將自己嘅物業出租畀人再出去租樓住? 做「雙租族」有咩原因同好處?

2022.11.18

「雙租族」係形容一啲持有物業嘅業主將其單位出租然後再租住其他單位,業主以及租客嘅身份同時集於一身,而最近就有網民喺香港討論區上發文,指自己朋友將原先作自住嘅物業放租,然後再另外租樓住,呢個行為就令佢滿腦疑問,所以就問到背後嘅原因究竟係咩,因而就引起一眾網民熱烈討論做「雙租族」嘅原因以及好處!

做「雙租族」係為了住更大嘅單位?

樓主表示自己朋友最近搬屋,原以為朋友將原先嘅自住單位出售,但最後發覺原來係將本身嘅單位放租再另外租樓住,就令佢非常不解:「唔係好明點解會咁做,係咪而家租樓仲抵過自住?係咪有錢人先會咁做?」。有網民就認為做「雙租族」係因為原先嘅單位空間不足,所以要另外租住其他更大嘅單位:「自己屋唔夠大例如多左(咗)細路要搬大D(啲)」、「我同事都係咁,佢系(喺)市區有個三百幾尺(呎)既(嘅)自住樓,但後來同佢住既(嘅)屋企人越來越多,搞到佢要將層樓租出去,然後系(喺)新界租700尺(呎)村屋先至夠住。佢租出去嘅租金岩(啱)岩(啱)好夠交租村屋嘅租金,唔駛(使)自己貼錢租樓」

 

有網民認為做「雙租族」是因為家庭成員增加,需租住有更大空間的單位。

 

為了方便返工返學?有更好嘅校網?

而有網民就認為做「雙租族」係因為可選擇租住鄰近工作嘅地點以方便返工:「我都係咁,方便返工」、「租樓地方近公司」,更有網民指做「雙租族」可避免再付買賣樓宇嘅手續費及印花稅:「我朋友都係咁,佢話方便返工喎,又唔想一買一賣俾手續費同印花稅」。亦有網民指係因為可以方便小朋友返學:「親戚以前係咁,因為就小朋友讀書地區再出去租樓住」、「我都係咁,自己嗰層租比(畀)人,現時暫租,就仔仔返學」,更有網民認為係為了有更加好嘅校網:「有子女,可能貪個校網」、「方便子女入名校」、「見好多都係多個細路唔夠住又或者要校網好就變左(咗)雙租」

 

有網民認為做「雙租族」是為了方便上班上學以及為了子女能夠入讀更好的學校。

 

可幫補生活費?公司有房屋津貼?

有網民就指做「雙租族」可從差價中賺取生活費,以補貼生活開支:「我識對退休夫婦都係咁做,自己間屋租比(畀)人收30000幾蚊租,2(兩)公婆就去租間15000的屋,有萬幾二萬蚊做生活費」、「用出租物業抵消租金,好處係自由度大,方便返工,如退休人士,搬去大西北,出租市區物業,退休人士可享受大西北鄉郊特式(色),而市區租金可補貼生活開支」、「(出)租自己個單位,再個(租)個平啲個(嘅)單位住,例如村屋,夠交租之如,重(仲)可以幫補生活費!」,亦有網民認為做「雙租族」係因為公司有房屋津貼:「公司有housing囉」、「可能公司有housing可以claim」、「高管好多都有housing!」

 

有網民認為做「雙租族」能夠補貼生活開支之餘亦有更大的自由度。

 

「雙租族」其實好普遍?

而有網民更指其實做「雙租族」喺香港已經係一個常見嘅現象:「雙租族好普遍,並不出奇」、「有乜奇怪,大把業主自己租間房住咋,為乜重(仲)要問?」、「好多人都租上租架(㗎)啦」、「雙租好common,因為大小/校網。如果自住間屋比較舊,出去租新樓甚至一手樓仲有so,貴貴管理費業主包埋」,不過亦有網民就認為做「雙租族」需加倍擔心:「放租已擔心!還要租人屋!」

 

有網民認為「雙租族」在香港很普遍,不少人都會因單位過小或校網的因素而選擇做「雙租族」。

 

text/Jonathan

photo/HKET圖片庫

============

同場加映:

【家居達人】選購風扇燈6大貼士樓底幾高先裝到?邊款最涼最光?

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶】不含酒精及化學成份!天然又安全!↓

↓ 準時入APP搶芳泉全效消毒噴霧套裝!↓

 ↓ 準時入APP搶芳泉全效消毒噴霧套裝!↓

↓必收藏!香港咖啡地圖2023!↓

↓精選50間咖啡店(附評分)!即睇詳細介紹↓

↓精選50間咖啡店(附評分)!即睇詳細介紹↓

評語

相關文章