律。最吸引的是，下午茶套餐的飲品均可無限添飲，而且這個超抵價錢無論是堂食還是外賣自取同樣適用。
食客激讚下午茶超抵食 加$1即帶走特大杯咖啡
該名網民分享自己早前在IKEA品嚐下午茶的驚喜體驗，更大讚「唔該Keep住呢個下午茶，真係好Like」。她更指自己當時因為趕時間「加一蚊攞隻杯，撳左勁大杯咖啡走」。同時間，她留意到其他食客點的炸雞髀份量十足，揚言下次一定要試。除了大人受惠，IKEA同時段更供應$23兒童餐，有齊脆雞柳、薯蓉及免費添飲的果味飲品。
獲封「全港最平」唯獨一點令「螞蟻人」大嘆可惜
貼文一出，隨即引來大批網民熱烈討論，紛紛激讚下午茶套餐「好吸引」、「抵食」。有曾經品嚐過的網民分享食評，指西多士雖然賣相普通，但切開竟然有充滿驚喜的流心花生醬，且口感豐富「食到粒粒花生」，更有人大讚這款下午茶「呢個下午茶真心掂，茶記質素水準，全港最平」。不過，有人反駁「西多23蚊，去茶記都差唔多咋喎」，亦有自認是「螞蟻人」（嗜甜者）的網民指出美中不足之處，表示西多士餐只附送一盒牛油及糖漿，大嘆「食西多做唔到糖漿自由真係唔掂」。
留意供應詳情 全港只限3間分店有售
想試這個超抵下午茶的朋友要注意！據了解，這款下午茶套餐並非全線IKEA供應，只限於指定分店及特定時段推出。有興趣「歎茶」的朋友記得睇準以下時間及地點：
供應分店： IKEA 九龍灣、沙田及荃灣分店之瑞典餐廳
供應時段： 逢星期一至五，下午 2 時半至 5 時半供應（公眾假期除外）
資料來源：Seahorsebb_hoho@Threads授權轉載
-
甜品
榛子朱古力新地 ✨ $16 可以一試😬
📍 IKEA全新榛子朱古力新地📍$16 睇賣相都可以接受,有威化花生碎係新地雪糕上面~不過唯一唔滿意就係榛子醬份量太少啊😔滿心期待就係個榛子醬,點知出嚟嘅份量完全遮蓋唔到個雪糕新地!同廣告相差好遠!唯一好處就係食落無想像中咁甜,因為少咗濃郁嘅榛子醬,啱哂唔太好甜嘅朋友仔去試吓😝 #Dessert#IKEA#榛子朱古力新地#雪糕{{hket:campaign display="生活一點甜"}}{{/hket:campaign}} #打卡美食#好去處#chill
閱讀更多
-
西式美食
IKEA限時優惠$50原隻珍寶燒全雞 指定日子供應/只限外賣
巨雞出沒！IKEA限時推出$50原隻珍寶燒全雞優惠（原價$89），逢星期一至五下午四時後供應（公眾假期除外），優惠只限外賣，數量有限，售完即止。各位雞迷記得把握機會！
閱讀更多
-
打卡熱點
宜家家居 - 尖沙咀規劃及訂購中心
《IKEA抵食Crepe》 IKEA係尖沙咀分店推出期間限定既crepe，有多款鹹甜口味選擇，我今次試左蜜糖火腿芝士口味，只需要$19，班戟皮夠薄，配上半溶芝士，好味又抵食！ #春日限定滋味
閱讀更多
港生活限時優惠情報
《 U GO》請您去荷花夏季BB展 2026！
運動BB爬行賽/20種異寵體驗/Messy Play/明星校長講座🤩
↓【免費🎁】零食世界2026電子門票🍭 ↓
↓ 同一門票可入埋「香港書展」及「香港運動消閒博覽」↓
U GO 本週好去處
