送外賣、上門補習、衞生署職員一律都唔入得! 網民熱議:樓下看更禁止非住客進入大廈有冇問題?

2022.11.18

大廈樓下嘅保安員,相信係除咗屋企人之外,每日都會經常見到嘅人,但如果保安一律禁止非住客進入大廈,到底係屬於盡責定係濫權呢?早前有網民喺香港討論區上發帖,指自己大廈嘅保安員濫用權力,喺大廈並無通告下亦一律禁止非住客進入,認為佢係「妹仔大過主人」,仲惡過業主,而一眾網民亦紛紛發表意見,熱烈討論究竟保安員咁嘅做法究竟有冇問題呢?

做法屬於濫權?係故意咁做去突顯地位?
樓主表示自己樓下嘅保安員禁止送外賣嘅員工、上門幫人補習嘅人上樓,而就連早前有衞生署職員要上門亦都並唔容許,但其實大廈就並冇發出通告指要禁止非住客進入,所以就認為保安員係濫用權力:「真係未見過妹仔大過主人婆既(嘅)看更,其實佢有咩權力唔俾人上樓?佢又唔係業主,憑咩話唔畀啲人出出入入?」。有網民就認為保安員嘅做法確實係濫權:「通常都係憑佢係莊你係閒,純粹濫權玩野(嘢),俾住客蝦得多,就搵啲細過佢嘅人出氣」、「好多管理員都好仆x呀,尤其係啲阿嬸」,有網民更認為保安員係故意咁做以突顯自己嘅地位,建議要投訴佢:「好多看更都係咁屎忽鬼,你可以話呢個係職業病有啲變態,借啲意凸顯自己係有地位唔係看門狗,唔需要理佢但唔好畀佢有機會入到手,記住你係業主佢一定驚過你,有機會隨時可以小x佢借其他原因投訴佢」。

有網民認為保安員的行為屬於濫權,故意作出這樣的行為以突顯自己的地位。

應向管理公司投訴?不應留難前線員工?
而有網民就認為保安員只是按指示工作,建議樓主若有不滿應向管理公司反映:「你應該打去管理公司反映,看更一般都係聽order做野(嘢)」、「看更係聽班物業管理話,你可以去管理處x佢地班大佬」,亦有網民認為不應留難屬低下層的前線保安員:「向佢管理層投訴,唔好難為低下層」、「佢哋係按照業主立案法團指引做事。尊貴嘅小業主你想改變可以經由法團提出。你唔提出就來留難啲管理員」、「認真講,看更真係有權唔俾非住客上樓,除非有住客同行,看更都係打份工,佢一定係聽上級既(嘅)指示,你應該同管理公司聯絡溝通,而唔係難為基層既(嘅)前線員工」。

亦有網民認為保安員只是按上級指示辦事,若有投訴應向管理公司反映,不應為難前線員工。

係盡責嘅表現?係職責嘅所在?
不過亦有網民認為樓主嘅控訴無理,保安員嘅行為係屬於盡責嘅表現:「我咁睇,個保安好盡責。咁多閒雜人出出入入影響治安同周圍播毒」、「人地做到野(嘢),我都想樓下保安有咁盡責」、「佢係大廈保安,佢有權保護大家安全,唔比(畀)閒雜人等進入都係職責所在」、「看更工作咪就係咁囉,唔通乜人都上到去好?我反而最熷(憎)D(啲)看更乜人都比(畀)佢上樓仲有,唔惡點看實個門口?佢唔係接待員,更加唔係妹仔,職責唔係講是非,唔係開門」,有網民更認為若保安員任意讓人進入大廈亦會被人投訴:「係人都放入去,到時你又嘈,話搞到成幢大廈雜晒」、「如果乜x人都上去,你染疫,咪一樣投訴佢,不如你做埋看更個(嗰)份」。

有網民認為保安員的行為盡責,禁止閒雜人進入大廈為職責所在。

發展商先有權話事?住戶其實冇乜權力?
更有網民認為樓主只係一個小業主,物業管理多數由大業主或發展商處理,權力會比起作為住戶嘅業主更大:「你係小業主,大業主話事」、「搞清楚邊個先係妹仔先啦!好多屋苑物管是由大業主開的,你x9個看更物管出律師信比(畀)你」、「你睇咗公契未?好多時發展商係保有業權,管理公司仲真係有你講cls權力,只係你唔知」、「無錯,發展商絕對惡過所有業主,佢出通告你咪試吓唔跟囉」,亦有網民建議作為業主嘅樓主應深入了解保安員所擁有嘅權力:「業主們應該去進修下保安課程,就知保安都有哪些權力,有哪些義務,應對邊個負責!你都可以去聽吓」。

亦有網民認為大多發展商保有業權,能夠為大廈的保安管理事項作決定,而作為單一住戶的小業主並無太多權力。

text/Jonathan
photo/HKET圖片庫

============

同場加映:

【家居達人】選購風扇燈6大貼士樓底幾高先裝到?邊款最涼最光?

 

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【送禮】《社群》派利是!↓

↓ 立即入APP參加!↓

↓ 立即入APP參加!↓

↓必收藏!香港咖啡地圖2023!↓

↓精選50間咖啡店(附評分)!即睇詳細介紹↓

↓精選50間咖啡店(附評分)!即睇詳細介紹↓

評語

相關文章