佐敦爆場懷舊扒房 $40有找食牛扒

佐敦一家懷舊扒房主打平價扒餐 ，午餐時段最平的鴛鴦扒餐，包括一塊牛扒、一塊豬扒，配飯/意粉/薯菜（連餐包、餐湯、餐飲）只需$38，吸引不少打工仔大排長龍。

小編於午餐時段到訪，店內坐無虛席，一坐底餐牌也來不及看，侍應已超有效率問揀有羅宋湯或忌廉湯，羅宋湯內有西芹、紅蘿蔔、豬肉等湯料，味道偏甜；忌廉湯質地濃稠，內有粟米粒味道偏淡。

搣開餐包，發現將牛油塗上，一來不用麻煩客人，二來亦節省了客人的用餐時間。但侍應態度如澳洲牛奶公司的侍應差不多，會不時催促食客結帳。

一份紐西蘭肉眼扒配薯菜 $49*及一份鮮茄龍利柳配意粉 $38*，等了3分半鐘，食物就上齊，上餐速度極快！

肉眼扒很大塊但薄切，肉質鬆軟，拌上燒汁。薯菜包含椰菜花、青瓜、翠玉瓜和薯條，炸薯條香脆，但蔬菜是涼的。  

龍利柳餐$38，有兩大塊龍利柳，意粉份量充足，整個餐超飽肚！

另有鴛鴦扒餐$38，有齊大大塊牛扒及豬扒， 份量更加抵食。

*餐廳設加一收費