天恩邨88呎放唔落洗衣機！連雪櫃被迫二揀一 網民苦勸：咪收樓

有網民在討論區上載一張標示為房委會「1P」的單位圖則，指單位位於天恩邨一期，圖則所示面積為8.19平方米，換算約88平方呎。帖主表示，希望了解廚房位置能否容納洗衣機，以及若在大門左側擺放一張闊90厘米的單人床，室內另一側尚餘多少活動空間。

房委會在特快公屋編配計劃資料中提及，天恩邨一期部分單位的廁所及廚房較其他公屋單位細。至於個別單位能否擺放洗衣機或家具，仍要視乎實際圖則尺寸、門位、喉管、電掣及現場空間而定。

圖則見廚房及廁所位置

按帖主上載的圖則可見，單位設有廚房星盆、廚房門及大門位置；廁所範圍以黃色標示，圖則標註尺寸為700毫米乘1,175毫米。不過，截圖未有列出單位完整內部闊度、比例尺或其他空間尺寸，因此未能單憑圖則精確推算，放置90厘米闊床架後尚餘多少位置。

網民提「劏房100呎」官方標準實為86呎

帖文引起網民討論，有人將單位面積與劏房標準比較，稱「政府話劏房最少要100呎，唔明點解公屋只得90呎」。不過，按房屋局現行「簡樸房」制度，分間單位的最低內部樓面面積為8平方米，即約86平方呎。除了面積之外，單位亦要符合最低高度、消防及結構安全、獨立廁所、供水、照明通風，以及獨立水電錶等規定，才可獲認證作住宅出租。

以圖則標示的8.19平方米計算，面積約88平方呎，比簡樸房8平方米的最低面積多約2平方呎。不過，公屋與私人分間單位受不同政策和規管制度管理，不能只以面積直接判斷居住質素或是否符合相關標準。不過，都有部份人理解樓主感受，認為單位面積過小，放置大型家電實在有困難：

• 我一派都係天恩80幾呎，唔要，依家派咗欣田150呎
• 我第2次都係派哩度冇要
• 勸你唔好要，根本咩都放唔到，轉身都有困難，仲話想放洗衣機，俾你放到都嘈到訓唔到覺
• 畀個建議你，洗衣機擺廁所，個廚房仲實用
• 太細啦，間屋要長住，要住得舒服，就算呢次拒絕，呢啲單位唔會計入三次編配
• 忍下唔好要，等二派啦，見好多人都係好快二派，住咁細單位會好壓抑

然而亦有個別網民認可以改變放置方法，令空間可以在有限面積下盡量運用，甚至乎不購買洗衣機，改為在樓下洗衣店處理：

• 放得落，我用緊惠X浦上翻蓋的可以放入內
• 一入門口就橫衣櫃油壓床平時當梳化、門口側邊掛牆電視、所有收納空間做吊櫃、廚房購買袖珍細size嘅洗衣機&雪櫃
• 唔好咁貪心，洗衣機同埋雪櫃，只能夠做到二揀一 ，我會擺雪櫃，洗衣機唔好要，洗衫就拎出去磅洗，甚至乎連雪櫃都唔要，買外賣就得
• 我見過有人廚房下面洗衣機，上面放小雪櫃
• 一人就買部2.5-3kg 掛牆洗衣機，日常衫褲自己洗，床單被就出去洗一人就買部2.5-3kg掛牆洗衣機，日常衫褲自己洗，床單被就出去洗
• 可以薄身洗衣機，或迷你洗衣機
• 幾細都忍過咗先，之前都住過天恩，我揀咗雪櫃，衫拎出去洗，打橫應該有6尺左右，你當果個空間係6尺x6尺，我試過打橫張床放係放到嘅，但出入要跨過個床

資料及圖片來源：Facebook@公屋討論區 - 香港facebook群組、香港房屋委員會、房屋局