Comic Park & Cafe

佔地7,000呎，集「拍照、飲食、玩樂及購物」於一身的動漫主題樂園Comic Park & Cafe將於8月正或開幕，園內以多個經典及熱門動漫卡通為主題，包括鐵甲萬能俠、幪面超人、咸旦超人、Rody、柴犬等，相信不論大人抑或小朋友都會着迷！

樂園一共分為3個區域，食買玩有齊，周末放假啱玩！樂園目前只開放精品店，其餘兩部分將於8月初登場，率先睇睇：

1. Comic Cafe

空間感十足，內有多張梳化讓食客舒適地用餐，牆身則印有多款動漫和卡通，一格格像本放大版漫畫書。Cafe由米芝蓮得龍大飯店以顧問形式主理，供應西、日美食，如薄餅、意粉、甜品等，味道中規中矩，以薄餅較突出，勝在價錢比一般卡通主題餐廳抵食得多！

逢星期五至日，Cafe 更會供應以不同動漫卡通角色為主題的套餐，如「咸蛋超人兒童餐」、「Rody兒童餐」、「超人家族M78星雲家庭套餐」等等，睇得又食得。（兒童餐供12歲或以下顧客享用）

兒童餐超豐富，可惜小編已是「12歲」的兩倍… 推介設計幾精緻的日式便當，每份由$68-72不等，另可追加餐湯，「忍者牛柳炒紅飯」和「咖哩吉列豬扒飯」都幾吸引！

2. Comic Park

食飽當然要玩番夠本！Cafe 旁有30多部遊戲機，大人都會瘋狂，遊戲包括：籃球機、推公仔機、氣墊球、射擊GAME等，當中最受歡迎的，相信是以帽面超人為主題的「擲彩虹」，獎品不「hea」，連細獎都十分精美！

玩樂區代幣每個$2，可以$20入會（送20個代幣），之後可以優惠價買Coins；跟其他室內遊樂場一樣，收集積分後可以換禮品。

3. Comic Store

場內近門口位置亦設有精品店，Fans可以把喜愛的動漫、卡通帶回家，包括迪士尼、Minions、反轉腦朋友、Toy Story、咸蛋超人、蛋黃哥等系列，部分更是期間限定商品，價錢合理，很難忍手。