結婚為人生大事之一，相信各位準新人都會落力籌備婚禮，希望留下美好回憶！不過日前就有一對準新人急call五人的士趕去結婚，更提出幾個特別要求，嚇怕一眾司機大哥！
一名的士司機昨日（3日）在facebook群組「的士司機資訊網 Taxi」分享了一個電召的士訊息截圖，內容可見有人急召的士由土瓜灣駿豪居去中環紅棉路婚姻登記處，除了要求司機在下午3時20分抵達住所外，更要求司機5分鐘內到達目的地、收單程隧道費、同時在中途及上車前更可能會拍照，奇怪要求引起一眾網民熱議，更有網民懷疑準新人疑為慳錢結婚而將的士當花車，揶揄如有的士司機肯接載也不簡單，表示「可能要戴埋對手套，成套西裝連埋頂帽」、「仲要結婚公仔，花球絲帶佈置的士外觀。」
電召的士訊息截圖註明︰
「紅隧 預約：今天下午3時20分 五人車，過海的士（單程隧道），急要（5分鐘內到）去結婚，中途及上車前可能會拍照。」
帖文樓主笑言「打返條煲呔先好接呀！」，而帖文一出即吸引一眾網民及的士司機熱議，當中唔少人批評這位客人結婚太寒酸，直言「窮到咁凄涼，呢個新郎哥真係可憐」、「結婚好心就問朋友幫手或者租架車啦」、「冇錢就唔好坐的士啦」、「單程隧道，急要，為咗平$10搞咁多嘢」、「真係好窮喎新郎....，只比單程隧道？！話哂都辦喜事吖.....，辦喜事就俾雙程隧道費先好意頭喎！」
據運輸署資料，市區的士使用收費隧道、收費道路或收費區有附加費，使用海底隧道（紅隧），乘客需支付司機所付的隧道費及$10回程費，而東區海底隧道及西區海底隧道回程費均為$15。在兩個情況下，乘客毋須繳付回程費，包括在過海的士站上車或最終目的地非位於海港的另一方。
來源：的士司機資訊網 Taxi 、HKET圖片庫
►同場加映：【衝出嚟玩】鰂魚涌室內忍者極限障礙場好去處！挑戰重重關卡/大玩泰山飛索+搖搖鞦韆
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓【限時搶⚡】卡樂B Jagabee茄汁味波浪薯條！↓
↓ 酸酸甜甜，香脆可口！↓
