Twins Sidetrack演唱會2026｜12月會展連開三場中銀卡優先購票+公開發售日期！附座位表

Twins Sidetrack演唱會2026｜12月會展舉行三場

Twins宣佈2026年12月18至20日將於灣仔會展舉行一連三場《Twins Side by Side Concert》Sidetrack演唱會！阿Sa與阿嬌化身賽車手，預告大唱三十多首滄海遺珠，與歌迷近距離以歌會友！今次「的起心肝」舉行 Sidetrack 演唱會，阿Sa（蔡卓妍）直截了當表示：「因為未開過囉。」阿嬌（鍾欣潼）亦笑言：「同埋我哋畫餅都畫咗十幾年啦，哈哈。」阿Sa坦言過往推出了許多專輯，但並非每首好歌都能安排派台：「入面有好多滄海遺珠、好多好歌，好想趁呢個機會唱番俾 fans 聽。」

今次演唱會命名為《Side by Side》，阿Sa親自拆解背後深意：「『Side by Side』就好似我同阿嬌咁多年、二十幾年嚟，我哋都係肩並肩一齊去跨過無論係開心定係唔開心，高光或者低谷嘅時候，我哋都係肩並肩。而 Sidetrack 亦都係同我哋嘅主打歌一直喺度肩並肩，所以先至成就到一張好好嘅專輯。」對於海報中的賽車手造型，阿嬌即時聯想到「Track（跑道）」，阿Sa則解構：「落 Track 呀我哋！即係呢一條路其實一路都係我同阿嬌兩個一齊衝，同埋我哋真係未試過賽車手嘅造型，扮鬼扮馬我哋都扮得多啦。」阿嬌隨即補充：「係扮型我哋未試過！」兩姊妹再度展現默契，笑聲不斷。

Twins Sidetrack演唱會2026｜優先購票攻略

Twins Sidetrack演唱會《Twins Side by Side Concert》優先訂票將於2026年9月18日上午10時起正式搶先開賣！中銀銀聯信用卡、港澳銀聯信用卡以及內地銀聯信用卡借記卡的持卡人可率先開搶門票，提早鎖定心水位置。主辦單位亦透露未來將有更多優先訂票管道陸續公佈，粉絲記得密切留意官方最新消息。

Twins Sidetrack演唱會2026｜公開發售攻略

錯過優先訂票的歌迷亦毋須擔心，門票將於2026年9月21日中午12時起於指定票務平台快達票（HK Ticketing）全面公開發售，記得鎖家日子搶飛啦！

Twins Sidetrack演唱會2026｜會展座位表

陸續公佈，密切留意！

<< 提醒大家，購買前留意訂購平台的使用條款及細則，一切以訂購平台公佈的價錢為準。數量有限，售完即止；所有優惠細則更新至文章發佈日期，訂購平台保留更改優惠權利，U Lifestyle 概不負責。>>

圖片來源：IG@eeg_music、IG@choisaaaa、IG@q_gill