常常聽到吃自助餐、放題時，要多吃貴價貨才能值回票價，名牌雪糕、生蠔、龍蝦等都是不少人的「回本」之選，買得平、食得抵固然令人開心，但近日就有網民在討論區發文狠批是不切實際的想法，他指，酒店或餐廳早已計算妥當，認為只有大胃王才有可能回本，引來不少回覆，更有疑似5星級酒店員工大爆價格，即使只吃海鮮也未必能回本。
最近，一名網民在「連登討論區」發布了一篇以「成日睇/聽到D人食自助餐想回本」為題的文章，他指：「根本就係不切實際，酒店/餐廳計過度過成本價後再mark up。唔係大胃王根本無可能回本，想回本就咪鬼食自助餐啦，除非你可以80蚊樓下食到」。
引出疑似5星級酒店員工大爆價格，「我做開5星級，一隻（蠔）都12$。不過其實其他刺身都唔係好貴。全晚計刺身都係幾千蚊數垃圾急凍野，全港酒店都係。預比200人條數，龍蝦就最大，叫成50kg。一隻一百零蚊到。鵝肝就一件20$。其他都無乜貴野。收你800$+1。就點都回唔到本啦」，更指「試過做過間拿過成千蚊1kg嘅金蠔同5000$/兩嘅冬蟲草番來燉湯做。buffer都未試過蝕本啦」。
不少網民熱烈討論，有人覺得「回本」最重要是自己的感受，而不是真的吃到像成本價一樣的份量，「俾咁多錢，食返出面起碼值咁多嘅食物，覺得自己無蝕底咪心理上都有飽足感」、「我唔係從酒店既角度諗，因為係冇可能令到人地破產，人地來貨平。我係想係我嘅角度回本，姐係平時食個雪糕40蚊唔X夠喉想食多幾個又覺得貴，自助餐食十個都回本啊，自己開心咪得囉」、「心理回本，回左d快樂」。
有人覺得自助餐最重要的是其多樣性，「自助餐最緊要試晒咁多樣，我連炒飯都食」，可以「全部食一輪先 然後好食嘅繼續嗌」，「食多d唔同款式先係回本，平時邊有得同時食咁多樣野」。亦有人為一些平時沒有人選擇的食物平反，「我覺得芝士係比人忽視但值得試多d嘅野食」、「我連炒飯都食」、「主力食菜」、「其實沙律分分鐘成本仲貴嗰d熱野」
來源：連登、TVB劇集截圖
►同場加映：【衝出嚟玩】LuLu豬化身快餐店實習生登陸北角滾軸溜冰場！聯乘潮玩品牌+CASETiFY推出多款限定週邊
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
