尖沙咀海港城Food Court回歸！大食代進駐歎12大美食 必試米芝蓮車仔麵/一人燒肉

Monstertummy

香港攻略

WOWDON - 韓國人氣自家製烏冬店

啟德過江龍烏冬 - WOWDON

- 明太子奶油烏冬配炸蝦天婦羅 🍤 呢個超邪惡但好食!個醬汁好濃好Creamy 撈勻啲明太子之後鹹鹹香香 每一條烏冬都掛滿汁 炸蝦天婦羅都炸得靚 脆漿薄 蝦肉彈牙 成個配搭幾夾 不過怕膩嘅人可能要諗諗🫣 冰鎮竹盆烏冬套餐配吉列豬扒 呢個上枱嗰下幾有氣勢😆成座冰山咁 烏冬係扁扁闊闊嗰種 好滑好煙韌 沾鰹魚汁加Wasabi 清清地好開胃 食落爽口 吉列豬扒厚切 炸得脆仲有肉汁~ WOWDON (九龍城) 📍九龍城啟德協調道12號雙子匯1期崇光啟德店食匯堂14樓1403號舖 #吉列豬扒#明太子奶油烏冬#炸蝦天婦羅#打卡美食#好去處#香港美食

私家飯偵探

香港攻略

Terrace in Seaside (太古)

太古新開韓式Cafe 驚喜Fusion菜✨ Terrace in seaside嘅太古城中心分店新開張，地鐵站行2分鐘直達🚇。餐廳設喺商場Open area，氣氛同裝修都好舒服☕。Many Many Set Menu $398 性價比超高，包齊前菜、飲品同幾款主菜🍽️。 🐙 八爪魚嫩炆牛肋肉 海陸雙拼好驚喜！八爪魚爽口彈牙，牛肋肉炆到軟腍入味，配上韓式甜醬燉煮，份量足👏。底層仲有炆到腍嘅薯仔同蘿蔔🍠🥕。 🍝 韓式烤牛肉奶油闊條麵 Fusion創意料理！韓式烤牛肉＋西式奶油闊條麵，牛肉醃得香甜，麵條掛滿濃郁奶油醬汁，口感creamy得嚟帶韓式風味，必試✨！ 🔥 鐵板惹味舔舔脷豬頸肉 豬頸肉好嫩，配泡菜同洋蔥絲一齊食，惹味帶少少甜辣🌶️，好開胃！ 🍲 長命百歲人蔘雞湯 湯色金黃，有半隻雞🐔。湯底鮮甜，唔會有人參苦味，一份足夠2-3人share。 🌼 熬夜後要飲的菊花茶 養生之選！菊花茶清熱明目🌿，帶淡淡甜香。 🍊 清爽爆汁西柚檸檬梳打 新鮮西柚果肉爆汁香甜💦，加入檸檬同梳打水，清新爽口，甜度剛剛好。 🎮 2月限定遊戲：搵紅豆挑戰！30秒內搵到3粒紅豆🫘，送你自選飲品🥤。失敗都有一張自選窩夫coupon🧇。如果搵到金豆✨，即享全單85折！記得參加啦！ 📍 Terrace in seaside (太古城中心) 太古太古城道18號太古城中心2樓222A號舖 @terrace.in.seaside.hk #Terraceinseaside #coffee #omurice #Cafe #打卡 Chill 度假 韓式Fusion 太古城美食 #我要食雪糕

U Lifestyle

親子

【親子餐廳2026】全港10間親子餐廳清單 自助餐/燒肉/火鍋 小童指定日子免費入場

放假帶小朋友去Family Day放電，每次諗食咩同去邊度玩都好頭痛？其實香港有唔少餐廳可以安安樂樂食餐好，更附設豐富遊樂設施！今次為大家整理10間香港親子餐廳，有超大兒童波波池、手作工作坊，部分餐廳更推出指定日子小童免費入場優惠，一站式滿足全家用餐與放電兩個願望！即刻睇下有咩必去推介啦～🍴 ------------- 【《社群》x《U GO》請食飯🍴】暑假雙重Buffet祭 今個暑假，無論您係想同小朋友一齊放暑假食餐好嘅爸爸媽媽，定係追求極致滋味嘅Foodie，都有機會免費大歎Buffet！U Community 社群 x U GO 驚喜呈獻「暑假雙重 Buffet 祭」，請大家免費去五星級酒店大飽口福，任食海鮮、刺身同甜品，解鎖親子美食派對！ ▶即刻登記親子免費食Buffet ------------- 1️⃣帝樂文娜公館@FINDS 想帶埋小朋友一齊食北歐菜？去尖沙咀帝樂文娜公館「FINDS」就食到！餐廳近期聯乘兒童髮型屋推出「北歐花園週末早午餐」，可以任食 10 款北歐前菜、任食Mövenpick雪糕同自選主菜，更特設兒童遊樂區。食飽後仲可以參加限定工作坊自行調製 Mocktail，親子放電用餐一條龍！ 📍地址：尖沙咀金巴利道39號帝樂文娜公館1樓 ▶即睇 “海馬媽媽” 分享北歐餐廳早午餐親子用餐體驗 ------------- 2️⃣紙飛機親子空間Origami Kids Cafe 位於啟德嘅「紙飛機親子空間」係唔少家長熱門嘅親子餐廳首選！裡面除咗有各款兒童套餐同共享中菜之外，更有得玩兒童益智遊戲，設有滑梯、波波池、攀爬架等玩樂設施及 BB 專屬安全區。8 月逢星期三更特設小童免費入場，家長們係時候帶子女去用餐放電啦！ 📍地址：九龍灣承豐道33號啟德郵輪碼頭平台N305 ▶ “Karkarkarliehui” 分享啟德人氣親子餐廳打卡心得 ------------- 3️⃣熊小館Café MED 同樣位於九龍灣嘅「熊小館 Café MED」店如其名，環境充滿小熊元素，童趣味十足！餐廳提供意粉、焗飯、鐵板雞扒等西式料理，以及多款兒童餐選擇。現場亦設有包房同兒童書籍區域供小朋友借閱圖書，等小朋友暫時離開電子產品，投入童話世界！ 📍地址：九龍灣宏照道38號企業廣場5期MegaBox 11樓8號舖 ▶ “anahkbabys” 同您分享九龍灣童趣餐廳菜式點評 ------------- 4️⃣瀛鍋 你以為只係嚟打邊爐？其實佢仲係一個室內遊樂場！呢間位於九龍城嘅火鍋店有兩層高，除咗食到多款日本刺身外，仲有多款火鍋料理選擇。重點係一樓特設兒童遊樂區，小朋友可以玩玩具、砌積木、煮飯仔，大人就可以安心打邊爐閒聊。而且餐廳仲係寵物友善，用餐環境滿分！ 📍地址：九龍城福佬村道82-84號福成閣地下A-B號舖 ▶  “雞髀與阿花” 分享更多九龍城火鍋店用餐點評 ------------- 5️⃣ Foodhall by Moon Thai 想食泰菜嘅爸爸媽媽就唔好錯過觀塘呢間米芝蓮推介泰菜餐廳！主打融合傳統同新式泰國料理，除咗有多款經典泰菜之外，社群U Creator推介｢假日半自助餐｣性價比好高，平均HK$200有找就食到各款泰式前菜、沙律、熱食無限任食，指定飲品任飲，大人同小朋友都食得開心！ 📍地址：觀塘道348號宏利廣場1樓101號舖 ▶即睇  “DoubleJDiary” 分享高質泰菜餐廳半自助餐食評 ------------- 6️⃣ 香港諾富特世紀酒店「Le Cafe咖啡廳」 想為子女慶祝生日等重要日子，不如一家大細去食自助餐！位於灣仔嘅呢間酒店自助餐，除咗可以任食生蠔、高質海鮮刺身同熱食回本之外，逢星期六及日嘅自助午餐更會提供唔同主題嘅工作坊（例如 Pizza DIY 工作坊），由搓麵團到選擇配料都係親手製作，絕對係週末合家歡首選！ 📍地址：灣仔謝斐道238號香港諾富特世紀酒店1樓 ▶ “DoubleJDiary” 分享灣仔酒店自助餐親子打卡體驗 ------------- 7️⃣ 富山麵家 miffy粉絲唔好錯過今次「富山麵家」同miffy兔聯乘嘅主題菜單！除咗店面裝潢全部換成miffy主題外，更推出限定拉麵、小食、特飲，每個角落係miffy身影！必點「特製黑醬油拉麵」，紫菜同魚片都印有miffy圖案，食落爽口彈牙，食得又可以打卡！ 📅活動日期：即日起至2026年10月31日 📍地址：銅鑼灣希雲街7號地舖 ▶即睇 “baby_cheukyu” 打卡miffy兔限定拉麵 ------------- 8️⃣EaT燒肉 位於坑口嘅「EaT燒肉」主打高性價比和牛燒肉及日式火鍋。餐廳以外星人UFO為主題，和牛配料係會以UFO形式傳送到您嘅用餐位置，玩味感十足。可以輕鬆食盡宮崎A5和牛各種部位、鹿兒島黑毛豬等燒肉及火鍋選擇，啱晒想食一人火鍋或者燒肉嘅您！ 📍地址：將軍澳坑口重華路8號東港城1樓101號舖 ▶ “Be a Asterholic” 詳細分享小朋友超愛UFO燒肉餐廳 ------------- 9️⃣沖繩二段料理 呢間連鎖日式餐廳喺港九新界有多間分店，主打親民價錢嘅日式鐵板壽喜燒。小朋友可以點「自由配兒童餐」，自由配搭各款口味烏冬；大人就可以試「明太子鐵板烏冬」或者「壽喜燒汁煮牛肉」。走之前記得一定要試埋招牌「沖繩海鹽焦糖冬甩雪糕」先好走呀！ 📍地址：荃灣眾安街68號千色匯3樓3012號舖 ▶即睇 “Newlifewifbb” 分享連鎖日式餐廳親子用餐體驗及靚相 ------------- 🔟 Homeland 鍾意儀式感嘅您就唔好錯過位於荃灣嘅「Homeland」！餐廳主打新派西式料理，不定期更換菜單，社群U Creator除咗點咗人氣「卡邦尼捲捲意粉」及「滋味小食拼盤」外，最值得一提係畫碟甜品十分精緻，職員每個都會畫碟，仲會安排即影即有，絕對係親子慶生首選餐廳！ 📍地址：荃灣大壩街4-30號荃灣廣場B1樓B109-B110號舖 ▶ “沛沛小公主” 分享荃灣畫碟餐廳體驗 *本文所列之餐廳優惠、營業時間、小童免費入場條款及工作坊活動詳情僅供參考，實際收費與條款請以各餐廳官方最新公布為準。 持續更新‼️幼稚園小學工作紙x試題庫 免費下載中英數各科精選練習➡️ https://ulapp.hk/holfs -------------------- 星級親子專家招募中🔥 歡迎學校校長/老師/補習名師/出版社合作或分享免費資源： 立即報名➡️https://ulapp.hk/856l2 🔔一手掌握最新、最好玩嘅親子活動資訊！立即 Follow《親子樂園 Smart Kids》Instagram 同 讚好 Facebook專頁，睇更多育兒心得、著數送禮同週末放電好去處🎡 ------------- 圖片來源：社群U Creator {{hket:tag-user display="沛沛小公主"}}820713{{/hket:tag-user}} 、 {{hket:tag-user display="Newlifewifbb "}}549128{{/hket:tag-user}} 、 {{hket:tag-user display="Be a Asterholic"}}833{{/hket:tag-user}} 、 {{hket:tag-user display="baby_cheukyu"}}188780{{/hket:tag-user}} 、 {{hket:tag-user display="DoubleJDiary"}}279536{{/hket:tag-user}} 、 {{hket:tag-user display="雞髀與阿花"}}117925{{/hket:tag-user}} 、 {{hket:tag-user display="Karkarkarliehui"}}826385{{/hket:tag-user}} 、 {{hket:tag-user display="海馬媽媽"}}232868{{/hket:tag-user}} 、 {{hket:tag-user display="anahkbabys"}}842313{{/hket:tag-user}} 、 {{hket:tag-user display="CTC美食攻略"}}902779{{/hket:tag-user}}  #ULifestyle #ULifestyle社群 #社群排行榜 #親子餐廳2026 #親子好去處 #香港室內遊樂場 #放電好去處 #香港親子美食