文武廟推出全新官方周邊！「加薪進鹿」擺設+小人退散噴霧 $38起（附購買地點及售價）

mstheachu

香港攻略

我諗成日睇Threads既朋友可能都見過呢排好多人post文武廟 唔少待業中、想轉工既人拜完文武廟都得償所願了～ 上星期趁好天我都去左趟 發現廟裡面做左透明設計，陽光穿透廟頂時見到一束束既光照落掛燈同金鹿到，真係覺得好靚好神聖 我仲喺隔籬嘅舖頭買咗求職符，希望可以有好Offer，豐薪厚職☺️☺️ 無論想祈求願望定觀光，我覺得都好值得一去 作為一個香港人，冇諗過自己咁大個先第一次去文武廟，發現原來真係咁值得去🥹 #Chill住等上機

smith

吹水

文武廟

【求職救星？】上環文武廟靈唔靈？有網民實測結果！附必睇拜神順序攻略

經濟不景，搵工艱難，令求職者都覺得好頭痛。最近喺Threads，有網民表示喺參拜上環文武廟後好事連連，好快就收到Offer。到底係咪真係咁靈？你又知唔知參拜流程同其他詳細資料？🤔  Threads熱話：拜完上環文武廟就有Offer？📮（圖3至5） 近日有不少網民都喺Threads分享，參拜文武廟嘅親身經歷，表示｢裸辭歷經2個月，終於有offer了｣，佢提到失業嘅兩個月｢好似放假但又冇放到咁，每日都喺度亂諗嘢｣。終於收到Offer嘅佢，決定喺Threads分享好運畀大家，仲建議求職者可以拜上環文武廟，｢我都係去拜完，轉頭就收到好消息！嚟緊去還神先｣。 另一位網民就指｢會話上環嗰間文武廟真係好靈，要去還神了｣，更高興講到｢我又可以繼續做返社畜，我真係好鍾意返工㗎｣。有網民提到，參拜當日就收到面試通知，更指「第二日收到另一份一個月前見過工嘅正式入職通知，一星期內接咗兩個offer」，搵兼職嘅佢覺得上環文武廟非常靈，亦很感謝文武二帝。 上環文武廟點拜？5大步驟話你知！🙏 （圖6至8） 1.入到廟之後，可以去自助售賣機或者搵櫃檯職員買份寶燭（$58）。可以使用電子支付，果打算用現金，記得準備好散紙，因為現場係不設找續。 2.寶燭包括長壽香（大）、雪梨香（小）、蠟燭一對及元寶；將燃點咗嘅蠟燭，插喺兩邊香爐。 3.燃點長壽香後，向文武二帝講自己嘅全名、出生日期，同住址，誠心講自己想祈求嘅事，再將長壽香插喺指定位置。 4.之後喺每個小香爐都插一支雪梨香。 5.將元寶放喺中間祭壇或指定收集箱。 上環文武廟其他補充資料 文武廟開放時間？🕰️ （圖9） 文武廟點去？🚶（圖10至13） 方法I（由上環站出發）👣（圖11） 方法II（由中環站出發 - 避開樓梯）👌 （圖12） 方法III（搭巴士）🚌 （圖13） 文武廟求籤程序？🔜  1.拎住籤筒，誠心地搖動，直至有一支籤跌出嚟。如果跌咗多過一支，需要將籤放返籤筒，再求過。 2.求到籤後記住號碼，可以用$3向櫃檯職員購買籤文。 文武廟解籤點好？⁉️  有人會選擇向喺附近擺檔嘅師傅要求收費解籤服務；另外有人會自己上網參考典故，或者問AI。 文武廟參拜有禁忌？❌ （圖14至20） 圖片來源：東華三院檔案及歷史文化辦公室 資料來源：東華三院廟宇及文化推廣服務網站、Threads #職場

NicoleHeiTong

香港攻略

文武廟

文武廟旗袍夢✨🏮

文武廟與貳拾年華(一) 首次在香港拍攝的旗袍照,地點是在上環的文武廟｡ 那天到了 @20s.hk 後, 邊看範本照邊和攝影師討論要去哪個地點｡ 我最後還是被照片裡像是象徵東方特色的紅色所吸引而到了文武廟｡ 可是和以往參觀廟宇一樣, 因着我自身信仰的關係, 就只有帶着欣賞建築和了解歷史故事的心態進廟了｡ 📸📸📸📸📸 攝影,旗袍,妝髮:IG : @20s.hk 👣👣👣👣👣 補上在香港旅遊發展局官方網頁上有關文武廟的介紹: 📍地址:香港島上環荷李活道124至126號 屋頂由綠瓦鋪成的文武廟,估計建於1847至1862年間,由文武廟､列聖宮和公所三幢建築組成｡ 文武廟主要供奉文昌及武帝(關帝);列聖宮用作供奉諸神列聖;而公所則是當時華人議事及解決紛爭的地方｡ 文武廟內還完好地保留了鑄於1847年的銅鐘,和造於1862年的官轎｡古廟屋頂的花崗石柱､花崗石門框､木雕匾額和歷史悠久的壁畫,更是巧奪天工,盡顯精湛的傳統工藝和技術,活靈活現地展示中式建築的特色｡ #文武廟#香港文化#旗袍攝影