UNIQLO Heattech吊帶背心回歸香港！港人激動：等咗幾年終於有返！$79入手價即掀搶購潮

U記Heattech吊帶背心回歸！港人驚喜「等咗幾年」

近日有多名港人於Threads發帖，興奮分享發現UNIQLO Heattech吊帶背心重新出現，並留言大讚：「好滾動！等咗咁多年！」、「呢件真係好好好好好好着」，又憶述這款背心很久以前曾經推出，「超好著，好耐無出」。

背心入手價$79 香港重新上架即掀討論

事實上，Heattech吊帶背心並非新品，日本過往一直有推出相關款式，惟香港近年一直未有發售，因此今次重新上架，隨即令不少本地粉絲感到驚喜。

點擊圖片放大

翻查UNIQLO香港官網，目前女裝Heattech吊帶背心已重新上架，售價為$79，提供白、黑及粉紅色選擇。目前背心列為「新到商品，旗艦店限定」，部分尺碼仍有供應，不過產品已引起網民討論，部分尺碼庫存亦開始減少。

女裝 HEATTECH 吊帶背心｜售價$79

點擊圖片放大

香港終於返貨 網民憶述「上年日本出返但香港冇」

產品回歸後，不少網民留言表示早已等候多時，更直言「真係停咗幾年都冇出」。亦有人表示自己一直是Heattech粉絲，「背心Heattech停產咗幾年，Fans如我當然好興奮」。亦有網民表示，日本去年已重新推出相關款式，自己當時曾在香港查詢，但仍獲告知沒有發售，如今終於等到香港重新上架。

網民留言

• 重點係真係停咗幾年都冇出
• 背心Heattech停產咗幾年，Fans如我當然好興奮
• 嘩Heattech吊帶係n年前嘅野，竟然香港會出返
• 香港終於有返啦，上年日本出返，喺香港問過又話冇

網民激讚3大優點：保暖不焗、旅行都啱用

不少網民大讚Heattech吊帶背心保暖之餘又不會太焗，尤其適合香港秋冬十多度、帶點寒意但又未需要穿厚衫的日子。有網民表示，普通Heattech進入室內後容易熱到出汗，吊帶款則「啱啱好」，搭配衛衣、中袖衫、鏤空衣物甚至UNIQLO Cashmere都方便；亦有人指女生較容易怕冷，穿上後「個身暖好多」，又不用穿得太厚。另有網民推薦秋天旅行時穿着，用作打底「又唔會臃腫」，認為實用度相當高。

網民留言大讚

+5

+4

點擊圖片放大

來源：UNIQLO、Threads、Threads

<< 提醒大家，購買前留意訂購平台的使用條款及細則，一切以訂購平台公佈的價錢為準。數量有限，售完即止；所有優惠細則更新至文章發佈日期，訂購平台保留更改優惠權利，U Lifestyle 概不負責。>>