龍珠島私樓最平唔使$8000一呎 網民熱議:咁平到底好唔好住?

2022.11.23

龍珠島係鄰近屯門黃金海岸嘅一個離島,亦係一個自成一角嘅純住宅區,而呢個面積細少嘅地方又其實好唔好住呢?最近就有網民喺香港討論區上發文,問龍珠島嘅樓點解會咁平,因而就引起一眾網民熱烈討論當中嘅原因以及龍珠島嘅優劣之處!

位置偏遠、打風似災難所以咁平?
樓主就問到點解龍珠島嘅樓會咁平,亦表示可能係與有51年嘅樓齡有關。而一眾網民對樓主嘅提問都紛紛提出各自嘅見解,有網民就認為係龍珠島位置偏遠所致:「location、location、location,樓價反映一切」,亦有網民指係因為打風時島上情況會非常惡劣以及島上並無配套所致:「打風你就知道點解,災難片咁樣」、「點解?你入去住過咪明白囉,龍珠水電,打風落雨,前不挨村後不靠店......龍珠島與澄碧灣是本港兩處異於常態的長期低水項目,大約只值市價一半」。

有網民認為龍珠島價樓低是因為所在位置差以及打風時會造成很大麻煩。

打風落雨即燮孤島?唯一出入道路會水浸?
有網民就進一步指出當打風落雨時龍珠島會所遭遇嘅情況:「落雨,水漲即燮(變)孤島」、「一打風,落超大雨,超潮漲時歸家及出門不得嘛。每家一定要儲糧添(㖭)」、「好耐之前打算買,因為四面環海,無敵海景,有次打十號風球,唯一既(嘅)橋差唔多已經係(喺)海中,而且咸(濕)氣重,好易風濕,立刻打消念頭」、「早幾年個風好勁,有條片見到架車過橋,浸到好似係(喺)海中心咁,真係替個車主又驚又難過」。

有網民指龍珠島遇上打風時,出入島的唯一一條橋會有嚴重水浸,島上居民難以進出。

龍珠島樓齡高單位又細?返工要轉幾次車?
更有網民指出龍珠島除咗打風落雨時環境相當惡劣外,亦有交通不便以及單位面積細等問題:「樓齡高單位超細,打風落大雨馬路水浸過不到,出入無車極唔方便」、「位置太不方便,交通配套不足」「交通僻到一個點,長時間暴曬+海風侵蝕,d(啲)石屎早就爆晒,買完第時要你比(畀)錢整你就知味道」、「條橋夾錢維修保養好金(甘),打工仔搭公交返工放工要轉幾次車,有車出入老闆級又唔住嗰處,單位太細,根本喺設計錯配」,而有網民就指出單位細係因為當初龍珠島嘅單位設計為作渡假屋用:「以前真係的(啲)富人用來做渡假屋用,不是用來住,所以單位設計好細」。

不過亦有網民認為龍珠島其實都唔錯,環境寧靜之餘亦尚算便利:「位置獨立,既有遠離新界市區的優勢,寧靜舒適,又有近住新界市區的便利,似遠實近」「如果鐘(鍾)意外國feel,夠隔薛(涉)夠靜都唔錯!」、「呢個島超正,都成50年還存存(在),即係無問題」。

有網民指龍珠島有樓齡高、單位細以及交通不便等問題。

亦有網民認為龍珠島寧靜舒適,感覺身處於外國之餘,又有鄰近新界市區的優勢。

資料補充:龍珠島別墅及龍珠島花園最新樓價
據網上資料顥示,於1970年開始入伙的龍珠島別墅共有8座,一共提供263個單位,單位實用面積由最細286呎至最大596呎,本年以最低呎價成交為實用面積576呎的東座四樓B8室,成交價505萬,呎價為8,767元一呎。而於1990年開始入伙的龍珠島花園則共有9座,合共提供130個單位,單位實用面積由最細658呎至最大1,197呎,今年以最低呎價成交為實用面積658呎的9座1樓D室,成交價508萬,呎價為7,720元一呎。

龍珠島別墅及龍珠島花園今年最低分別以實用面積8,767元一呎及7,720元一呎成交。

text/Jonathan
photo/HKET圖片庫

============

同場加映:

【蝸居睇樓團】大角咀粉紅日系新婚愛巢 房中房和紙趟門夠慳位、中島開放式廚房

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【送禮】《社群》派利是!↓

↓ 立即入APP參加!↓

↓ 立即入APP參加!↓

↓【免費睇!】《香港寵物好去處2023》!↓

↓超過20個毛孩放電點/冷知識/攝影技巧等↓

↓超過20個毛孩放電點/冷知識/攝影技巧等↓

評語

相關文章