大師級人馬齊集「萬物有靈:藝術與科技共生展」傳遞大自然共生概念

2022.12.02

今時今日,藝術作品已經唔係畫作或裝置雕塑咁簡單!香港知專設計學院今年亦開辦藝術科技課程,正係標示未來藝術發展已經擴展至兩者間嘅結合,而於12月3日 至明年4月2日舉行嘅「萬物有靈:藝術與科技共生展」中,可以話係最高階示範!今次展覽作品來自5大創作單位,就連日本音樂傳奇人物坂本龍一、媒體藝術家真鍋大度都有份參展,強大陣容絕對係超乎想像!另外獲奬無數嘅本地薑鮑藹倫、林欣傑、義大利藝術家團隊fuse*及加拿大藝術家菲力浦‧畢斯雷(Philip Beesley)都有作品展出,即刻帶大家率先睇,啟發一下你嘅藝術魂啦~

探索共生概念 展現未來願景

經常聽到「萬物有靈」、「平等共生」嘅理念,喺現實中你嘅共生祈盼又係點嘅呢?HKDI院長王麗蓮博士希望藉着今次「萬物有靈:藝術與科技共生展」展覽中,能夠激發公眾好奇心,引發大家就著藝術與科技、人與大自然、虛擬與現實之間互相交織的關係展開討論。而學院亦喺今年開始提供嶄新嘅藝術科技課程,培育更多有關呢方面嘅人材。

今次展覽策展人鄺佳玲及林欣傑亦表示,創新科技與藝術概念嘅融合,正是對當下與未來嘅回應。而展覽中嘅五件作品,係由真菌與藻類結合而成嘅共生體,呈現了對未來生態共生願景,有如五行運世、呈現新種自然之餘,更帶出了共存的概念。大眾想探索一下當中可能性的話,不妨先睇吓5大國際殿堂級創作單位嘅演譯,或者衝擊你嘅啟發!

有興趣嘅朋友,記得book埋12月3日策展人免費導賞,了解創作者背後意念與製作歷程。

導賞團時間:3/12 2pm-3pm

預約12月3日導賞團:https://forms.gle/LdkWKQhvxdbZ7os1A  

查詢:hkdi-gallery@vtc.edu.hk / 3928 2566

網上登記參觀展覽:https://hkdigallery_exhibition2223_admission.eventbrite.com 

 

林欣傑 讓LED螢幕成植物養份

曾獲奧地利媒體藝術節電子藝術大奬、林欣傑從國際錄像之父白南準嘅作品《電視花園》中獲取靈感,創作出《天屏地園》。今次作品係源用於室內垂直農作嘅LED光譜植物養植技術概念,當電視進行 24 小時新聞直播,電腦會分析其影像的動態及顏色光譜,並將當中資料傳送至《天屏地園》上端電視螢幕上,通過機器學習建構出一片天空,帶出人工虛擬現實與真實交互影響,生命被虛實雙向刺激,與之反饋塑形,造成循環共生的狀態。

林欣傑作品《天屏地園》,觀眾可以透過社交媒體上睇直播,實時見證植物每分秒的成長瞬間,並思考密不可割的科技與自然共生下嘅弔詭與可能。

 

鮑藹倫 透視紫荊花的基因轉化

以香港巿花洋紫荊為主題嘅《靈基因》,透過裝置將紫荊花基因轉化成聲音作為主軸,帶領觀賞者走入其中,感受感層層遞進嘅人工自然,探索DNA於每個生物身上更深層次嘅訊息,為觀眾帶來不一樣的沉浸式體驗。

 

坂本龍一 真鍋大度 轉化數據為視覺聲音

有日本音樂傳奇人物坂本龍一坐鎮,當然不少得「聲音」呢項環節!與媒體藝術家真鍋大度合作所創出嘅《感應流 2022‧不可視‧不可聽》,由透過天綫收集環境中的電磁波,然後把數據通過程式轉化成視覺與聲音,喺高清螢幕和揚聲器中播出,讓觀眾能實時體驗人類無法感知嘅電磁波。通過電磁波嘅流動,反映出大眾對智能手機及產品積極參與。

觀眾可以透過裝置控制器,改變波長頻率,感受各種電磁波以及不斷變化嘅視覺與聲音。

智能手機已成為現今人類不可或缺嘅部份,但原來所發出嘅電磁波,會以不同形態無形地出現於我哋身邊~

 

fuse*  以機器展現植物表達能力

來自意大利嘅跨界別藝術團隊fuse*,致力於研究數位技術創作嘅表達可能性,從而探討人類、社會與自然現象的複雜性。是次作品《人工植物學》是一項持續發展項目,通過運用機器學習的運算去探索植物學插圖的潛在表達能力。通過訓練機器學習系統GAN(生成對抗網路),重新創建與最初提供的圖像在形態元素上極其相似嘅人工圖像,開創新物種、類別和形態可能性。

機器學習系統GAN能夠對數據的推敲和詮釋,創建一個嶄新獨立系統,建構一套有關顏色、形狀、細節和紋理的全新關係圖,成為今日大家所見到嘅新形態。

 

菲力浦‧畢斯雷(Philip Beesley) 以共享取代封閉觀

現任加拿大滑鐵盧大學建築學院及歐洲高等學院教授嘅菲力浦‧畢斯雷,帶嚟

2021年威尼斯建築雙年展上展出作品《樹叢》,旨在透過影像與音效環境連動,展現一個改革世界的願景,在未來的建築道路上找尋與植物、動物、惰性物質共生共活的理念,打造一個開放又持續不斷變換及共享世界,取代那僵硬封閉領域觀。

Philip Beesley一直探索不斷擴充和轉型世界中生活嘅可能性,並表達出相互交流和互相同理的願景。

 

HKDI Gallery「萬物有靈:藝術與科技共生展」

網上登記參觀展覽:https://hkdigallery_exhibition2223_admission.eventbrite.com

展出日期:3/12/2022至2/4/2023(逢星期二、4/12及11/12休館)

展出時間:10am-8pm

Fb & Ig:hkdi.gallery

 

資料由客戶提供

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶】不含酒精及化學成份!天然又安全!↓

↓ 準時入APP搶芳泉全效消毒噴霧套裝!↓

 ↓ 準時入APP搶芳泉全效消毒噴霧套裝!↓

↓必收藏!香港咖啡地圖2023!↓

↓精選50間咖啡店(附評分)!即睇詳細介紹↓

↓精選50間咖啡店(附評分)!即睇詳細介紹↓

評語

相關文章