任食海鮮+刺身易回本！觀塘罕見磯燒水產放題

小編最近去觀塘開餐，發現一間日式放題店最近轉型，由主打刺身壽司，到磯燒活水產，試行幾日已吸引不少觀塘友幫襯。聽落咁吸引，當然要試試有無伏！

御前大江户供應的放題限時2.5小時，任飲任食，餐廳環境配合磯燒放題改變了一點，換了更大的餐桌之餘，亦在門口位置新增自助吧，供應沙律、涼拌小食、熱盤和多款雪糕甜品，感覺升級了。

任食食品方面，餐廳繼續刺身、壽司、天婦羅及串燒燒物等選擇，種類比以往減少了一點，但大路和受歡迎的食品都有保留。

如三文魚、甜蝦、帆立貝刺身，另有特色壽司、天婦羅和串燒燒物等，小編特別推介燒羊架，肉質幼嫩兼非常香口！

邊食刺身，邊等主角出場！每枱都有備有燒烤爐，2-4人共用一個，入座後店員會簡單介紹燒烤方法，磯燒新手不怕無從入手。 

海鮮供應分兩類，一種屬任食，一種則是按人數供應；絕大部分都是每日直送的活海鮮，上枱時仍然生猛！

任食海鮮有大蜆、青口、刀貝和海蝦等，雖然種類不多，但水產質素甚高。鮮甜之餘，亦不含一點沙。

另外，每位食客還可享用特選海鮮拼盤一份，包含原隻帆立貝（x2）、大蟶子（x1）、肉蟹（兩人一隻）和蟹味噌甲羅燒（1-3人一件，4-6人兩件）。

最令人驚喜的，一定是甲羅燒！蟹膏烤熱凝固，加入蟹肉、蟹子和鵪鶉蛋，味道更甘香。

對小編來說，任食海鮮+海鮮拼盤的選擇和份量已足夠有餘，但若果同行的朋友是「超級海鮮迷」的話，亦可以加錢追加單點食品，如手掌般大的珍寶蠔、象拔蚌仔和活鮑魚等。

燒活海鮮，不需加太多調味料，原汁原味。燒烤時，可加入一點稀釋了的清酒，有降溫功效避免燒燶爆殼之餘，也能令水產提鮮。 

海鮮以外，餐廳亦供應幾款供燒烤用的蔬菜，如栗米、金菇、菠羅等。

最後不能錯過同樣是任食的「蟹肉海膽湯飯」！先把鍋飯放在爐上煮熱，加入香蔥、雞蛋、蟹肉和加拿大海膽，煮至自己喜愛的稠度時就熄火，湯飯吸盡蟹肉和海膽的精華，值得encore。

放題時段及收費

星期一至四 成人$268 小童$158

時段：6pm-8:30pm/ 7pm-9pm/ 8:45pm-11:15pm

星期五至日 成人$288 小童$158

時段：6pm-8:30pm/ 8:45pm-11:15pm

*另收加一

*星期一至五8pm前離座/9:30pm後入座有9折

下篇看：$110有找任飲任食！銅鑼灣美國菜餐廳開業優惠